Novas

Derrota sen paliativos en Padrón Derrota moi contundente do noso Sénior, que non soubo reaccionar aos primeiros tantos do Flavia S.D.Na xornada 27 o Bertamiráns F.C. visitou o Municipal do Souto. Na primeira parte os nosos non conseguiron xerar ocasións claras e o conxunto local conseguía poñerse 2-0 no marcador. Aos 10 minutos de comeza-lo segundo tempo o Flavia marcaría outros dous tantos, dando un duro golpe á moral dos nosos. No minuto 72, encaixaríamo-lo quinto tanto do conxunto de Padrón, e na seguinte xogada, Fabricio marcaría o único tanto do noso equipo cun bo golpeo dende fóra da área.Mal partido, no que a única boa nova foi a volta aos terrenos de xogo do noso porteiro Alex Guillermes "Guille".Temos que seguir traballando para escalar posicións na táboa e levarnos os 3 puntos ante a nosa xente fronte á S.D. Agolada.

Derrotas duras para Cadete A e Xuvenil B Duras derrotas para o Cadete A e o Xuvenil B que se complican acada-los obxetivos da tempada. Prebenxamín -Triunfo do PB "C" por 2-1 ante o Carreira C.F. "B" no Municipal. Benxamín -Triunfo por 5-0 do noso Benxamín "A" na casa fronte o Praiña S.C. Infantil -Derrota do Infantil "A" de División de Honra por 5-0 fronte a U.D. Santa Mariña no Cotogrande.-Vitoria do noso Infantil "B" fronte o C.F. Noia por 1-3 no Julio Mato.-Vitoria do infantil "C" no Xeixo fronte o Trazo C.F. por 0-5.-Derrota do Infantil "D" por 0-4 na casa fronte á E.F.M. Concello de Boiro. Cadete -Derrota nas Eiroas do noso Cadete "A" de Liga Galega fronte o Bergantiños C.F. por 2-1.-Empate do Cadete "B" por 3-3 fronte á S.D. Compostela "B" no Municipal de Bertamiráns.-Derrota do noso Cadete "C" fronte a S.D. Cruces por 4-6 no Municipal de Bertamiráns. Xuvenil -Vitoria do noso Xuvenil "A" da Liga Galega na Ribela por 0-3 fronte a S.D. Sarriana. -Empate 1-1 do Xuvenil "B" contra a S.D. Milladoiro no Municipal de Bertamiráns.-Derrota do Xuvenil "C" fronte a S.D. Esclavitud por 3-0 no Campo do Doce.

Grazas por todo David Dende o Bertamiráns F.C. queremoslle desexar moita sorte e éxitos ao noso ex-xogador David González, que dende hoxe pasa a formar parte do plantel da S.D. Dubra. Moitas grazas por defenderes con tanta entrega o escudo durante todos estes anos. Esta foi e será sempre  a túa casa. Learn More

Partido igualado no que non tivemo-la sorte do noso lado. Derrota por 1-2 na casa do equipo Sénior diante do Cordeiro C.F., terceiro clasificado da liga. O encontro comezou marcado pola lesión de gravidade de Sergio Gonzalez Conde, xogador do Cordeiro que tivo que ser atendido polos servizos médicos, a quen lle desexamos unha moi pronta recuperación. A primeira  parte acabou co marcador 0-0. Non tivo un claro dominador, pero foi o Bertamiráns o que estivo máis preto de canta-lo gol tras dúas boas ocasións erradas por centímetros. A poucos segundos do inicio da segunda metade os nosos realizaron unha boa xogada que finalizou cun gran centro de Adrián Arnejo e un remate coa testa de Cea. O 1-0 non durou moito xa que despois de 10 minutos o conxunto visitante conseguiu a igualdade no marcador grazas a un centro lateral. Poucos minutos máis tarde da igualada, esta vez polo outro costado, os de Valga marcarían o derradeiro gol do encontro, co que conseguirian os 3 puntos. Partido pelexado po-los nosos xogadores, que xa se preparan para o derradeiro encontro antes do parón, diante do Flavia S.D.