Novas

Xornada 21/11/2021

Xornada con moitos goles, aínda que con algúns resultados negativos Nesta xornada destacamo-lo empate que acadou o noso Cadete A en Carballo, esperemos que sexa un punto de inflexión na súa andadura nesta complicada liga. Ademáis destacamo-lo debut do Biberó A con victoria diante do Praíña nunha mañán moi entretida para os noso peques. SD Praíña 1 - Biberón A 3 Mañán chea de emocións e ilusións no primeiro partido do noso Biberón A que rematou ca primeira victoria do ano para os peques. Saíron cun sorriso ben merecido polo partido feito destacando o esforzo de todos eles. Agora a seguir aprendendo para as vindeiras semanas. Villestro SD A 3 - Biberón B 1 Gran partido dos máis peques da nosa base, competiron moi ben e marcaron os seus primeiros goles. Comezaron gañando o primeiro cuarto pero despois non foron quen de consegui-la victoria nos outros tres, aínda que perderon pola mínima. Amio SD 1 - Pb A 5 Preciosa mañá de fútbol a que disfrutaron os nosos prebenxamíns. Disfrutamos no campo e fora del, seguimos formando os mais peques polo bo camiño. Pb B 7 - SD Compostela 0 Segundo partido de liga dos nosos prebenxamíns de primeiro ano, moi bo partido de todos eles, que estiveron concentrados en todo momento Empezan a recolle-los froitos do que traballan nos adestramentos. Pb C 1 - Exclavitud 1 Partido moi igualado no municipal. Poñíamonos por diante na primeira parte, chegando asì ao descanso. Na segunda parte o Exclavitud logra o empate. Resultado xusto. Partido para que os pequenos vaian progresando e disfrutando co deporte. Benxamín A 3 - EFM Boiro 0 Mal partido dos nosos que estiveron moi mal con e sen balón pero que souperon competir para sacar con solvencia os tres puntos. Benxamín B 3 - EFM Boiro C 0 Partido traballado diante dun rival de segundo ano que non puxo as cousas sinxelas. Un gol antes do descanso encamiñou o partido para nunha cómoda segunda parte con dous goles mais acada-la victoria. Partido serio dos rapaces. Benxamín C 13 - Cacheiras C 3 Partido moi cómodo dos nosos rapaces, onde o rival non foi quen de plantarlle cara. Benxamín D 3- Victoria CF D 3 Partido igualado na primeira parte, onde o Victoria puxose 0-3 sendo mais eficaz, mentres na segunda parte o Bertamirans foi moi superior e consegiu un empate a tres no último minuto. Xuv. Oroso 6 - Alevín A 2 Mal partido dos nosos, que tras bos partidos nas anteriores xornadas non estiveron a altura deste. O rival gañounos tanto en gañas como en ideas, polo que o resultado non puido ser outro. Toca seguir adestrando para mellorar. Esclavitude 1 - Alevín B 6 Bo partido do noso Alevín diante dun rival frouxiño. Acadouse un resultado moi favorable nos primeiros 10 minutos e dende ese momento tratamos de mante-lo control do partido sen deixar, de cando en vez, facer dano na portería rival. Alevín C 8 - A Baña 0 Partido dominado de principio a fin polos nosos. O xogo do equipo foi moi superior e non deu opcións ó rival. Alevin D 6 - Victoria C 0 Segundo partido de liga cunha victoria nun mal partido por parte nos, sen control do xogo e gañando poñendo moi pouco fútbol agora correxi-las cousas mal feitas pra próxima semana ante o Amio B. Alevin E 0 - Touro 5 Partido dominado de cabo a rabo polos visitantes que non deron opción algunha aos nosos rapaces. (FUTSAL) Stellae FS 5 - Alevín B 4 Boísimo comezo de encontro pola nosa parte. O Stellae non foi quen de facernos fronte nos primeiros 12 minutos pero a medida q foi pasando o tempo foron indo a máis para ao final acada-la victoria. Infantil A 3 - Victoria CF 3 Visitaba o municipal o equipo coruñés, ao pouco de comezar, os nosos estrelarían un balón no pau da portería visitante e, acto seguido, o rival se adiantaría no marcador. Neste encontro costaríanos moito poder combinar, debido as imprecisións nos controles e as continuas perdas no centro do campo, ainda así, fomos quen de repoñernos e darlle a volta ó marcador, por dous tantos de vantaxe. Os últimos 20 minutos de partido, quizáis foran os peores momentos que pasamos esta tempada. Os