Novas

Xornada 27/03/2022

Primeira victoria dos máis peques da nosa base. Por fin despois de moito traballar o noso Biberón B acadou a súa primeira victoria nun partido, esperamos e desexamos que sexa a primeira de moitas. Parabéns os nosos nenos e máis a seus adestradores, ó final o traballo ben feito ven acompañado de resultados positivos. Biberón A 4 - Praíña SP 0 Partido doado dos nosos nenos, o xogado na mañán do Domingo, no que foron quen de facerse cunha clara victoria suplindo as ausencias doscompañeiros. Pechada esta fase, agora pasarán a xogar polo título na fase definitiva. ¡Moita sorte os máis peques! Biberón B 1 - SD Villestro C 0 Partido moi igualado, e onde por fin, agora sí chegou a primeira victoria do equipo dos máis peques do clube. O partido tivo ocasións para os dous equipos, pero a sorte estivo con nós, xa que calquera puido gañar. Nada máis que decir que un moi bo ambente nas gradas, onde ambas afeccións disfrutaron do encontro e dos nenos. Biberón F8 10 - SD Milladoiro 2 Primeiro partido de fútbol 8 para os nosos biberóns no que quedou clara a diferenza entre ambos equipos dende o comenzo. Aínda así o máis importante foi a ledicia e ilusión mostradas nás súas facianas. CD Compañía de María 1 - PB A 5 Partido sen moita historia, onde os nosos impuxéronse con moitísima claridade! Unha xornada mais onde os nosos seguen aprendendo e gañando para manterse no mais alto da clasificación. PB B 1 - SD Villestro B 4 Resultado inxusto, xa que foi un partido moi disputado no que o rival soubo impoñer o seu físico nos minutos finais acadando así un resultado abultado. Boa dinámica do equipo, temos que seguir nesta liña de xogo. CD Rois 1 - PB C 5 Partido sinxelo para os nosos, onde probamos distintas cousas no proceso de aprendizaxe dos rapaces, aínda que queda moito percorrido pero xa amosan detalles traballados durante a semana. Medramos cos adestramentos e partidos, a seguir traballando!!! Benxamín A 4 - Conxo Santiago 2 En xogo o liderado da 1ª Benxamín e os nosos souperon estar á altura das circunstancias. Un partido moi serio e intenso ía darlle a victoria aos nosos, que dende agora son o único equipo que depende de si mesmo para ser campión a falta de cinco xornadas. SD Esclavitud 1 - Benxamín B 1 Gran partido dos nosos rapaces onde foron moi superiores ó rival, xerando ocasións suficientes para gaña-lo encontro, pero a imprecisión pasou factura. Toca seguir traballando pero sen deixar esta boa dinámica. Benxamín C 1 - Conxo Santiago C 6 Partido moi disputado na primeira metade, xa que chegamos ó descanso con empate no marcador.Na segunda metade o equipo encaixou dos goles moi cedo que minaron a moral dos nosos e provocou que o final encaixasen unha goleada. SD Cacheiras 9 - Benxamín D 1 Partido sen moita historia, onde equipo rival amosou a súa superioridade! Quedámonos co positivo, xa que na segunda parte competiuse moito mellor. (FUTSAL) SD Cacheiras 3 - Benxamín 5 (FUTSAL) SD Villestro 2 - Benxamín 2 Dous últimos partidos onde os nosos selaban o pase a derradeira fase xunto co Victoria, Compañía, do noso compañeiro en F8 Diego, e o Stellae, o gran favorito. Alevín C 6 - At. Fátima D 1 Partido serio perante un rival con boas ideas que puxo difícil as cousas cun bo xogo. Vista Alegre B 0 - Alevín D 1 Partido xogado perante o terceiro clasificado con dúas ausencias e a lesión do noso xogador Antón nos primeiros minutos onde os nosos nenos souperon superar todas esas adversidades facendo un partido moi serio e de moito traballo. Decantándose nos derradeiros intres, o que nos asegura ser subcampeóns a falta de catro xornadas. Agora a pensar no San Pedro. Alevín E 6 - Silleda CF B 1 Partido moi bronco onde os nosos impuxéronse grazas a súa superioridade amosada nas disputas. Sexta victoria consecutiva dos nosos que seguen invictos na segunda volta. (FUTSAL) SD Villestro 4 - Alevín B 3 Partido moi disputado e entretido de ver, con moitísimas ocasións claras por parte dos dous conxuntos. Ao final o partido decidiuse por pequenos detalliños que desta vez non nos foron favorables. Parabéns a tódo-los rapaces que participaron no encontro, o esforzo foi máximo a tódo-los niveis. (LUIS CALVO) SD Compostela 0 - Alevín 7 Partido frouxo na primeira parte, non estivemos rápidos, nin atentos, nin acertados... só puidemos conseguir acertos de xeito puntual e iso fixo que fósemos 0-0 ao descanso. Na segunda parte as cousas mudaron dende o principio, en parte, grazas a un gol de falta directa que nos permitiu tranquilizarnos un pouco e así comezar a facer as cousas un pouco mellor. As ocasións comenzaron a sucederse e ao final acadamos un resultado moi favorable. At. Montañeros 2 - Infantil A 1 Derradeira xornada desta primeira fase do campeonato. Visitabamos a un equipo como é o Montañeros, séptimo clasificado e sen xogarse nada, pola contra, para nos tiña importancia, pero vémonos superados por un equipo o cal nos gaña, non só en resultado, senon en esforzo e sacrificio. En canto o fútbol, ocasións para ambos conxuntos, e cando mellor parecía que estabamos, encaixamo-lo segundo. Melloraremos na segunda fase. Infantil B 3 - CF Noia 2 Partido igualado e con alternativas no marcador. Empezou o encontro adiantándose moi cedo o equipo visitante, no minuto tres. Tivemos varias ocasións para iguala-lo encontro que non foron efectivas, pero foi no 37 cando Lucas logrou o empate. No 67 