Novas

Inxusta derrota do Cadete A na súa visita a SD Compostela. PB A 13 - SD Esclavitud 0 Partido do noso Prebenxamín no que saímos moi metidos dende o inicio, sen deixa-la máis mínima opción ao rival, xa que fomos donos do partido como así o reflectiu o marcador. Temos que seguir traballando para mellorar. PB B 3 - Crocha Balompé CF 6 Partido con dúas partes totalmente diferenciadas as que xogou o noso PB, onde nos primeiros minutos custounos entrar en xogo e os visitantes lograron arrincar cun resultado moi claro, aínda que co paso dos minutos fomos quen de igualar a base de esforzo e bo xogo, pero preto do final e perdendo o físico, encaixamos dous goles que remataron por pecha-lo resultado final. Bo reparto de minutos e traballo dos nenos neste primeiro ano na categoría. A seguir aprendendo co traballo diario semanal. CD Conxo Santiago 0 - Benxamín A 3 Partido no que fomos quen de saír concentrados. O equipo foi capaz de entende-lo xogo que buscamos e de representalo no campo. Só queda seguir nesta liña durante o que queda de campeonato. SD Dubra 0 - Benxamín B 10 Partido moi desequilibrado, onde os nosos, un dia máis demostraron a súa superioridade. Nos primeiros minutos xa se adiantaron no marcador e aínda que o Dubra aguantou cun resultado igualado ao descanso, na segunda parte chegarían máis goles para deixar ese resultado final. Un partido máis de aprendizaxe para os nosos. SD Amio 2 - Benxamín C 2 Partido moi intenso onde faltando 5 minutos para o final do mesmo empatáronnos cunha falta moi ben exeutada polo rival. Seguimos traballando para formar e mellorar de cara ao futuro. SD Esclavitud 5 - Benxamín D 0 Bo partido para os nosos pequenos a pesares do resultado, diante dun equipo que aínda non coñecía a derrota. Competiron moi ben os rapaces tanto a nivel defensivo coma ofensivo pero a diferenza de idade foi un factor determinante. Van evolucionando e disfrutando cada semana que e o máis importante nestas idades. A seguir traballando. CD Conxo Santiago 3 - Alevín A 0 Partido moi marcado polo vento e a choiva, por momentos non era nada doado o simple feito de estar no campo. Posteriormente fóronse creando pozas de auga e a pelota non rodaba como debería. Xogamos nun contexto complexo ante un moi bo rival asi que todo ben, outra experiencia vivida. SR Calo 1 - Alevín B 5 Costosa victoria do noso alevín que estivo moi errático na primeira metade, pese a porse por diante no primeiro minuto de xogo. Unha decente segunda metade abreu distanza no marcador e o rival non era quen de aguanta-lo alto ritmo imposto polos nosos nenos. Alevín C 14 - Puebla FC B 0 Partido do noso alevín diante do pecha cancelas, onde dende o inicio fomos moi superiores mostrándose a diferenza entre a clasificación dun e outro. Dominámo-lo partido sen problema ningún como así o reflectiu o resultado final. Agora a seguir traballando. Alevín D 1 - SD Esclavitud 3 Un moi mal arranque condenounos todo o que veu despois. Pese a entrares no encontro moi mal e encaixando 2 tempraneiros goles os nosos non lle perderon a faciana ao partido, logrando recurtar distanzas na segunda metade, sen que finalmente valera de moito. AD Nicrariense B 4 - Alevín E 1 Comezabamos o partido moi serios en defensa cun bo bloque definido e coa idea clara de xogo. Ocasións por parte dos dous equipos quizáis eles chegando máis pero tampouco con exceso perigo. Pero ao pouco de remata-la primeira parte, cometeríamos un erro grave de posicionamento e iso faría que nos fosemos 1-0 perdendo ao descanso por un gol en propia porta. Xa na segunda íanos pasar o de case sempre. Saímos cunha intensidade moi baixa e aos dous minutos o rival xa ía gañando 3-0. Seguen os minutos do partido, chegando pouco a pouco a área rival pero tamen sufrindo moito e nos minutos finais sumaríamos un tanto para facer un resultado final dun 4-1. Seguimos en proceso de mellora, traballando e aprendendo en todolos adestramentos. E. Estrada FB 1 - Infantil A 3 Victoria e 3 puntos para apretar moitísimo