nosos serían incapaces de contraresta-la diferenza de centímetros e físico, dun rival, que nos asfixiaba. Froito do empuxe do Victoria, produciríanse moitos desaxustes, onde non sairíamos gañando en case nengunha disputa, e en situacións de vantaxe cos dous xogadores contra 1 do rival. Durante o encontro, tampouco seríamos capaces de gañar ningún segundo balón. Xusto empate no marcador. Milladoiro SD 2 - Infantil B 3 Partido de altibaixos do nosos Infantil B no que se foi o decanso co resultado e as ocasións igualadas. Na segunda parte o rival púxose por diante con dous goles nun minuto, pero os nosos souperon darlle a volta ó partido con dous goles de Lucas e outro de Álex de falta. La Salle 0 - Infantil C 5 Partido dominado completamente polos nosos rapaces, aínda que na primeira parte non foron quen de xerar moitas ocasións porque tiñamo-lo mediocampo moi metido atrás, na única ocasión clara acadaron o 0-1. Na segunda parte o equipo colocouse correctamente, co mediocampo máis adiantado, e xerou moitísimas ocasións de gol. Agora toca seguir traballando para conseguir outra victoria na vindeira xornada. Infantil D 0 - EFM Boiro B 12 Os nosos rapaces tiveron uns primeiros vinte minutos do primeiro tempo onde competiron cara a cara fronte o seu rival chegando a incomodalo. Pero unha vez que encaixaron os dous primeiros goles, a actitude do equipo foi moi mala xa que se deron por derrotados e polo tanto foron moi inferiores ó riva. Seguiremos traballando para mudar esta dinámica. Bergantiños 1 - Cadete A 1 Partido difícil o desta fin de semana. O equipo estaba intranquilo ante a necesidade dos puntos. A pesar de todo os rapaces fixeron un gran esforzo, e puidemos acada-lo empate.Unha mágoa non poder acertar de cara o gol nalgunha das ocasión claras das que dispuxo o equipo. EFM Boiro B 1 - Cadete B 8 Partido moi serio, que os rapaces souperon controlar de principio a fin. Con catro goles en cada parte o equipo soupo repoñerse da dura derrota da semana pasada e saca-los tres puntos dun dos campos mais complicados da liga. Dubra 1 - Cadete C 6 Os nosos rapaces dominaron completamente un encontro onde únicamente concederon unha ocasión de gol debido a un erro da defensa na saída do balón o que significou o empate momentáneo no marcador. Toca seguir traballando para entrar máis concentrados nos partidos. Cadete D 3 - Victoria C 6 O noso cadete D perde contra o victoria "C". Despois dunha primeira parte moi competida e que se chegaría ao descanso cun empate a un no marcador, o equipo salería moi durmido na segunda parte. Finalizando o encontro cun 3-6 no marcador. EFM Boiro 2 - Xuvenil A 1 Resultado enganoso, pois o rival foi claramente mellor durante boa parte do encontro, puidendo aumenta-la vantaxe no marcador varias veces. Ao final,un tanto de Manu no 92 maquillaría o resultado final. Xuvenil B 3 - Xuño 3 Partido raro o vivido no municipal de Bertamiráns. Nunha prmeira parte onde os nosos foron infinitamente superiores puxemonos moi cedo cun dous a cero no marcador e puideron ser mais, pois as chegadas eran constantes e incluso dous balóns estreláronse no longueiro. Pero cando estabamos no tempo de desconto o Xuño no primeiro disparo reducìa distancias. Comenzaba a segunda parte mais relaxado pero intentando acada-lo gol que nos distanciara no marcador. Este chegou a falta de dez minutos. Cando todo parecía que o marcador non se moverìa dous balons longos por parte do Xuño acaban dentro da porteria e logran empata-lo partido. Dous puntos perdidos. Luaña 3 - Senior 1 O campo condicionou o xogo do equipo que se viu obrigado a xogar directo e nunca puido estar cómodo co balon, a diferencia do Luaña, acostumado a ese xogo gañou a maioría das disputas aéreas e logrou remonta-lo partido o saír do descanso, o Berta non soubo reaccionar tra-lo gol do empate e encaixa dous máis en dez minutos, o Berta intentouno nos últimos vinte minutos pero sen éxito. Aínda peor que perde-los tres puntos foi a lesión no xeonllo de Capi na primeira parte o que lle desexamos unha pronta recuperación.