a pesares de que as ocasións caían do noso lado, foi o Noia quen se volveu adiantar, aínda que desta vez de seguido conseguimos empatar, con gol no minuto 70 de Cape. No tramo final do encontro, minuto 80 logramo-lo gol da victoria por medio de Martín. Resultado final 3-2. Decir tamén que rematámo-la liga sen perden ningún encontro e tan só cun empate. Sorte na fase de ascenso. Xuv. Oroso C 1 - Infantil C 1 Partido dominado de principio a fin polos nosos rapaces, pero non foron quen de ter ocasións claras para consegui-la victoria. O rival estivo moi cómodo esperando un erro noso para poder facer dano coas súas contras grazas a seus homes rápidos da liña atacante. No debe segue quedando que un erro noso en defensa facilitou a falta onde se adiantou o rival. O empate é xusto visto os méritos de uns e outros nas áreas contrarias. O empate mantennos segundos. Infantil D 1 - Cidade de Ribeira 7 Moi mal encontro o disputado polo Infantil D que esqueceu o bo xogo que desenvolvera nos derradeiros partidos. Os xogadoees non puxeron en práctica o traballo en equipo, algo que preparamos nos adestramentos durante a semana, xogando de maneira individual, o que propiciou que o rival, superior física e técnicamente, atopárase moi cómodo no terreo de xogo. Cadete A 2 - SD Compostela 1 A primeira parte do encontro foi moi mala, o Compostela superounos no xogo; xogaron cunha intensidade moito maior á nosa e cunha concentración que estaba a anos luz da nosa. Dispuxeron de varias ocasións para adiantarse e finalmente así foi, ao descanso íamos perdendo 0-1. A segunda parte foi totalmente distinta, os rapaces, sendo conscientes do que nos xogabamos, foron quen de saír a partirse a faciana e dalo todo por reverte-la situación. Se ben é certo que conseguimos remonta-lo partido, non podemos permitir todo o que pasou na primeira parte... de volver a facelo, posiblemente perderemo-lo partido. Cidade de Ribeira 6 - Cadete B 1 Partido desastroso. Superados en tódo-los sentidos dende o primeiro ó último minuto. Perdemo-la segunda praza e imos ó playoff coma terceiros. Cadete D 2 - EF Estrada B 2 Partidazo o vivido na mañá deste Domingo no municipal de Bertamiráns. Duelo directo entre dous equipos con asipiracións a meterse nos postos altos da táboa. Visitaba ao noso cadete D o Estrada B, un dos equipos máis compensados da liga, varios dos seus xogadores compiten en liga galega co cadete A da Estrada. Os nosos rapaces saíron cunha idea moi clara, competir e non cometer erros defensivos, xa que sabíamos que nos penalizarían. Na primeira metade adiantaríase o equipo visitante tras un disparo potente dende fóra da área. Non obstante, o equipo seguiu crendo e buscando portería rival, sabíamos que gozaríamos de boas oportunidades, logrando remonta-lo partido e irnos ao descanso cun 2-1 no marcador. A segunda parte, o gran esforzo comezou a mellar nos nosos rapaces e o partido facíaselle longo, isto fixo que se cometese un erro, un minuto antes de chegar ao engadido, nun córner lanzado polo Estrada B rematou un rival só na área pequena levando o empate ó marcador. Non pasa nada, conseguimos manter os 7 puntos de vantaxe contra un rival directo e para a semana que ven poderíamos certificar matemáticamente quedar entre os catro primeiros clasificados. Seguiremos traballando para continua-lo aprendizaxe dos rapaces e que sigan competindo contra calquera rival da liga. CCD Taragoña 0 - Xuvenil B 3 Partido con pouco ritmo o xogado polo noso xuvenil contra o Taragoña que saiu pechado dende o comenzo do partido e máis preocupado de non encaixar que de marcar. A pesar diso, máis por calidade que por xogo ían chegando as ocasións de gol. Ao final un 0-3 para os nosos e a seguir sumando. AD Nicrariense 2 - Sénior 2 Comeza Ben o encontro para o Sénior que ten un man a man no primeiro minuto e logra adiantarse de corner pouco despois. O Bertamiráns xogaba en campo contrario e xerou mínimo 3 ocasións claras antes do descanso dúas delas foron o pau, outra foise pola liña de fondo. Pero tamén sufría nos balóns longos que mandaba o ADN ás costas da defensa, nun deses balóns, o Bertamiráns non acerta no despexe e queda o balón botando na frontal da área para o dianteiro que non falla. O Sénior non reacciona, todo o contrario, entran as dúbidas, os nervios e desconecta cando está o xogo parado, non consegue mante-la concentración e así chega o 2-1 para o ADN que saca unha falta rápido collendo a defensa despistada e quedando man a man que unha vez máis o ADN, non falla. O partido vai así ó descanso. No segundo tempo o rival sae máis pechado aínda, xogando á contra, perdendo tempo e parando o xogo cada vez que se presentaba a ocasión. O partido seguese a xogar no campo do ADN, pero máis a desesperada que no primeiro tempo. O banquillo do Bertamiráns pide penalti por dúas máns na área e un fora de xogo que era un man a man, pero igual que os xogadores, tamén fallan os árbitros. Xa nos últimos 10 minutos o Sénior marca o empate cun disparo de 3/4 de campo que o porteiro falla ó rechazar e chega o dianteiro do Bertamiráns para metela para dentro. Salvouse un punto e pode que se mereceran os tres, pero voltamos regalar dous goles, hai que estar moi acertado arriba para sacar algo máis que o empate deste xeito. Faltou seriedade e seguridade atrás e costóu 2 puntos, esto obríganos a facer bo este punto cunha victoria no seguinte partido.