a clasificación entre os catro primeiros, que loitan todos pola liga e por entrar na fase de ascenso. Empezou o encontro con dominio dos nosos, e cedo chegaría a primeira ocasión de gol, sería Scassa, que recolleria un balón na área pequena e con pouco ángulo remata duro ao poste. O primeiro gol sería no minuto 19, cando Dani recibe un balón na banda dereita e a uns vintecinco metros da meta rival, golpea duro ao balón, saíndo un disparo cruzado que se cola por toda a escadra dereita do meta rival. GOLAZOOOO!!!! Despois disto o Berta quería máis, quería o balón, tendo profundidade, amplitude e chegando a meta rival. Así no minuto 32, Scassa entra a rematar na área pequena un centro dunha falta lateral e logra envia-lo balón ao fondo da rede. Fómonos ao descanso co 0-2. No inicio da segunda metade, cando se esperaba que o resto do encontro fose tranquilo, un mal pase dos nosos cara atrás recolleo o dianteiro rival, Sergio, e en carreira logra zafarse do seu par, vaise cara a esquerda da área, golpea cruzado e marca o gol do Estrada. Quedaba toda a segunda parte, moito por sufrir. Pero non se virían os nosos abaixo, voltarían a domina-lo encontro, e no minuto 46 chega a pelota a parte esquerda do ataque, que a recolle Rico, adéntrase na área, fai unha ruleta, cede o balón a Manu, que dispara, pega no longueiro e entra. Novo GOLAZO dos nosos. Habría tempo para máis, xa que pouco antes de remata-lo encontro, Pla que acababa de entrar no campo e debutar co primeiro equipo da categoría, recolle un balón na parte dereita do ataque, encara ao rival, adéntrase na área e é derribado por éste, penalti. Lanzao Manu, rechace do meta local e voltao a recoller o noso xogador, e con todo a favor remata de cabeza fóra. Tres puntos importantes e quedan catro partidos para ver que pasa nesta emocionante liga. Infantil B 7 - AD Nicrariense 0 Partido cun resultado abultado onde na primeira metade non se conseguiu materializa-las ocasións tan claras que se crearon, non se pasaron apuros en defensas xa que o equipos estivo moi serio e concentrado na faceta defensiva. Na segunda metade tivemos máis acerto cara a porta contraria e fomos quen de materializa-las numerosas ocasións das que disfrutamos. Pouco antes do pitido final o porteiro do Bertamiráns foi quen de deter un man a mam co dianteiro contrario conseguindo así remata-lo encontro coa portería a 0 que era un dos obxetivos para este partido. Bo traballo de todo o equipos e seguimos mellorando día a día. Infantil D 1 - ED O Dolmen de Tordoia 3 Un rival forte que puxo difícil puntuar dende o minuto 1. Os nosos son capaces de sáir moi motivados e adiantáronse no marcador, pero dous erros de concentración impedíronnos levar vantaxe ao descanso. A segunda parte foi disputadísima na que o Tordoia conseguiu o terceiro gol a poucos minutos do final. Orgullosos estamos do traballo deste grupo. SD Compostela 2 - Cadete A 1 Derrota do primeiro equipo cadete, e con ela complícase moito máis a loita pola liga e o ascenso directo á máxima categoría. Empezou o encontro moi igualado, pero pouco a pouco o noso equipo foi a mellor e tería a primeira ocasión clarísima para abri-lo marcador. Sería nun centro raso dende a dereita, que remataría Jesús completamente só, pero faríao contra o corpo do meta local. Pouco despois o Berta faría un tiro dende fora da área grande, desviando éste un defensa, pero o meta local lograría chapa-lo esférico. Cando o noso equipo parecía que tiña controlado o encontro, chega unha indecisión entre o noso meta e a defensa e o dianteiro local Raviña aproveita a situación para mandar doadamente o balón ao fondo da rede. Era o minuto 33. Chegan as dúbidas ao noso equipo, e pouco despois no 39, sería Roi quen faría o segundo, noutra xogada na que a defensa non logra afasta-la pelota da súa área e o xogador local recolle o balón preto da meta visitante e logra manda-lo balón ao fondo das maias. Con este resultado fómonos ao descanso. A segunda parte tería unha soa cor, a do