As estrelas voltan de visita

Dous ilustres do fútbol galego voltan de visita Aproveitando o parón nas ligas profesionais debido os compromisos das seleccións nacionais rumbo a Qatar 2022, dous futbolistas ilustres que se formaron na nosa base aproveitaron para visitar ó noso presidente Rafael Budiño onde o noso patrocinador Café Don Budi. Os dous futbolistas non son outras ca Hugo Novoa e Fran Vieites. Hugo Novoa militou no nosa base ata categoría benxamín, agora con só 18 anos xa debutou na Bundesliga co seu actual clube o RB Leizpig, onde xa veu porta en partido oficial de liga. Fran Vieites, pola contra, estivo na nosa base ata cadetes cando fichou polo Celta de Vigo para o seu equipo Xuvenil B. Actualmente está cedido no CD Lugo de Segunda Division onde xa debutou. Atesora moita experiencia en segunda B debido ó seu paso polo filial do Celta. Dende aquí desexamoslles a mellor das sortes para que triunfen neste difícil e complicado mundo do balón. Unha aperta moi forte para os dous.

Xornada 14/11/2021

Por fin comezaron todas as ligas para a nosa base Esta fin de semana deron comezo as ligas que faltaban polo tanto toda a nosa base comezou a competir e a divertirse nos campos de fútbol. Únicamente o Biberón A, que descansaba por ser o seu grupo impar, e o Alevín A en futsal non tiveron xornada de liga. Biberón B 0 - At. Fátima 4 Inicio de liga para os máis pequenos do noso clube, os Biberons B. Partido dominado de principio a fin polo equipo visitante con innumerables ocasións. Os nosos pequenos só puideron xerar moi poucas polo noso lado. Resultado final 0-4. Hai que resalta-la boa entrada no municipal de Bertamiráns, onde o público asistente desfrutou moito dos peques e da súa deportividade, xa que a parte de xogar ó fútbol, nalgún momento ambos equipos fixeron paréntese para outros xogos. Pb A 5 - Victoria FC 2 Preciosa mañá de fútbol a que desfrutaron os nosos prebenxamíns. Desfrutamos no campo e fóra del, traballamos para formar ós mais peques na mellor práctica deste deporte. Pb B 1 - Milladoiro 7 Primeiro partido de liga en campo grande para os nosos pbs de primeiro ano, diante dun rival de segundo ano. Bo partido dos nosos nenos onde pouco puideron facer diante dun rival superior físicamente. Cordeiro 1 - Pb C 7 Primeiro partido de liga para o prebenxamín C que conseguiu a victoria en cordeiro. Partido para que vaian aprendendo os nosos pequenos e se divirtan xogando. X. Oroso 1 - Benxamín A 2 Victoria importantísima do benxamín A ante un rival moi forte que non lle perdeu a cara en ningún momento do partido. A pesar de gozar das mellores ocasións, un penalti a prol dos nosos daba a victoria pola mínima. (FUTSAL) Benxamin 15 - San Francisco de Teo 0 Estreno en Liga cunha victoria contundente dos nosos. ADN 2 - Benxamin B 3 Mal partido dos nosos, que tras alcanzar unha vantaxe de dous goles non foron capaces de mantela durante todo o encontro, pois o rival reduciría a vantaxe por dúas veces. Aínda así, acadamo-la primeira victoria na primera xornada. A seguir! Escola Estrada C 4 - Benxamín C 2 Estrea con derrota para o noso benxamín C. Unha parte para cada equipo, na que os pequenos detalles foron decisivos. Os nosos erraron un penal antes do descanso, quen sabe quizáis de