Xornada 20/03/2022

Sorte dispar para os equipos da nosa base. Unha de cal e outra de area esta fin de semana. A de Cal foi a victoria do noso cadete B diante dun rival directo que lle asegura un posto no play off de ascenso. A de area foi a derrota do Xuvenil A diante do pechacancelas da categoría. Ademáis salientamos a boa marcha do Alevín de fútbol 11 na Luis Calvo, onde os nosos rapaces están a colleitar grandes resultados. SD Cacheiras B 0 - Biberón A 4 Victoria clara dos nosos nenos nun partido onde a diferenza de idade e a evolución no xogo dos nosos marcou o resultado final. Os nosos rapaces amosaron neste encontro unha grande progresión construindo xogadas colectivas en ataque. PB A 9 - Vista Alegre CF 0 Partido adiantado a xoves, onde os nosos rapaces citáronse á hora do adestramento. Moi bo comezo do partido, cunha moi boa primeira metade, onde vimos varias accións colectivas. Seguimos tratando de mellorar, para desfrute e formación dos rapaces. Conxo Santiago B 3 - PB B 6 Partido moi completo de todo o equipo, tanto na defensa como no ataque. O equipo soubo sobrepoñerse dun parcial de 2-0 ó descanso. Conseguiu unha victoria diante dun rival directo. Toca seguir traballando para non mudar de dinámica. SD Xuventú Aguiño 0 - Benxamín A 12 Un céspede moi duro e uns balóns comas pedras foron os principais problemas para o equipo rival, que non era quen de dar dous pases seguidos... Partido moi descafeinado dos nosos que con nada golearon. Victoria FC C 8 - Benxamín C 3 Partido moi frouxo dos nosos nenos, que víronse superados durante todo o encontro por un rival moi serio. Alevín A 10 - Milladoiro SD 0 Partido cómodo para os nosos alevíns, que lograrían a vantaxe moi cedo o que nos permitiu enfronta-lo final do partido con relaxación. Toca seguir traballando para mellorar!! Alevín B 5 - SD Dubra 1 Partido mediocre dos nosos. Obtivemos a vitoria por medio de varias accións colectivas que acabaron saíndo ben, pero non fixemos un bo traballo sostido no tempo, de feito, concedemos varias ocasións de gol evitables. Toca traballar para ser constantes durante todo o tempo que dura o encontro. (FUTSAL) Alevín B 2 - Stellae FS 5 Baixo o meu punto de vista fixemos unha boa primeira parte. Neste tempo fomos capaces de, en moitos aspectos distintos do xogo,acumular acertos con bastante asiduidade. A segunda parte foi distinta, os compañeiros do Stellae subiron o seu nivel e nós, nalgún aspecto, como o atencional, baixamos demasiado. Parebéns aos compañeiros do Stellae. Nós esforzámonos pero non acabou de saírnos. Debemos mellorar en mil aspectos diferentes, como é lóxico, pero posiblemente un deles sexa o control das nosas emocións. (LUIS CALVO) Alevín 8 - EFM Boiro 1 Partido bastante tranquilo en termos xerais.Moi bo incio de partido dos rapaces, aos poucos minutos xa tiñan un marcador moi favorable. Comezamos a encadear acertos e ocasións, e como tal, foron chegando os primeiros goles, algúns de roubos na saída de balón do equipo rival e outros en base a boas xogadas colectivas finalizadas con acerto. Infantil A 4 - Cidade de Ribeira 2 Derradeira xornada desta primeira fase no noso campo. Este sería un partido moi entretido, onde a necesidade nosa de puntuar, demostraria as gañas que teriamos para competir. Destaca-lo traballo de todo-los rapaces, os cales se vaciarían no campo, este é o camiño a seguir. Infantil C 5 - Victotria CF C 1 Partido moi serio dos nosos rapaces onde non pasaron apuros xa que foron quen de impo-lo seu xogo combinativo diante dun rival que se defendeu bastante ben. No debe queda que voltamos a regalar unha ocasión clara ó rival onde logrou o seu gol, ademáis non estivemos moi certeros cara a porta senon houbésemos acadado un resultado máis abultado. Toca seguir adestrando forte para acada-lo obxetivo de meterse no play off de ascenso. At. Fátima B 1 - Infantil D 1 Disputamos un encontro complicado polo tipo do terreo de xogo, campo de terra onde os nosos xogadores non están afeitos a xogar. No primeiro tempo sufrimos demasiado porque tivémonos que adaptar á superficie do campo e polo tanto con defendernos xa tiñamos bastante. Marchamos ós vestiarios cun gol en contra. Na segunda metade o equipo soubo adaptarse mellor. Entendeu que debía de xogar con desprazamentos en longo de balón, poucos regates e conduci-lo balón o xusto. Con este novo estilo de xogo o equipo conseguiu empata-lo