Bertamiráns, ocasións moi claras e constantes, sendo a primeira nun centro dende a dereita ao segundo pau, e Lio no seu remate con todo a favor envía o balón por riba do longueiro. Logo noutro centro o balón queda morto na área pequena rival, e co porteiro no chán Migui envía o balón ao pau dereito. Tiña o Berta maniatado ao seu rival, era cuestión de tempo que chegara o gol, sería Suárez no 65, nun disparo cruzado dende dentro da área grande, que se cola pola parte dereita do meta local. Quedaba tempo para máis, e tería o Berta ocasións para empatar, xa que pouco despois, Suárez voltaría facer un remate a cepa do pau dereito da meta do Compos. Mala sorte para o noso equipo, que mereceu moito máis, a seguir loitando e soñando con ese ansiado ascenso. UD Bastavales 0 - Cadete B 5 Partido no que dende o primeiro minuto de partido tivemos o control do balón en todo momento. Aínda que sendo protagonistas co balón non quere dicir que fixeramos un bo partido, xa que non foi así. Cada vez que perdíamos o balón custabanos voltar a recuperalo e na primeira metade o rival tivo a posibilidade de empatar cun tiro ao pao. A mellor nova do encontro foi o resultado e os 3 puntos. O vindeiro encontro que terán os nosos rapaces e a visita na copa do Sar ao Arzúa a domicilio. Esperamos que o xogo mellore e o equipo volva a colle-la confianza que tiña antes dos baches das anteriores xornadas. Cadete C 4 - SR Calo 0 Partido doado para os nosos onde o rival non creou perigo en ningún momento do partido. Seguimos formando. Xuvenil A 2 - SD Residencia 2 Gran partido dos nosos rapaces que pagaron a súa inoperancia cara a portería contraria xa que na primeira metade foron quen de ter ocasións moi claras para ter unha vantaxe de máis de un gol. Co 1-0 obra de Málvarez marchamos camiño dos vestiarios. Na reanudación o árbitro foi quen meteu de cheo ao equipo rival no partido xa que concedeu un penalti que únicamente veu él. O rival non desaproveitou o agasallo e empatou o encontro. A partires de aquí foi outro encontro e a superioridade amosada polos nosos desvaneceuse para pasar a un partido máis igualado onde rival quizáis foi quen de leva-lo partido cara o seu terreo. No debe deste partido unha vez máis temos a defensa do balón áereo que nos custou unha vez máis o empate do encontro a poucos minutos do final. Sénior 1 - SD Valiño Cabo de Cruz 1 O domingo pasado enfrontáronse dous bos equipos, ambos loitan polo ascenso e prentenden gaña-la liga. Había tensión, principalmente por parte dos visitantes, de ter perdido sería un tropezo moi duro. Sexa como fose, o partido foi bonito de ver, dous equipos que o tentaron todo para gañar. Así mesmo, non houbo tantas ocasións como a calquera lle gustaría pero foi emocionante. Gol de Diego na victoria do Alevín B. Golazo do Infantil A: Xogadón de Rico que asiste a Manu que anota.

Dura derrota do Xuvenil B en Porto do Son. O noso Xuvenil B sufreu unha dura derrota a domicilio diante dun rival directo na loita pola salvación en primeira autonómica; esperamos e desexamos que os rapaces se repoñan cedo deste varapalo e poidamos sumar de 3 en 3 canto antes para poder acada-la ansiada salvación.Por outra parte esta fin de semana non houbo liga en moitas categorías debido a festividade do día do pai, pero os que competiron acadaron bos resultados coma os equipos: Infantil A, Cadete A e Sénior. Benxamín B 6 - Milladoiro SD B 1 Partido moi espeso dos nosos, pero onde demostraron a súa superioridade técnica e física nesta liga e polo tanto volveron a impoñerse. Un partido para aprender dos erros e para mellorar na súa formación. Benxamín C 1 - CD Rois 3 Partido moi igualado onde os nosos non estiveron moi acertados cara a porta rival nas oportunidades xeradas, pero en cambio o rival si tivo unha efectividade maior, de ahí o resultado final. Seguimos a formar persoas e xogadores. Benxamín D 0 - Praíña SC B 4 Partido compricado pois chegabamos xustos de efectivos, e aínda así os rapaces fixeron un moi bo partido onde as