Novas

Xornada 13/11/2022

Por fin chegou a primeira victoria a domicilio do Sénior. O Sénior por fin cosechou os primeiros tres puntos fóra do Municipal de Bertamiráns, venceu a domicilio ó Valiño cun contundente 1-4. Ademáis salientamo-la victoria do Xuvenil B en Calo, onde consegue 3 puntos valiosísimos para acada-la asnsiada permanencia. SD Cacheiras B 2 - Biberón A 0 Derrota como visitante nun partido onde en liñas xerais fomos mellores ca eles, pero o rival tiña un xogador física e técnicamente moi avanzado para esta categoría e logrou marca-las diferenzas anotando tódo-los goles. Temos que seguir adestrando para mellorar. Villestro SD A 4 - Biberon B 0 Partido moi complicado para os nosos, xa que o rival tiña xogadores de segundo ano moi corpulentos e moi superiores físicamente aos nosos, non puidemos meter ningún gol en ningunha das catro partes, pero os nenos traballaron e esforzáronse e polo tanto melloran cada partido. PB B 5 - Cordeiro CF B 2 Victoria do noso equipo que de novo estivo completo, despois de sufrires diversas enfermidades de caracter vírico. Isto provocou que fora un partido no que non estivemos moi acertados, debido á falta de adestramentos, pero que fomos quen de sacalo adiante. Tódolos nenos puideron disfrutar dunha bonita tarde facendo o que máis lles gusta. Agora a traballar para recuperar ao grupo e seguir aprendendo cun sorriso sempre. Milladoiro SD 0 - Benxamín A 11 Partido serio, diante dun rival que non foi quen de presentar oposición. Toca seguir aprentando neste tramo decisivo de liga. ED O Dolmen Tordoia B 1 - Benxamin B 6 Partido onde os nosos foron moi superiores, pero custou acada-lo primeiro gol, a partires de ahi acadouse unha victoria cómoda.. cabe destacar que ante a ausencia do porteiro tódo-los xogadores do equipo ocuparon a porteria para seguir ca súa aprendizaxe. SD A baña 1 - Benxamín C 2 Bo partido do equipo, certo é que na primeira metade non estiveron tan eficientes como na segunda, xa que na primeira a penas conseguimos ocasións claras de gol e concedendo unha contra ó rival que aproveitou para adiantarse no marcador. Na segunda o equipo comezou a enlazar mellor as xogadas e froito deste dominio chegaron as ocasións de gol, primeiro cun penalty transformado e despois cunha falta ben excutada, e con esto o equipo conseguiu darlle a volta ó marcador. Seguimos traballando cada semana para mellorar. Benxamín D 1 - AD Nicrariense 1 Partido igualado o xogado polos nosos pequenos onde o empate foi un resultado xusto visto os méritos dos dous equipos. Puido haber máis goles pero a boa actuación dos porteiros e a falta de punteria impedíronno. Milladoiro SD 0 - Alevín A 5 Foi unha fin de semana productiva para os nosos, cambiáronse algunhas directrices no noso xogo e saíron moi ben. Foi un pracer ver a capacidade que os nosos rapaces mostraron para entender e executa-los trocos propostos. Estivemos moi involucrados, moi atentos e traballadores, para mostra o resultado diante dun equipo incómodo e competitivo como é o Milladoiro. Toca seguir insistindo, tratar de muda-lo que faga falta para esta-lo mellor posible e avanza-lo máximo posible. Temos máis potencial do que estamos sendo capaces de mostrar pero estamos seguros de que imos ir a máis. Alevín B 6 - CF Cire Melide 3 Victoria importante diante dun rival dos postos altos. Seguimos un pouco espesos na elaboración do xogo pero contiuamos a crer na idea de gañar a través do xogo combinativo. Sexta victoria consecutiva e a traballar para máis! Alevin C 14 - CD Rois B 0 Partido do noso Alevín C diante do pecha cancelas. Partido dominado como reflicte o resultado final agora a xogar polo primeiro posto fronte o segundo clasificado que está igualado a puntos. Ambos equipos xa ca plaza pra segunda fase acadada. SD Dubra B 0 - Alevín D 10 Partido dominado polos nosos nenos dende o pitido inicial. Gran victoria que nos serve para clasificarnos matemáticamente para a fase seguinte. Pelexaremos na derradeira xornada polo primeiro posto desta primeira fase. Alevín E 1 - AD Nicrariense B 2 A pesar do resultado, gran partido dos nosos diante do terceiro clasificado. O encontro comeza moi serio para ambo-los dous conxuntos pero nos íamos ser quen tiveramos máis ocasións e mellor xogo na primera parte, de ahí poñeriamos o 1-0 grazas a un bo remate de córner pero pouco despois debido a falta de intensidade encaixaríamos co que nos fomos con empate camiño dos vestiarios. Na segunda parte o rival ten maís ocasións e nos preparámonos para saír á contra pero non houbo maneira de acadar un gol nesas contras e finalmente o ADN acabaría facendo o 1-2. Coa vista xa no seguinte partido e traballando así a victoria estará moi preto! Infantil A 3 - Racing Club Ferrol 2 Empezou mal o noso equipo, con erros constantes nos pases e mal posicionados, que levaba o equipo rival a dominarnos. Así no minuto 10 adiantaríanse no marcador por medio de Pablo Bouzada. Despois disto, o Berta empezaría paseniñamente a achegarse a portería contraria e a ter ocasións claras. Así nun roubo en tres cuartos de campo, os nosos trenzan unha boa xogada que acaba finalizada cun bo golpeo na frontal da área por parte de Pérez a escadra, rematando o balon no fondo da rede. Esto