encontro. Partido moi serio e intenso dos nosos onde se levaron un merecido punto. Cadete A 0 - RC Deportivo 5 Rival sempre duro, que a pesar de que os nosos aguantaron moitos minutos co empate a 0, viron como o rival os superaba ata chegar ao 0-5 final. A pesar da derrota, os nosos acadaron unha posición favorable para afrontar a segunda fase da competición. Seguimos!! Cadete B 4 - Cordeiro CF 0 Penúltimo partido da primeira fase contra un dos aspirantes ao ascenso. O partido foi moi disputado cun xogo directo por parte de ambolos dous equipos. A maior efectividade do noso equipo provocou que fosemos 2-0 ao descanso. A segunda parte foi moi parecida a primeira pero cun troco de estilo, combinando mais en curto e buscando espazos. Partido controlado de principio a fin que fai que garanticemos a praza no play off e que vaiamos á última xornada con mais opcións de asegura-la segunda praza. Cadete C 4 - Milladoiro SD 0 Encontro no cal nos presentamos con moitas baixas as cales supliron perfectamente os infantís. Dende o primeiro momento a iniciativa foi do Bertamiráns, froito delo adiantouse no minuto 7 e volve a marcar no 18, para poñerse 2-0 Resultado co que se chegou ó descanso. Conseguindo outros dous tantos no segundo tempo a pesar de rematar con 10 xogadores. EF Lalín B 1 - Cadete D 1 O noso cadete D visitaba este domingo ao Lalin B, equipo que xa na primeira volta púxonos as cousas moi difíciles para consegui-los tres puntos. Equipo moi ben traballado a nivel defensivo, dos que menos goles encaixan do campeonato. Ainda asó os nosos rapaces pelexaron e conseguron ires ao descanso gañando 0-1. Facendo un traballo moi bo sobretodo a nivel defensivo. Unha mágoa que no minuto 65 nun dos poucos erros defensivos dese lugar ao empate a 1. Parabenizar aos rapaces pola actitude mostrada e as gañas de competir e sobre todo de gañar. Seguimos unha semana máis nos postos altos da táboa. Orillamar SD 3 - Xuvenil A 0 Mal partido dos nosos, que tras saber que a nosa posición non ía variar a pesar do resultado, afrontaron o partido cunha relaxación excesiva. A pesar diso, o resultado é abultado para o mostrado no campo. Toca afronta-la segunda fase con ganas e ilusión para asentar ao equipo na nova categoría. Gol de Nico para o Infantil A.

Xornada 13/03/2022

O Infantil B saleu campeón de liga Parabenizamos ó noso Infantil B que se proclamou campéon do seu grupo esta fin de semana, agora toca traballar para consegui-lo ascenso a liga galega no playoff.Destacamos tamén a victoria do Xuvenil A e o empate sacado polo Cadete A na Coruña. Biberón A 1 - SD Cacheiras 2 Partido moi disputado polos dous equipos que están na cima do grupo e que se resolveu a favor visitante, unha vez que as forzas afloxaron e apareceron os erros causados polo gran esforzo feito polos nosos. Unha mágoa non contar con tódolos efectivos neste importante partido. A seguir aprendendo e traballando. Biberón B 0 - SD Villestro 4 Encontro dominado clarisimamente polo noso contrario, onde se veu que teñen moita máis velocidade, maior dominio de balón e moita mellor colocación no campo. Era visto que con todas estas cualidades non tiveran problema algún para levarse a victoria en tódo-las partes do encontro. Temos que seguir mellorando paseniñamente. SD Compostela 1 - PB A 5 Nova victoria do noso equipo, onde os nenos continúan coa súa progresión! Partido dominado de principio a fin polos nosos que se adaptaron mellor as diminutas dimensións do campo e foron máis efectivos que os locais. PB B 4 - EDS Santa Marta 1 Mañán fría e con choiva na que os nosos nenos desfrutaron do fútbol. Partido moi completo dos nosos onde comezamos a ver a súa progresión xa que foron quen de por en práctica conceptos novos que mecanizaron nos adestramentos. Toca seguir traballando para mellorar. Benxamín A 18 - SD Villestro 0 A pesar da tal superioridad ante o rival, o xogo dos nosos foi dos máis precisos da tempada polo que acadaron unha victoria moi contundente ante un dos pechacancelas da Liga. Benxamín B 10 - Cidade de Ribeira 0 Gran partido onde deixamos de lado as dúbidas amosadas nas derradeiras semanas. Non debemos de baixa-la garda e seguir neste camiño. Benxamín C 3 - SD Dubra 4 Partido moi competido diante do líder da categoría. O equipo non obtivo a recompensa que merecía polos méritos que fixo durante o partido, sobre todo na segunda metade onde foi claramente moi