diferenzas amosábanse nos metros finais. Moi contento co traballo dos rapaces e parabenizalos polo esforzo. Infantil A 2 - EF Lalín 0 Victoria importante contra o derradeiro clasificado, que permite o primeiro equipo da categoría seguir soñando có ascenso á división de honra. Empezou o encontro igualado, xa que podía chega-lo gol para calqueira dos dous equipos. Nembargantes có paso dos minutos, o Berta foise facendo dono deste, eso sí, facendo un fútbol lento e previsible, pero creando algunha clara ocasión de gol. Mencionar unha de Manu, que estando so na área grande, remata as máns do meta rival e outra de Pérez que despois dunha boa combinación remata ao poste dereito. A segunda metade tivo unha soa cor, chegou cunha pequena mellora para que o Berta tivera moitas máis ocasións, podendo deixar un resultado final moito máis abultado. Sería Pérez, nun saque de falta directo lateral, quen colgando un balón plano ao segundo pau e creando a dúbida se alguén remataba, logra mete-lo esférico directamente na meta do Lalín. Lucas que tivo varias ocasións ao longo do encontro para facer gol, sería o encargado de face-lo segundo e definitivo, nun centro dende a dereita que logra rematar de testa en parábola, sobrepasa ao meta contrario e cólase preto do longueiro. At. Fátima 1 - Infantil B 2 Tres puntos moi traballados por todo o equipo que loitou ata ao pitido final nun campo impracticable.Condicionados pola mellor adaptación do rival ao campo de terra, charcos, e xogo directo o equipo puxo o mono de traballo e mudou o súa forma de xogar. Ante a imposibilidade de rasea-lo balón, os balóns divididos foron chave para intentar facerse co control do partido pero nin eles nin nós fomos quen de ter ese control. Así entrou en xogo o balón parado, e o equipo sacou petróleo de dúas accións para gaña-lo encontro. No minuto 16 tras un gran saque dende o curruncho por parte de Pla, testarazo inapelable de Álex á base do segundo pau sen opción para o porteiro. Así chegamos ao descanso e na reanudación o rival empurra e fruto dese empurre, un mal dspexe pola nosa parte aproveitouno Lucas no minuto 60 para poñer as táboas no taboleiro. Pero este equipo non se rinde, e tras unha gran acción de Eli, que xa encaraba o pico da área, o rival vese na obriga de facer falta. Para que Noya no minuto 75 dese os tres puntos tras un maxistral saque de falta que se colou polo segundo pao da portería que defendía Lucas. Seguemos liderando a clasificación, e agora a pensar xa no ADN, vindeiro rival. Carreira CF 0 - Infantil C 2 Partido cómodo para o noso infantil onde se viron cousas ensaidas durante toda a tempada pero síguenos a faltar precisión na execución. Fomos quen de xerar moitas ocasións de gol pero cústanos materializalas. No aspecto defensivo non demos opcións ao noso rival onde non pasamos apuros. A seguir traballando aqueles aspectos a mellorar e reforzar todo o que ca temos aprendido. SD Compostela B 4 - Infantil D 0 O equipo saleu ilusionado e foi quen de plantarlle cara a un gran equipo, un dos favoritos para ascender. Nos primeiros 10 minutos encaixamos dous goles ambos ao contraataque por perder dous balóns en zonas perigosas. A pesares dos 4 goles encaixados o equipo traballou e non escatimou no esforzo. Este é o camiño a seguir. Cadete A 5 - SD Viveiro 0 Clara victoria do noso primeiro equipo da categoría, que segue aguantando o tirón do líder. Iniciou o encontro dubidativo o noso equipo, e pronto viría un erro na defensa, propiciando que o dianteiro rival quede só diante de Pablo e remate por fóra preto do pau esquerdo. Co paso dos minutos o Berta foise facendo có encontro, acumulando ocasións e cedo chegou o primeiro gol, no minuto 11, gol en propia porta dun defensa visitante. No resto da primeira metade, o Berta non conseguiría aproveitar ningunha ocasión máis, marchando aos vestiarios có 1-0. Na segunda metade, o Berta sube o ritmo, e o pouco da reanudación, no minuto 42 Rodri faría o 2-0. Pouco a pouco o Berta acumula ocasións e