marcalo o encontro tería outro gañador. Alevín A 4 - Escola Estrada 3 Partidazo o vivido este sábado entre dous bos equipos. Os nosos dominaron o encontro na primeira metade, chegando a conseguir o 1-0 moi cedo. A partir de ahí, o rival replegado buscando saír á contra, acada o empate. Na segunda metade, o equipo botaría o resto para acabar logrando a segunda victoria da tempada. Toca seguir traballando para que os puntos sigan chegando. Ánimo para os peques!! Alevín B 3 - Tordoia 1 Partido serio anque impreciso do noso Alevín B. Temos q ser máis agresivos de cara a portería rival, non hai outra. Temos que ser máis contundentes, máis seguros, máis conscientes do que se fai e do que se espera de cada cousa q facemos. Sexa como sexa, é un pracer compartir con rapaces que se esforzan día a día da maneira na que o fan. Un séntese orgulloso. (FUTSAL )Fátima B 0 - Alevín B 3 Como partido incial pensamos que non estivo mal. Queda moitísimo traballo por diante, por parte do adestrador principalmente, (dise esto porque quen escribe pensa q o grupo ten gran capacidade para progresar) pero tamén por parte dos xogadores. Este é un equipo comprometido e que se esforza; toca ser precisos e recoñecer que polo momento imos xustos. Queda un mundo por camiñar. Parabéns rapaces!!! Conxo C 3 - Alevín C 2 Partido moi competido onde adiantáronse os nosos cunha boa xogada. A falta de rodaxe pasanos factura con tres despiste onde o Conxo non perdonou. Cara o final do partido reducimos distancia no marcador pero non fomos quen de acada-lo ansiado empate. At. Fátima C 2 - Alevín D 8 Inicio da liga cunha victoria moi merecida, dende o inicio fomos superiores tendo o control do partido poñéndonos por diante dende os primeiros minutos e sufrindo moi poucas ocasións. Agora centrámonos no Victoria, quen será o noso próximo rival. Escola Estrada C 2 - Alevín E 3 Partido dominado dende o inicio polo Alevín E, quen se atopou por debaixo no marcador durante case todo o partido con tan só dúas chegadas do equipo rival. Dous carambolescos e merecidos goles tardíos daban a primeira victoria ligueira aos nosos. Xuv. Oroso 0 - Infantil A 4 Partido disputado en Sigüeiro no que os nosos rapaces fixeron un xogo moi práctico. A primeira metade transcurriu dunahforma na que os nosos rapaces serían capaces de chegar preto da área rival, pero non serían quen de mante-la calma suficiente para ver e crea-lo espazo para poder culminar dunha forma plácida as xogadas. No descanso intentaríamos correxir distancias, e ahí foi cando nos toparíamos cos tan ansiados espacios e cos xogadores ben distribuídos. Temos que seguir nesta boa dinámica, sabendo que nos quedan moitos aspectos dos momentos de partido nos que traballar, e así poder fomenta-la súa formación. Infantil B 5 - Unión Rianxo 0 Gran debut na liga. Partido controlado dende o pitido inicial, os nosos rapaces non pasaron moitos apuros en mante-la portería a cero e tiveron moitas ocasións para que o marcador fose máis abultado. Infantil C 12 - Vista Alegre 1 Partido sen historia o desputado no municipal de Bertamiráns onde un rival que se presentou con dez xogadores non foi quen de presentar batalla. Os nosos rapaces aínda así non fixeron un gran partido xa que levaron un ritmo de