superior. Benxamín D 1 - EDS Santa Marta B 3 Partido igualado entre dous equipos da parte baixa da clasificación, que se decantou para o equipo visitante! Primeira parte co resultado 0-0 onde dominou o equipo contrário, e na segunda parte chegarían os goles, no que o encontro se decidiu por pequenas individualidades (FUTSAL) Noia FS 1 - Benxamín A 9 Partido horrible dos nosos pequenos que non foron quen de dar máis de dous pases seguidos, pero que a superioridad ante o rival era tal que chegoulles para golear. O resultado non reflicte o visto no encontro. EF Lalín 0 - Alevín A 3 Partido moi traballado diante dun rival que esperou atrás buscando así os contragolpes. O equipo foi quen se ser paciente para atopa-las ocasións e finalizar con acerto dende fóra da área. SR Calo 5 - Alevín B 5 Partido durísmo o desta fin de semana. Os nosos esforzáronse moito e como consecuencia acadaron un bo empate. Non puidemos xogar como nos gustaría posto que facía moito frío e tamén chovía moitísimo, tanto é así que algún dos rapaces non foi quen nin de poder xogar. Peleteiro B 4 - Alevín C 6 Partido cómodo na primeira metade onde fomos capaces de acadadar un parcial de 0-5 ó descanso cun gran traballo. Complicámonos a vida tras baixa-la intensidade e cometendo varias faltas que o rival converteu en gol. Toca aproveita-la marxe e seguir traballando para aumenta-las distanzas cos rivais. ED Vedra 2 - Alevin E 6 Segue a racha de victorias dos nosos pequenos. Malia verse 2-0 abaixo, vinte minutos moi bos dos nosos fixeron mella no equipo rival, o cal goleara na ida. Os nosos demostran a súa gran progresión como grupo. (FUTSAL) Stellae FS B 1 - Alevín A 7 Partido moi cómodo no que os rapaces impuxeron a súa pegada, puideron acadar un marcador máis amplo. (FUTSAL) Alevín B 11 - Estrada 1 Bo partido da nosa equipa no futsal, comezamos enchufados e pouco a pouco fomos acadando ocasións e goles. O noso rival foi pouquiño a pouco apagándose e perdendo a esperanza de poder acadar un resultado positivo. (LUIS CALVO) Cidade de Ribeira 2 - Alevín 4 Arranque favorable para os nosos, que se adiantaban por 0-2 na primeira parte. Pero á volta de vestiarios o rival foi quen de remontar e poñernos contra as cordas durante moitos minutos. A partir de ahí, nos intres finais, lograríamos os dous goles para pecha-lo encontro. Bergantiños CF 2 - Infantil A 0 Visitábamos Carballo para xogar contra un rival que nos deixara boas sensacións.Veríamos un primeiro tempo igualado, onde o Bergantiños levaría o peso do partido a base de posesión, con boas circulacións, nembargantes, os dous disporiamos de ocasións que non subirían ó marcador. Axustaríamos na segunda metade, e sairíamos mellor, pola contra, cando mellor estabamos atopámonos co mazazo do primeiro gol en contra, e sen tempo para reaccionar, encaixamo-lo segundo. Parabeniza-lo Bergantiños pola súa clasificación e polo fútbol despregado. Como nota negativa, mandar moito ánimo ao noso xogador Rubén Rama, sufreu unha lesión a cal o manterá afastado dos terreos de xogo, por un tempo. Ánimo Rubén! AD Nicrariense 0 - Infantil B 2 Os primeiros compases do partido foi moi igualado, con moi poucas ocasións para os dous equipos, onde era dificil atopar ocos debido principalmente as dimensións do terreo de xogo. Rematamos a primeira parte co resultado inicial. Pero no inicio da segunda parte o noso equipo saíu con máis intensidade, con máis velocidade de balón, o que levou a facernos claramente co encontro. Os goles foron de Viqueira e Cape. Sinalar que este equipo definitivamente xa é primeiro do seu grupo e clasificado para fase de ascenso á liga galega. SD Villestro B 2 - Infantil C 1 Partido moi igualado e con poucas ocasións. Ambos conxuntos non foron quen de impo-lo seu xogo o que derivou en moitas imprecisións, sobre todo no medio campo. Antes do descanso adiantouse o equipo local nun gol tra-lo saque dunha falta mal defendida polos nosos. Á volta de vestiarios o Bertamiráns entrou mellor no encontro e acadou o empate ós poucos minutos da reanudación. Ó final unha falta inxusta no último minuto deulle a victoria ó equipo local. Infantil D 1 - CD Sar  Extramundi 6 O equipo tivo un bo comezo de partido cunha primeira hora de xogo moi boa. Un gran traballo defensivo en grupo e un bo posicionamento dos xogadores no campo evitou que o equipo rival se achegase a nosa portería durante o primeiros trinta minutos. Unha