vai materializando boa parte delas, así no minuto 56 Mateo nun tiro cruzado fai o 3-0. No 67, Rodri deixa o selo dun bo encontro, facendo o seu segundo gol e o cuarto do encontro. Mencionar tamén que no minuto 66 debuta Lucas na liga e có tempo cumprido fai o 5-0 para os locais, despois dunha asistencia de Rodri preto da liña de gol. A seguir loitando. Cadete B 2 - Cidade de Ribeira CF 8 Rival moi superior que dende o primeiro minuto de xogo non nos dou ningunha opcion. A seguir traballando!! ED Xuventú Oroso C 1 - Cadete C 1 Partido moi intenso sempre que nos enfrentamos a este equipo. Na segunda metade puidemos chegar a sumar máis pero o porteiro rival evitou a nosa victoria grazas a grande actuación que desempeñou. Seguimos formando xogadores e persoas. Imperator OAR 0 - Xuvenil A 0 Bo partido en xeral o disputado polos nosos no campo da Grela, a única pega foi as poucas ocasións claras xeradas e que aínda por riba non fomos quen de materializar. O equipo estivo ben en defensa e apenas sufriu ocasións en contra, pero pola contra estivo moi lento na elaboración do xogo e tamén moi partido, xa que a distanza entre liñas era moi grande, quizáis influidos polo tamaño do terreo de xogo. O rival tamén se defendeu ben e foi un equipo "rocoso" o que foi moi complicado facerlle ocasións de gol. Debemos de mellorar cando xoguemos fóra da casa e saber adaptarnos ás diferentes medidas dos terreos de xogo, agora hai que sacar unha victoria na casa para facer bo o punto que trouxemos da Coruña. Porto do Son CF 4 - Xuvenil B 3 Encontro disputado na tarde do sábado que comeza cun par de ocasións ao noso favor. Pero nunha contra o rival consegue adiantarse. Pero en lugra de virse abaixo, o equipo permaneceu cunha boa actitude e buscando supera-lo rival, froito disto consegue remontar en 2 minutos cun gol de estratexia e outro de xogada colectiva para chegar ao descanso co favorable 1-2. Tra-lo tempo de lecer o equipo está mais cómodo no campo, tendo o control do encontro, ata que no minuto 75, noutra contra, o rival consegue igualar; e en 7 minutos foi quen de facer 2 contras mais para poñe-lo marcador 4-2. Nos intres finais xa máis pola rabia téntase recurtar distanza, logrando o gol no desconto. Unha vez máis (e van 3 seguidas) escápanse os puntos no tramo final. Toca seguir traballando máis unidos ca nunca. SD Exclavitud 0 - Sénior 2 Despois do golpe recibido o domingo pasado, esta finde tocaba levantarse e voltar a amosar o que verdadeiramente somos, e así o fixemos. Nunca se xogou, nin se xogará, o partido perfecto, ese no cal non cometes erros, nin sequera un. Partindo de tal premisa, asumindo que erraremos, podemos dicir que este foi un moi bo partido. No relacionado co ataque organizado, nas fases de iniciación e xestación, perdemos moi poucas veces a posesión do balón por erros relacionados coa interpretación ou coa execución. Sendo o resultado o que é, podemos dicir que o motivo foi a nosa fase de finalización, se estivésemos acertados nesta faceta o resultado sería máis abultado. Case non se produciron situacións de transición ataque-defensa potencialmente perigrosas e vivenciamos moi poucos contextos de defensa organizada. Isto é unha moi boa nova pero tamén implicou non poder facer transición defensa-ataque, cousa que acostumamos a executar decentemente. Parabéns a todos. Para a semana máis!! Gol de falta lateral de Pérez na victoria do Infantil A Gol de Rodri na victoria do Cadete A. os nosos colaboradores os nosos colaboradores