xogo moi lento durante os noventa minutos, ademáis de permitir unha contra onde encaixaron o gol rival. A seguir traballando para mellora-la actitude. S.D. Cacheiras B 9 - Infantil D 0 O Cacheiras foi un equipo moi superior durante todo o partido e en ningún momento deu opcións ós nosos rapaces para achegarse a súa portería. O noso equipo estivo moi perdido durante todo o encontro, non tivo reacción ningunha e co trascorrer dos minutos mostraba menos capacidade para achegarse á portería rival. Seguiremos a traballar para mudar esta dinámica. Cadete A 0 - San Tirso 3 O partido puxosenos custa arriba cun gol moi cedo na nosa contra, a persares de tentalo non fomos quen de empata-lo partido. Cadete B 1 - Noia 6 O equipo foi superado totalmente polo rival durante todo o partido. O Noia impuxo a súa clara superioridade física e a través de gaña-la maioría das disputas, balóns divididos e rexeites, por forza os goles foron caendo. Os rapaces dérono todo pero a diferencia física foi determinante. Xusta derrota. Cadete C 9 - La Salle 0 Gran partido dos rapaces que sentenciaron na primeira parte con cinco goles. Xogaron moi intensos e non concederon ocasión algunha ó rival. Salienta-lo traballo dos nosos tres dianteiros xa que acadaron cada un deles un doblete. SD O Pino 2 - Cadete D 2 O noso cadete D rasca un punto nun campo sempre complicado como é o da SD O Pino. Despois dunha moi mala primeira parte dos nosos con dous erros non forzados fomos ao descanso con dous goles por debaixo. Ao saír do entretempo o equipo mudou a súa actitude e dous goles de Christian Rojo puxeron o empate no marcador puidendo incluso consegui-la remontada con varias ocasións claras de gol. Xuvenil A 2 - Bergantiños B 2 Partido marcado por unha segunda parte moi sería do equipo. Tras comezar perdendo 0-1, o equipo reaccionaria empatando o partido aos 3 minutos do segundo tempo. A partir de ahí, mostrariase con moitas ganas e chegaron as ocasions, podendo ponerse por diante en varias ocasions. Tras iso, o rival poriase por diante tras unha falta lateral. Puidose gañar, pero tamen perder. Toca seguir traballando para que as victorias cheguen! Oleiros 1 - Xuvenil B 2 Partido moi serio do xuvenil que comezaba a primeira parte atopando aos extremos e tendo varias ocasións de gol que coma sempre non era capaz de materializar, ata que mediada a primeira logra o seu obxetivo e adiántase no marcador. Minutos despois teria outra ocasión similar pero desta vez o balón sae lambendo o pau. Comenza a segunda parte e o Oleiros continuaba co seu plan de balóns directos sobre os dianterios esperando sobre todo un segundo balón para achegarse a nosa portería. Nunha destas un erro no balance defensivo caelle o balón diante do noso porteiro poñendo o empate no marcador. Subimos liñas e sen pasar apuros atrás acadamos o ansiado gol que nos deu a segunda victoria. Senior 2 - Urdilde 0 Parabéns ao senior polo bo traballo que levaron a cabo hoxe. Foi un pracer ver ao equipo repoñerse da última derrota, loitando todos cada balón en defensa e estivemos moi seguros co balón nos pés. Ao igual que dixemos o último fin de semana, nin o outro día éramos tan malos nin este somos tan bos. Destacamo-lo gol acadado por Lucas de falta co Infantil B.