vez acometimo-los trocos o equipo desaxustouse, perdeu intensidade e descolocouse, o que implicou que fosen caíndo os goles. Resumindo gran comezo de partido pero acabamos sufrindo por culpa dos nosos propios erros. Ural CF  2 - Cadete A 2 Gran resultado o acadado polos nosos, que tras ir perdendo 2-0 a falta de dez minutos, foron quen de remontar. No minuto 71, Iván logra un gran roubo na frontal rival para acortar distanzas e, na derradeira xogada do partido, nunha falta lanzada dende medio campo, con 10 xogadores en área rival acadamo-lo empate. O equipo tirou de épica para salvar un punto trascendental para a recta final da primeira fase. Grandes! SD Milladoiro 1 - Cadete B 3 Chegamos ao derbi de Ames coa necesidade de gañar para recupera-la distanza de tres puntos con respecto ao Ribeira. Foi un partido moi disputado no que o rival presionaba moi forte a arreóns grazas a fallos nosos. Nós mediante xogo directo conseguimos facer dano pola banda dereita e ir con vantaxe pola mínima 1-2 ao descanso. Na segunda parte conseguimos outro tanto para xogar máis tranquilos pero non fomos quen de desplegar un xogo atractivo como sabemos. Fomos prácticos e soupemos aproveita-las nosas ocasións nun partido gris onde houbo que bregar, disputar e pelexar. San Pedro 1 - Cadete C 3 Partido condicionado pola climatoxía pola cal o equipo nunca estivo cómodo. A pesares diso a primeira parte foi de clara cor visitante onde dispuxemos de varias ocasións, aproveitando un par delas para irmónos 0-2 ó descanso. Á volta de vestiarios o encontro igualouse máis polo nosa relaxación que pola actitude do rival, a cal se veu reforzada co 1-2 logrado co lanzamento dunha falta lonxana (coa axuda do vento). Neste punto o equipo volveu a activarse logrando o 1-3 defenitivo e fallando varias ocasións incluido un penal. Cadete D 1 - Praíña SC 0 No mediodia deste Domingo visitaba o municipal de Bertamiráns o Praíña. Partido trascendental para o noso cadete D para manterse nos postos altos da clasificación, xa que iniciabamo-lo encontro con tres puntos por diante do Praíña. Tras unha primeira parte na que chegamos a finalizar con claridade dúas ocasións chegamos ao descanso con empate a 0, as oportunidades máis claras foron por parte do equipo visitante. Na segunda parte tras reforzar uns conceptos no descanso si que foi nosa, as oportunidades máis claras tivémolas nós, metendo un gol. Un erro defensivo nos derradeiros cinco minutos provocou un penalti en contra o cal errou o equipo visitante. Finalizando o encontro por 1-0 a favor do noso cadete D. A seguir traballando!!! Xuvenil A 2 - Conxo Santiago B 0 Bo partido o desta mañá, na que os rivais foron os que tiveron as primeiras ocasións do partido. Co paso dos minutos, os nosos asentáronse no campo e o partido igualouse. Tra-lo 0-0 ao descanso, serían os nosos os que lograronn os goles por medio de Iker, tras unha contra, e Gara, tras unha falta directa. Xuvenil B 3 - AD Nicrariense 0 Xogaba o noso xuvenil contra o lider para seguir coa boa racha de resultados e xogo nesta segunda volta onde todos os seus partidos acabaron con victoria dos nosos. Empezabamos moi serios contendo o xogo do noso rival e tentando leva-la iniciativa co balón atacando as zonas ás costas dos carrileiros facendo moito dano e conseguindo adiantarnos no marcador. O Nicrariense seguìa ca mesma idea de xogo pero cunha moi boa defensa pola nosa parte non se achegaban con perigo. Pola contra cada chegada nosa era unha ocasión de gol e así conseguimos poñe-lo segundo e o terceiro no marcador para ir así ao descanso. A segunda parte simplemente era para xogar tranquilos e mante-la diferenza no marcador. A pesares das distintas ocasións de gol debido aos espacios xerados por mor da suba de liñas do noso rival o marcador non se moveu na segunda parte. Chega agora unha xornada de descanso coa sensación do traballo ben feito Sénior 2 - SD Cacheiras 1 O Bertamirans domina o xogo e adiántase na primeira oportunidade de gol, ós poucos minutos consegue amplia-la vantaxe e pon o 2-0 no marcador antes do descanso. Na segunda metade o Cacheiras leva o peso do partido, apreta e fai o 2-1 preto do final pero o Berta non baixa os brazos e desfruta das derradeiras oportunidades. Remata o partido 2-1 e o Berta certifica a así a quinta praza. Gol de Antonio para o Benxamín A de bonita xogada individual. Gol de Mateo de falta para o Alevín E.