O Alevín E segue na senda da victoria Por fin o noso Alevín E atopou o seu fútbol e esta fin de semana acadou a súa segunda victoria da tempada. Esto demostra o bo traballo que se realiza na nosa base, xa que este grupo de xogadores inexpertos pouco a pouco co seu traballo semanal nos adestramentos van conseguindo mellorar, parabenizar tamén a seus adestradores polo traballo realizado con este fantástico grupo. Biberón A 4 - SD Dubra 0 Gran partido dos nosos, onde fomos superiores nas catro partes, dominando en todo momento o balón e conseguindo combinar para chegar a área rival. Crocha Balompé CF 0 - PB A 6 Partido do noso Prebenxamín A diante dun Crocha que puxo as cousas moi complicadas sobre todo na primeira metade na que non puidemos face-lo noso fútbol. Na segunda metade fomos ós poucos facéndonos donos do balón e do xogo en tóda-las zonas do campo, ben é certo que as baixas de algúns xogadores notámolas en demasía. Agora toca seguir traballando para o vindeiro encontro. CD Sar Extramundi 9 - PB B 2 Partido repetido coma moitos dos últimos, onde competimos moi ben dende o inicio, tendo ocasións e apretando ó rival cun resultado moi igualado, pero que co paso dos minutos penalizanos seres xogadores de primeiro ano o que implica unha diferenza física importante. Moi ben xogado por fases e esperando que nos vindeiros partidos da nosa liga, poidamos dar ese pasiño adiante e poder acada-la primeira e merecida victoria. (FUTSAL) Jogafán Ordes FS 0 - PB B 2 Partido sen moita historia o xogado esta semana do noso PB onde quedou manifesto o bo nivel dos nosos, acadando o primeiro posto do grupo, nesta fase, onde o equipo rematou invicto. O partido comenzou cun marcador moi claro nos dous primeiros tempos o que permitiu probar moitas das cousas adestradas durante os últimos meses. O mellor de todo foi que os nenos non se mancaran nunha pista que co paso dos minutos fíxose moi perigosa pola humidade. Benxamín A 12 - Milladoiro SD 2 Día chuvioso no que os rapaces saíron centrados e decididos a polo partido sen dar opcións aos visitantes. AD Nicrariense 2 - Benxamín B 6 Victoria que nos afianza na primeira praza da clasificación. Encontro marcado polo mal tempo, onde o vento e a choiva fixo que os nosos rapaces comezaran con dúbidas. Co paso dos minutos comezaríamos a ser máis verticais e así chegarían as primeiras ocasións, as cales metializamos en goles. O rival acurtaría distanzas, nunha perda nosa a cal colleunos no campo contrario, algo que non nos faría dubidar para seguir xogando e mante-la calma. CF Noia 9 - Benxamín C 0 Partido descompensado entre dous conxuntos cun nivel moi dispar entre eles. Os nosos dérono todo no campo e fixeron un gran partido, pero o nivel do rival tanto físico como técnico foi moi superior. Como única pega podemos dicir que calquera adestrador da nosa base non incentivaría a seu equipo para ter un ataque constante co único obxetivo de facer gol, gol, gol e máis gol... CD Dodro 0 - Benxamín D 3 Partido entretido o xogado polo noso benxamín onde o resultado final decantouse cara o noso lado. Baixo unha intensa choiva e un campo anegado os nosos pequenos pelexaron por unha ansiada victoria. A disfrutar e a seguir aprendendo e medrando. Alevín A 7 - Milladoiro SD 1 Bo partido dos nosos rapaces. Comezamos regular xa que nos primeiros tres minutos de partido xa concederamos 1 gol. Despois dese intre fomos pouquiño a pouco aumentando o noso nivel e fomos quen de acada-la vitoria. SD O Pino 3 - Alevín B 8 Un gol tempraneiro dos locais obrigábanos a subi-la intensidade dende o primeiro intre. A través do balón parado fomos quen de darlle a volta ao marcador e, xa algo máis tranquilos, levamos o peso do partido cara onde nos quixemos. Carreira CF 1 - Alevín C 4 Partido do noso Alevin C diante do segundo clasificado, na primeira metade non fomos capaces de impoñe-lo noso fútbol, sendo superados polo Carreira en tóda-las zonas do campo, así chegamos ao descanso cun 1-0 en contra. Na segunda metade saímos máis intensos e facéndonos donos do partido e conseguindo 4 goles que se quedaron curtos polos méritos feitos. O equipo acada así case a clasificación para a fase final. Agora a seguir traballando. Puebla CF B 1 - Alevín D 6 Unha mañá de sábado marcada pola abundante chiva facía que o campo de Cadreche estivese impracticable. Malia isto, os nosos foron quen de sobrepoñerse e saca-lo partido adiante diante dun rival pragado de xogadores con pouca experiencia. Alevín E 2 - SD Dubra B 1 Partido que