Xornada marcada pola dor infrinxida pola perda esta semana de Brasi, xogador do noso equipo de veteranos e ex-xogador das nosas categorías inferiores. Un fatídico accidente laboral no Porriño levou a unha gran persoa antes de tempo. DEP Brasi.
Agradecer á Real Federación Galega de Fútbol que se gardase un minuto de silencio en tódo-los partidos desta xornada coma homenaxe.

PB A 3 CD Sar Extramundi A 2
Primeiro partido do noso Prebenxamín A na liga, foi un encontro moi disputado dende o inicio con dous equipos volcados en acada-la victoria que caeu do noso lado por pequenos detalles. Aínda así queda moito por mellorar no noso PB A, por exemplo o posicionamento no campo. Agora traballar a reo en cada adestramento.

PB B 13- CD Sar Extramundi B 0
Primeiro partido da tempada saldado con victoria e resultado moi abultado que demostra a diferenza entre os dous equipos onde os nos peques tentaron ir facendo o traballado durante a semana. Agora a seguires traballando e desfrutando.

Victoria FC A 5 - Benxamín A 6
Partido trabado que non somos quen de dominar, adiantámonos no marcador pero cedo vímonos superados polo rival, que amosou máis gañas e máis interese en querer facer algo no partido. Valeunos para sacar tres puntos nun partido sufrido. Mal xogo e mala actitude. Semana de traballo para muda-la actitude.

Bastavales UD 0 - Benxamin B 8
Comezaba a liga, faríamolo a domicilio, o encontro comezou cos nosos rapaces moi enchufados, tentando combinar entre eles e facer gol a través do pase, tras adiantarnos, o xogo melloraría, sendo xa bo pasaría a ser mellor, onde apenas producíronse perdas e cada acción de ataque era perigo, con esto foron chegando os goles, na que sería sen dúbida, unha moi boa toma de contácto. Noraboa a tódo-los nenos, polo fútbol despregado.

SD Negreria 0 - Benxamín C 8
Bo comezo de liga para un equipo que se atopa en proceso de formación e aprendizaxe. Temos moito que mellorar a pesares do resultado...

Victoria FC A 3 - Alevín A 1
Anque non é nada habitual, neste partido estivemos moi desacertados, non fomos quen de xera-lo xogo que adoitamos practicar. Foinos imposible facer controis de calidade, facer pases precisos... e aínda por riba na nosa presión tampouco estivemos ben. Chegamos sempre tarde a apretar e permitimos demasiado ao rival, ao final encaixamos dous goles de falta directa que nos rebentan o partido.

Xuv. Oroso B 0 - Alevin B 4
Partido moi igualado co que pensamos será un rival directo polos postos altos. A primeira metade remataba cun 0-0 e ocasións para ambos conxuntos, pero unha gran segunda parte dos nosos rematou co equipo local que pouco puido facer ante o gran xogo e intensidade marcada polos nosos pequenos. Gran estrea ligueira.

SD Cacheiras 2 - Alevín C 8
Primeiro partido da liga do noso Alevin C diante do Cacheiras. Partido sen moito que comentar xa que fomos moi superiores dende o pitido inicial, salvo dous despistes que supuxeron os dous goles encaixados. Agora adestrar para o vindeiro partido.

Alevin E 0 - Alevin D 6
Primeiro derbi da tempada no que se enfrontaban os nosos alevíns. Partido marcado polas imperfeccións de ambos equipos debido aos nervos e a choiva que facía que o campo estivera rápido. O alevín D, un grupo consolidado, e o alevín E un grupo novo onde moitos rapaces empezaron a xogar este ano; de ahí o resultado do partido. Pouco a pouco e con traballo estes dous grupos irán medrando para mellor.

SD O Val 0 - Infantil A 7
Partido no que os nosos demostraron todo o seu potencial e bo facer. Xa antes dos goles Álex dispuxo de dúas claras ocasións antes de que él mesmo abrise o marcador. Despois seguirían catro goles máis antes do descanso. Na segunda nada máis comezar marcaríase o sexto e dende ahí o partido foi plácido para nós ata logra-lo séptimo que nos permite contar por victorias os nosos encontros e colocarnos na primeira posición neste arranque de campeonato.

Infantil B 6 - Porto do Son CF 0
Partido cómodo con dominio absoluto do xogo por parte dos nosos rapaces.

Crocha Balompé CF 4 - Infantil C 0
Demasiado castigo para o infantil C o infrinxido na visita ao Crocha onde os erros castigaron a un equipo que levou o peso do partido e as ocasións dende o pitido inicial. Empezaba moi ben o noso infantil atopando ocos as costas dos laterais con centros continuos que non eramos capaces de rematar. Sen balón íamos ben á presión obrigando ao noso rival ao xogo directo, onde a nosa defensa estaba atenta para cortar eses envíos. Pero á media hora do partido nun erro na marcaxe a un golpeo directo provoca o primeiro disparo a porta do noso rival que acaba en gol. Este gol fainos moito dano e so tres minutos despois unha xogada similar acaba nun claro penalti. Fómonos ao descanso cun 2-0 que non facía xustiza ao visto no campo e as ocasións de cada un dos equipos. Saómos na segunda parte con moita intensidade tentando recortar distanzas o antes posible onde temos catro ocasións moi claras que non somos capaces de materializar. A partires de ahí volven outros cinco minutos onde sendos fallos nos condenan e o noso rival non perdoa. De ahí ata o final seguímolo tentando pero quedou claro que non era o noso día. A seguir traballando para ir medrando como persoas e deportistas.