Xornada 06/03/2022

O Sénior non competirá polo ascenso nesta tempada. Non puido ser, o noso equipo Sénior non ascenderá nesta tempada. O empate en Bastavales sumado a outros resultados dos rivais condenan ó noso equipo a loitar pola permanencia na seguinte fase.Noutra orde de cousas destacamo-la victoria do noso Alevín no seu primeiro partido de fútbol 11 dentro da competición Luis Calvo.Ademáis o noso Benxamín fixo un gran torneo en Silleda. Gran torneo dos nosos, que comezaron moi durmidos no primeiro partido pero que foron quen de darlle a volta a esa dinámica, gañando 3 partidos e poñendo en serios apuros aos dous grandes da nosa comunidade, que non foron quen de superarnos ata os minutos finais, onde o cansancio de todo o finde se foi notando nos nosos pequechos. At. Fátima 1 - Biberón A 1 Partido disputado de poder a poder entre dous bos equipos nesta matinal de Domingo, onde os nosos tiveron moi mala sorte cara a porta nas moitas ocasións das que dispuxeron, o que lles privou de acadar unha victoria ben merecida. A seguir traballando e aprendendo nos adestramentos. SR Calo 4 - Biberón B 0 Partido no que o equipo contrario amosou ser moi superior, dominaronnos clarísimamente e tiveron moitas máis ocasións ca nós. Pódese dicir tamén que o equipo dos nosos peques seguen a mellorare, xa que aínda que fomos inferiores, é verdade que nos achegamos varias veces á porta contraria e tendo algunhas ocasións claras para facer gol. San Pedro 0 - PB A 15 Nova xornada para ve-la progresión dos rapaces. Neste encontro puidemos apreciar que se segue a mellorare ós poucos, algo fundamental nestas idades. Todos deben saber xogar en diferentes posicións e así comprobar o que sinte o compañeiro en cada momento. SD Tordoia 6 - PB B 2 Partido marcado pola falla de compromiso das familias, xa que unha vez máis non dispuxemos de xogadores e houbo que botar mán dos biberóns Únicamente nos presentamos con sete xogadores, dos cales dous eran biberóns. Bo resultado dado o equipo que se puido presentar. PB C 5 - CD Sar 2 Bo día para xogar ó futbol o que tiñamos na mañá do Sábado. Os nosos foron quen de gaña-lo partido e reflectires no seu xogo unha melloría. Ademáis notaselles que desfrutan coa práctica deportiva. EFM Boiro 4 - Benxamín A 5 Tras unha brillante primeira parte, deixamos que nos remontasen con tres goles de diferenza, e no derradeiro minuto lograbamos a victoria nun partido no que a excesiva confianza fíxonos verlle as orellas ao lobo. CD Sar 4 - Benxamín B 1 Un gram rival deixou sen opcións ós nosos cativos que non foron quen de atopa-la súa mellor version. SD Cacheiras 2 - Benxamín C 7 Partido do noso Benxamín C diante dun frouxo Cacheiras que puxo pouca resistenza. Dende os primeiros minutos fomos moi superiores puidendo gañar cun resulto máis abultado, agora a traballar pensando no Dubra. EF Lalín B 4 - Benxamín D 2 Gran partido disputado por parte do Benxamin D diante dun rival que polo que reflicte a clasificación era superior. Primeira parte igualada onde se adiantou o equipo local cun gol a balón parado, igualarian os nosos da mesma maneira, na derradeira xogada da primeira parte marcaría o 2-1 o equipo local. Na segunda comezaría con dous novos goles do equipo local que sentenciaban o encontro, pero o Bertamiráns non lle perdeu a faciana ó encontro e consegiu recorta-la diferenza para deixar o 4-2 final. (FUTSAL) Alto do Vento FS 1 - Benxamín 6 Partido sólido dos nosos que non deu opcións ao rival. (FUTSAL) Stellae FS 3 - Benxamín 4 Un serio Benxamín soupo aproveita-las baixas sensibles do conxunto local e os erros do porteiro rival para lograr unha victoria que deixa moi de cara a clasificación para a fase final. Alevín A 3 - ED Xuv. Oroso 1 Partido moi disputado, no que na primeira parte houbo un bo intercambio de golpes. Ambos equipos desfrutamos de ocasións, chegando con empate a 1 ao descanso. Na segunda metade, os nosos foron quen de levarse o partido tras impoñerse ao rival en prácticamente os vintecinco minutos. Alevín B 3 - SD Esclavitud 0 Nesta data tocábanos enfrontarnos ao pechacancelas da liga; por desgracia sabíamos da diferenza existente entre ambos conxuntos, por iso, decidimos tratar de muda-los roles de cada quen no campo de fútbol. Pensamos que sería un bo día para xogar en posicións diferentes ao que se acostuma. O obxetivo era ser quen de comprender un pouco mellor o noso deporte e as problemáticas concretas que existen en cada posición. Alevín C 9 - SD Negreira 2 Bo partido que soupemos resolver sen apenas sufrimento a pesar das dúbidas dos primeiros minutos onde o rival foi quen de adiantarse no marcador. Queda moito traballo por diante. Alevín D 1 - SD Amio B 0 Partido do noso Alevín diante dun bo Amio que nos creou moitos problemas tanto en ataque como en defensa o que se reflectiu no resultado. Partido no que un empate sería o mais xusto, agora a pensar no Vista Alegre. Alevin E 4 - SR Calo 2 Gran partido dos nosos que manteñen a senda de catro victorias consecutivas. (FUTSAL) At. Fátima 1 - Alevín B 4 Seguramente fose un dos nosos mellores partidos no que vai de liga. Xa levamos disputados varios encontros contra o mesmo equipo, e, según o noso pensamento, este foi no que máis seriedade mostramos. O Fátima comezou mellor o encontro ca nós pero pouco a pouco fomos impoñéndonos e conseguimos remata-lo partido con moi boas sensacións (LUIS CALVO) Alevín 13 - CD Pontellas 0 Prácido inicio de liga para o alevín de fútbol 11.A diferenza entre ambos conxuntos era demasiado grande e non se puido disfrutar dunha mañá entretida.Parece, polo visto ao longo da xornada, que a capacidade de competir duns