afrontabamos con moitas ganas e ilusión e iso faria que dende o minuto 1 estiveramos con unha alta intensidade. A nosa idea dende un primer intre era a de ir arriba e non darlle chance ao rival, na primeira parte teriamos un par de ocasións de facer gol pero o porteiro faria un bo traballo e isto faria que foramos en tablas ao descanso. Pola sua parte, non tenían prácticamente ocasións de perigo pero na segunda metade comezariamos algo floxos e da ahí o primer gol d eles. Sen embargo o equipo sabería responde e xa na seguinte xogada fariamos o 1-1, seguiamos a ter ás ocasións pero non sería ata os dous últimos minutos cado metesemos o gol da victoria. Resultado xusto e pouco a pouco vaise vendo a mellora de todolos rapaces. Racing de Ferrol 4 - Infantil A 0 Derrota do noso primeiro equipo infantil, que se complica o ascenso directo e aprétanse moitísimo os postos que dan acceso a fase de ascenso. Saiu o Racing moito máis metido no encontro, querendo o balón, mentras os nosos parecía que este queimaballe nos pés. Co paso do tempo o Berta logrou enlazar dúas contras que deron sensación de perigo. Pero realmente os locais estaban mellor, e no minuto 21 nun centro destes dende a dereita entre porteiro e defensa, un dos nosos defensores no intento de despexar manda o balón ao fondo da rede. Minutos despois, no 35 un disparo lonxano por parte do xogador racinguistas Hugo, colábase na nosa meta, preto do longueiro, e con ese resultado fómonos ao descanso.Na segunda metade, e tras varios trocos o Berta logra crear perigo cun par de cabalgadas, pero non servirían para batir ao meta local. Nembargantes, si serían capaces os nosos rivais, no minuto 72 Adrián e logo no 79 Arturo, este último estando xa o Berta con dez por lesión dun dos nosos mediapuntas. Infantil B 8 - EFM Boiro B 0 Pese o resultado final, na primeira metade o equipo non acabou de saír todo o concentrado que debería, e o rival tivo 2 claras ocasións para adiantarse no marcador. A partires de ahí o equipo comezou a mellorar e Elihan coma sempre atento ás segundas xogadas subía o 1-0 ao marcador no minuto 23, collendo con vantaxe o camiño dos vestiarios. Na segunda metade os trocos e a boa actitude dos rapaces rematan ca resistenza do rival, e as ocasións e os goles chegan grazas ao dominio absoluto do partido por parte dos nosos. O equipo segue líder e xa pensa no vindeiro enfrontamento diante do Atlético Fátima. Infantil C 2 - CD Rois 8 Recibiamos ao líder da categoría no municipal e o equipo comezaba forte tentando leva-lo peso do partido e como consecuencia dispoñíamos de varias ocasións moi claras de gol, dúas delas difícil comprender como non acabaron en gol. O partido mudaría de maneira radical cando no minuto 20 e tras un saque dende o curruncho, Mario tocaba o balón ca man dentro da área, sancionándose de forma correcta como penalti e expulsión. O Rois materializaba o penalti e adiantábase no marcador. A partires de ahí e cun home menos decidimos seguir ao ataque e pasamos a xogar con defensa de tres, pero en dúas transicións o Rois amplía a vantaxe e colocase cun 0-3. Nós seguíamos tendo ocasións e lograbamos reducir distanzas cun gol de Sebas. Pouco despois un golpeo de Nuno dende fóra da área acababa atopando o longueiro. Pouco despois noutra transición o Rois lograba o 1-4. A segunda parte comezámola moi fortes e dispoñemos dun par de ocasións, pero o que lograba amplia-la vantaxeera o rival. Tentámolo ata o final pero nos dez últimos minutos o cansanzo e o marcador adverso fixo que baixasemos os brazos e o Rois marcaba 3 goles seguidos que supuxeron un marcador final de 2-8. Bo partido a pesares do resultado, onde xogar cun menos dende o minuto 20 condiciona todo o partido. A seguir medrando. Infantil D 1 - CF Vista Alegre 0 Partido bo no que fomos quen de facer moitas ocasións a un equipo rocoso que veu a Bertamiráns a non encaixar. Boa dinámica que tentaremos prolongar nos vindeiros encontros. Cadete A 2 - Galicia Caranza 0 Partido serio do noso primeiro