Xornada 07/11/2021

Os máis cativos tamén comezan a competir Esta fin de semana comezaron algunhas competición de fútbol 8 co que os nosos cativos comenzaron a competir no que máis lles gusta... xogando ó balón.Destacamos a goleada do Alevín A e as victorias dos nosos Xuvenís nesta xornada. Pola contra o equipo Senior ten moito traballo por diante despois do descalabro sufrido en Calo. Infantil C 1 - Estrada 1 Partido moi competido o desputado no municipal de Bertamiráns, os dous equipos propuxeron un fútbol moi físico no que se impuxeron as defensas e houbo moi poucas ocasións de gol. Adiantáronse os nosos rapaces cun gol de testa de Jorge na primeira parte, nunha xogada moi ben trenzada polos nosos pola banda dereita. Na segunda, o equipo dispuxo de 2 boas ocasións para acada-la victoria pero non as materializou e o rival acadou o empate cun gol olímpico na saía dun saque dende o curruncho. Toca seguir traballando para conseguir a primeira victoria da tempada. Infantil A 5 - CD Calasanz 3 Nova xornada de liga, na que esta vez xogamos na nosa casa. O partido foi moi competido grazas a un equipo visitante, moi aguerrido e con unha presión asfixiante. Os nosos, farian unha primeira metade onde o fútbol non sería brillante, pero mateliarizaron as ocasións das que dispuxeron cunha alta eficacia. Tras saír medio durmidos do tempo de lecer, os visitantes acortarían distancias, tras erros dos nosos rapaces. Boa reacción do equipo, que cun pouco de fortuna e, tras unha acción a balón parado, mudaron a faciana que estabana a mostrar. Victoria CF 0 - Xuvenil A 1 Partido serio dos nosos, que visitaron aos primeiros clasificados nun campo compricado. Tras un primeiro tramo do partido no que non houbo ocasións por ningunha parte, un erro na saída de balón do rival supuxo o 0-1 definitivo a favor do noso xuvenil. No tramo final do partido, ambos equipos disporían de ocasións para amplia-la vantaxe ou empata-lo partido. Victoria FC 0 - Alevín A 11 Debut dos nosos alevíns na competición ligueira cunha cómoda victoria a domicilio dos santiagueses. Os nosos cativos poríanse por diante moi cedo, non dando opcións ao rival durante todo o encontro. Rois 0 - Alevín B 4 Bo partido dos nosos rapaces; foron quen de impoñer un nivel de esixencia moi alto e o rival non foi capaz de adaptarse. O Berta dominou o encontro dende o principio e tivo incluso ocasións para aumenta-la vantaxe no marcador. Racing Ferrol 2 - Cadete A 0 O partido púxose moi custa arriba cun gol de falta en contra, e a pesar de xerar 3 ocasións moi claras na primeira parte non fomos capaces de empata-lo encontro. Nos primeiros minutos da segunda parte fomos moi superioes apretando o rival pero non conseguimos facer dano en parte debido as baixas coas que conta o equipo. Xuvenil B 1 - Noia B 0 Segundo partido para o Xuvenil, que viña dunha dolorosa derrota na primeira xornada, polo que dende o minuto 1 foi a pola victoria, pero a pesar das muútiples ocasións o gol non daba chegado, ata que cando a primeira parte achegabase ao seu fin, acadamos o ansiado gol. A segunda parte ía polo mesmo camiño pero o marcador seguía sendo moi curto. A pesar dun par de sustos por parte do Noia o partido chegou ao seu fin, conseguindo asi a primeira victoria da tempada. Infantil D 2 - E.D. Tordoia 5 Os primeiros 20 minutos da primeira parte o Bertamiráns non foi quen de esforzarse o suficiente provocando numerosos erros que puxeron moi custa arriba o partido cun resultado abultado de 0-4. Na segunda metade o equipo mudou a súa actitude e iso veuse reflexado no campo, o equipo acadou un parcial de 2-1 a favor, pero xa era tarde para acada-la remontada. Benxamín A 4 - Cidade de Ribeira 2 Primeira victoria do campeonato ligueiro a prol do noso Benxamín A, que aos 20 segundos de partido xa dispuña de vantaxe no marcador. Outro gol de Diego serviu para poñer o 2-0 no marcador xusto antes do descanso, pero dous despistes dos nosos antes facían que o Ribeira puidese empata-la contenda. Os nosos souperon seguir impoñendo un alto ritmo de partido e 2 goles máis de Diego, que ía marcar 4 no día de hoxe supuxeron o 4-2 final. Calo 6 - Senior 1 O partido só serve para darnos conta de onde estamos... que é moi lonxe de onde queremos estar. O equipo, dende o primeiro ata o último dos seus membros, non estivo á altura do momento. Só queda traballar arreo, moito máis do feito ata este momento. Toca esforzarse máis ca nunca para poder ver que podemos ser máis do que fomos hoxe. "Nin onte éramos tan bos nin hoxe somos tan malos", é o mesmo de sempre pero é certo.

881087583

690020553

611615209

bertamiransfc@gmail.com

As Nosas Redes Sociais

Concello
Deputación
Futgal