e outros equipos será moi dispar e invita a pensar q moitos dos partidos acabarán con demasiada distancia no marcador. Sexa como fose, partido moi cómodo no que se puido ver o traballo levado a cabo cada semana de adestramento. Infantil A 6 - SD Villestro 0 Boa sensación a que nos deixaron os infantís neste encontro. Serían dominadores da posesión e por ende das ocasións, tardamos en adiantarnos no marcador, seguimos marrando ocasións moi claras froito da precipitación nos metros finais. Por outra banda, o Villestro tamén disporía de ocasións, algunha por falta de concentración e relaxación nosa e outra pola baixa contundencia nos duelos e balóns divididos. Infantil B 12 - UD Bastavales 0 Partido dominado clarísimamente polo noso equipo. O Bastavales saiu a defenderse e aproveitar algunha contra. Ben posicionados foron aguantando o partido. Asi o di o resultado ó descanso 2-0. No inicio da segunda parte todo cambiou, as liñas do equipo visitante quedaban máis separadas defensivamente e as axudas xa non eran tan boas. En definitiva, a intensidade do equipo rival foi baixando e os goles do noso equipo foron chegando. Destaca-la volta ós terreos de xogo de Xurxo, que ademáis o fixo marcando dous goles. Infantil C 5 - La Salle 1 Partido moi serio dos nosos rapaces que gañaron con claridade grazas á solvencia defensiva amosada, xa que apenas deixaron achegarse ó rival a nosa área. No debe queda a concentración xa que na única clara do rival conseguiu o empate momentáneo na saída dun córner. Ademáis o equipo deuse conta que non hai rival pequeno e que calquera equipo pode meternos en problemas. Na segunda parte o equipo sentenciou en dez minutos e despois aproveitouse para muda-los roles dalgúns xogadores. EFM Boiro B 4 - Infantil D 0 Partido ben traballado en defensa a pesares do abultado do resultado cos catro goles encaixados na primeira metade. Na segunda o equipo plantouse mellor no campo e ademáis de evitar encaixar máis goles, xerou varias ocasións de perigo con achegadas á área rival. Marchamos con boas sensacións e unha notable mellora no xogo. CD Lugo 1 - Cadete A 0 Partido moi disputado no que o máis xusto, posiblemente fose o empate. Tras unha primeira parte con dominio local, a segunda foi dos nosos, tendo boas ocasións para facer algún tanto. Mágoa, pero toca seguir! Cadete B 5 - UD Bastavales 1 Partido disputado que se decidiu na segunda parte. O equipo dominou o xogo diante dun rival que cedeu a posesión e buscaba balóns longos. Aínda que tivemos moitas ocasións claras fomos con vantaxe pola mínima ao descanso; pero na segunda parte aumentamo-la renta de goles. Partido controlado de principio a fin que nos valeu para probar cousas e repartir minutos. Cadete C 7 - SD Dubra 0 Partido controlado sen maior problema polo cadete C; foi quen de domina-lo balón e impor o seu xogo durante os oitenta minutos. No debe quizáis a falla de puntería xa que marrou moitísimas ocasións claras. Victoria FC C 5 - Cadete D 0 Moi mal partido do noso cadete D que visitaba ao Victoria C, líder da categoría, recebimos unha abultada derrota. Perdendo 5-0. Toca seguir traballando. CF Dumbría 3 - Xuvenil A 4 Partido tolo na primeira parte, na que se chegou con 3-3 ao descanso. O encontro viuse condicionado polo vento, pois grazas a el deronse dous goles un tanto "raros". No segundo acto, os nosos levaronse os 3 puntos tra-lo tanto de Rachi. Xuño SD 0 - Xuvenil B 3 Xogaba o noso xuvenil nun campo compricado ao se-lo único campo da categoría no que se xoga en terra, pero adaptouse cedo e levou o peso do partido dende o minuto un. As ocasións íanse xerando pero a pelota non entraba. O bo era que o rival non se aproximaba a nosa portería. A media hora de xogo conseguíamos adiantarnos. Na segunda parte fomos aínda se cabe máis dominadores do partido metendo dous goles. UD Bastavales 2 - Sénior 2 Non puido ser, o Bertamiráns saiu esperando no seu campo, e xogando moi vertical tras roubo, non acabou de saír ben, faltaba precisión nos ataques pero non se pasaban apuros atrás. A fortuna quixo que o Bastavales fora quen de adiantarse nun despexe que cae na área, o porteiro sae a despexar e falla no golpeo, quedándolle o balón a pracer o dianteiro que marca a porta valeira. O Bertamiráns reaccionou cedo e seguiu atacando vertical, e fai o empate rematando unha falta lateral no segundo pau. Domina o xogo, parece que está mais preto do gol pero volve a adiantarse o Bastavales presionando un pase atrás, o porteiro que non acerta a despexar e volve caerlle o balón ó dianteiro para definir a porta valeira. Ninguén baixa os brazos, o Berta apreta chega con máis claridade e antes do descanso pon o empate de córner e desfruta dunha oportunidade moi clara que non logra definir entre os tres paus. Na segunda metade o Bertamiráns segue levando o peso do partido e disfruta de varias ocasións claras para adiantarse pero a bola non quixo entrar. Os derradeiros dez minutos rómpese o partido e os dous equipos atacan a tumba aberta, chegan as primeiras oportunidades xeradas polo Bastastavales pero non logra rematar por dentro, o Sénior desfruta das últimas a balón parado, protestan un agarrón na área bastante claro pero o árbitro non o ve e o partido acaba en empate.Unha vez acabada a xornada, os resultados dos rivais deixannos sen posibilidades de xogar polo ascenso pero agora hai que competir contra o Cacheiras para quedar o máis arriba posible, e seguir progresando como equipo, de cara a segunda parte da tempada. Gran gol de Ricardo para o Infantil B.

881087583

690020553

611615209

bertamiransfc@gmail.com

As Nosas Redes Sociais

Concello
Deputación
Futgal