equipo cadete, que consegue 3 puntos importantes, alonxando a un rival directo na loita pola fase de ascenso. Empezou o encontro bastante igualado, vendo que o partido podía decidirse en pequenos detalles, o fútbol producíase moito no medio campo e polo tanto xerábanse poucas ocasións claras. Pero no minuto 32, Rodri recolle un pase profundo dentro da área rival, recibe a tarascada do central visitante e o colexiado pita pena máxima. Ésta lanzouna él mesmo no 33 e fai o primeiro gol, e co 1-0 fómonos ao descanso. Na segunda metade, o partido segue disputado, con accións en amba-las dúas áreas, pero sería Lio quen no minuto 78, quen logre batir ao meta visitante para face-lo2-0 definitivo. Menciona-la boa actuación do noso meta, quen desbaratou probables ocasións de gol, pola súa boa labor na vixiancia as costas dos nosos defensas. Cire Melide 6 - Cadete B 1 Partido no que polo visto na primeira parte feito polo noso equipo, o resultado non reflectiu o traballo amosado. Erros propios que lle dan a posibilidade ao rival de amosa-la gran pegada que teñen en ataque. Ningún dos goles se deu por xeración de xogo do rival, senon que concedéronse erros e o rival que ten moita pegada ofensiva non desperdiciou as súas oportunidades. Cadete C 2 - SD Cruces 2 Mal partido do equipo. Puidemos facer máis diante dun equipo que se posicionou moi ben no terreo de xogo e que ademáis foi quen de materializa-las poucas ocasións das que dispuxo. Toca seguir formando e traballando. Xuvenil A 6 - Viveiro CF 0 Partidazo do noso equipo xuvenil, sobre todo na primeira parte onde conseguiu unha vantaxe de 4 goles. Os nosos saíron moi serios e concentrados e apenas concederon ocasións ao rival e tamén foron quen de pisar con perigo a área rival durante todo o encontro. Así nada máis comeza-los 15 segundos de partido Rodri consegue o primeiro gol despois dunha gran xogada de Málvarez que consegue asistir a seu compañeiro. No minuto 8, Rodri consegue outro gol despois dunha gran xogada colectiva. Adri a saída dun saque dende o curruncho fai o terceiro, e Mauro cunha gran volea fixo o cuarto antes dos camiño dos vestiarios. Na segunda metade o euquipo non baixou o ritmo e foi quen de acadar outros dous goles. Tamén salientar que a xenta que saíu dende o banco de suplentes aportou coma se fosen titulares.Temos que seguir nesta liña para poder xogar a ansiada fase de ascenso. Xuvenil B 2 - Milladoiro SD 3 Encontro pertencente a xornada 26donde se enfrontaron os dous equipos de Ames e con alternativas no marcador. . O encontro transcorria segundo o previsto e o palntexado. Coa posesión favorable ao Milladoiro e o Bertamiráns repregado esperando as súas oportunidades. Comezaríase adiantando o Bertamiráns nunha acción na que o dianteiro estivo listo para facerse cun balón que a defensa e o porteiro rival non se decidiron a despexar. O empate chegaría nunha acción desafortunada do porteiro local. Resultado co que se chegaria ao tempo de lecer grazas tamén a que o Milladoiro desperdiciou un penal. Despois do descanso o encontro mantívose co mesmo guión ata os minutos finais onde se produxo un toma e daca a partir do minuto 81 cun gol visitante e ao pouco o Betamiráns quédase con 10 pola indisposición dun xogador. A pesares de estar as cousas todas en contra, o equipo continuou pelexando e froito delo consegue o empate no 90. Mágoa que no tempo de desconto o Milladoiro consegue o 2-3 definitivo nunha acción a balán parado. Bo traballo sen premio. Toca seguir neste camiño. Sénior 0 - Praíña SC 1 Este puido ser un partido que puxese distanzas notables na clasificación ou ben podía ser un partido que igualase máis aínda as cousas. O certo é que non foi, nin con moito, un partido aceptable pola nosa parte. Por un lado os nervos, por outro o rival... sexa como fose, non fomos quen de conseguir un resultado positivo para os nosos intereses. Toca seguir, estamos aí. Para a semana máis e mellor. Gol de Rodri de penal para o Cadete A Gol de Leo de falta para o PB A.