SD Amio B 0 - Infantil D 8
Destaca-lo resultado nun partido con pouco ritmo. O rival non opuxo resistencia e chegounos a lei de mínimo esforzo. Na segunda parte o equipo foi un pouco máis preciso e acabaron chegando os goles. Temos que seguir esforzándonos ó máximo se queremos quedar o máis arriba posible.

Cadete A 2 - Ural-Español CF B 1
Partido igualado e con distintos tramos do partido para cada conxunto. Empezou ben o equipo local, dominando o partido, xerando ocasións e non dando opcións ao rival, así no minuto 12, o Berta consegue adiantarse no marcador por medio de Suárez. A partires de ahí, pouco a pouco o Ural foi facéndose co encontro, logrando así xerar algunha ocasión pero sen lograr materializar nengunha na primeira parte. O comezo da segunda segue igual como rematou a anterior, co dominio do equipo visitante e merodeando a portería local. Logrando facer gol no minuto 53. Despois disto, e ante a necesidade de facer gol, o Berta vai polo partido, volta a presionar arriba, xerar ocasións e maniatar ao equipo rival. Conseguindo face-lo gol da victoria Rodri no minuto 71. A partires de ahí o Berta volta dar un paso atrás e sofre ata o final do partido, pero consegue os tres puntos.

Cadete B 5 - Victoria CF 2
A primeira hora deste Domingo o noso cadete B recibía ao Victoria. Chegaba ao municipal o equipo visitante cun punto diante dos nosos rapaces. Partido que o noso equipo sabía da importancia de obte-los tres puntos para enlazarse cos equipos de arriba. Aínda así, empezou máis enchufado o equipo visitante ca o noso, poñéndose por diante no primeiro minuto de partido. O equipo supose repoñer e logrou ao pouco darlle a volta ao marcador. Uns minutos mais tarde o Victoria logra empatar de novo o partido nun fallo defensivo dos nosos. A partires de ahi o equipo seguiu facendo o seu fútbol e mellorou considerablemente a nivel defensivo co paso dos minutos. Deste xeito logramos finaliza-lo encontro cun contundente 5-2 no marcador. A vindeira semana visitaremos ao líder, O Estrada, sairemos ao campo coa mellor actitude para voltar a consegui-los tres puntos e ir achegándonos aos postos altos da táboa.

ADM Peleteiro 2 - Cadete C 1
Partido desastroso. Moito que mellorar nun equipo que non soubo desplega-lo seu xogo nun campo pequeno como era o do rival. Formación, traballo e esforzo, non queda outra.

Xuvenil A 6 - SD O Val 1
Recibíamos na casa ao colista, un equipo con datos que axudaban ó optimismo, asi tamén faría que a concentración de cara ao partido fora boa, para evitar sustos, pero máis aló, o partido decídese nunha primeira metade onde conseguiríamos tres goles a balón parado, e nunha segunda, onde ca entrada de Álvaro, que aportou máis de profundidade e algunha transición ben levada. De todos modos, este sería un encontro aburrido, onde o rival se quedaría con 10 na primeira metade. Toca tourmalet, xa que nos esperan dous encontros en apenas catro días, veremos do que somos capaces.

Xuvenil B 0 - EFM Boiro 8
Partido para esquecer o desta matinal de Domingo no municipal de Bertamiráns. Un equipo sen fútbol e o máis importante sen alma, entendendo como alma gañas de xogar, intensidade e compañerismo; propiciou que o rival fixera sangue e levase os tres puntos. Toca mudar de actitude porque este equipo ten moito máis do que amosou esta fin de semana.

SD Milladoiro 1 - Sénior 1
Boa primeira parte do equipo. A nivel defensivo cometéronse poucos erros, quizáis un par deles que por pouco non acaban converténdose en goles en contra. A nivel ofensivo fomos quen de xerar moitísimas ocasións, moitísimas, aínda así fomos 0-0 ao descanso. A segunda parte é distinta, o Milladoiro sae enchufado e na primeira xogada da segunda parte teñen ocasión para facer gol. Igualmente, nós seguimos ao noso e seguimos tendo ocasións, quizáis non tantas coma na primeira parte e seguramente os nosos veciños teñen máis das que tiveran na primeira parte. Ao final un empate, 1-1, unha mágoa, o equipo fixo méritos para gaña-lo partido pero outra vez máis non acertamos de cara a gol.