fai que o noso equipo suba unha marcha, conlevando boas novas, xa que no minuto 38, noutra xogada rápida, Alex dende a zona esquerda da área de ataque cruza o balón moi ben e remata entrando pola cepa do poste contrario. Gol importante e psicolóxico, xa que pouco despois o colexiado indica o descanso. A volta dos vestiarios, voltamos a ver un fútbol intenso, con chegadas por parte dos dous equipos as áreas rivales. Destacar unha falta directa do equipo visitante, nun lanzamento lonxano por riba da barreira, obriga a Xoel a sacar un balón da escadra a man cambiada, parada espectacular e de gañar puntos. Vendo ademais que pouco despois, e preto de cumprirse o tempo regulamentado, nun saque dende o curruncho perfecto, Pérez remata de testa de forma inapelable e fai o 3-1. Podería pensarse que este sería o resultado definitivo, pero nada máis lonxe da realidade, xa que no tempo engadido, nunha falta lonxana e colgada a área, crease unha indecisión entre o noso porteiro e os defensas, a pelota queda morta preto da meta e esta é empurrada por un rival o fondo da rede. Pouco tempo quedaba pero os nosos sufriron ata o pitido final. Bonito e intenso partido. AD Nicrariense 0 - Infantil B 11 Comezaba o encontro co rival plantado no seu campo e buscando roubar algun balón para montar algunha contra, pero o equipo non dou opción en ningún momento mostrandose moi seguro co balón. Nos minutos 9 e 10 Elihan poñia o 0-2 no marcador, e de seguido Dario, Elihan e Fabio sentenciaban a primeira metade cun claro 0-5. O segundo tempo discurriu da mesma maneira e os goles ian chegando, Dario de novo marcaba 2 , Rodri outros 2, Gabi e Marco para pecha-lo partido no definitivo 0-11. SD A Baña 0 - Infantil C 12 Partido sen moita historia onde fomos superiores en todo momento a pesares de que nos costou adaptarnos as medidas do campo e o movemento do balón en ocasións era moi lento. No momento que se entendeu onde estaban os espazos empezaron a aparece-las ocasións e por ende os goles. ED O Dolmen de Tordoia 4 - Infantil D 2 A diferenza de idade nesta categoría pasa factura. Derrota diante dun rival de 2⁰ ano, facendo as cousas serias, pero non fomos quen de iguala-la forza fisica do rival, a pesares desa adversidade e estando 4 goles por debaixo, fomos quen de saca-la testa e chegariamos a iguala-lo encontro se o colexiado nos permitise os dous goles que anulou en dubidoso fora de xogo. CD Lugo B 2 - Cadete A 1 Mal partido o visto no Rodríguez Lago 1, onde o noso equipo sae derrotado e perde a primeira posición da táboa. Empezou o partido con graves erros por parte dos dous equipos, o equipo local perde varios balóns na súa parcela de iniciación sen os nosos aproveitar para conseguir o primeiro tanto. Pero nos tamén estaríamos imprecisos ca pelota, menos intensos, sen gañar unha disputa nin un segundo balón. Pero así a todo, nunha contra as costas do lateral dereito local Mateo logra poñer un centro e despois dun rechace Rodri envía o balón ó fondo da rede. Polo visto ata ese momento, o Berta non merecía ir gañando, e nin o gol conseguiu activar os nosos. Desta maneira, o Lugo acabou facéndose co encontro, logrando o gol do empate Gael, despois dun erro da nosa defensa. Esto intensifica máis o dominio rival e afunde os nosos, e así tan só seis minutos despois, nunha serie de erros encadeados o Lugo fai o 2-1, gol marcado por Pablo García. Mentras que no resto da primeira parte o noso equipo non logrou inquedar a meta rival. Despois do descanso, o Berta segue durmido, tendo varias ocasións o equipo da cidade amurallada para sentencia-lo encontro, pero non o fixo. Así nos minutos finais os nosos despois dun troco de sistema, pasando a xogar con dous dianteiros e envíos de balóns en longo, Mateo nun destes puido face-lo 2-2 nun remate escorado, onde o gardameta ten unha boa intervención. Pouco despois e xa no tempo engadido o árbitro puido interpretar como pena máxima unha entrada a Lemos, pero non o fixo así, finalizando o encontro có 2-1. Moito que traballar visto o visto se queremos ascender. Cadete B 2 - Bastavales UD 1 Partido no que o rival nos recibia totalmente replegado e nos custaba moitísimo xogar por dentro. Moi mala primeira parte dos nosos, que sendo fieis ao que se traballa durante a semana pero con circulacións moi lentas que non intimidaban ao rival, a primeira metade remataba cun empate a 1 gol. Na segunda o equipo saiu mais enchufado e xenerou bastantes máis ocasións de gol obrigando ao porteiro rival a facer varias paradas. Ao final un golazo de falta de Yerai fixo que os tres puntos quedasen no municipal. Debemos mellorar bastante si queremos estar nos postos altos da táboa. A seguir traballando. SR Calo 1 - Cadete C 6 A pesares do resultado o equipo rival foi un opoñente serio e duro, pero cando se fan as cousas con intensidade, intencionalidade e gañas pois ocorre que ademáis saen ben e vense reflectido nos resultados.Bo traballo grupal, seguimos formando. Xuvenil A 2 - Racing Club Ferrol B 0 Partido moi serio do noso Xuvenil, que foi quen de sacar adiante con moito traballo con balón o que fixo que apenas sufrise acometidas na súa portería. O primeiro gol veu despois dun saque dende o curruncho ben executado por Rodri que Dopazo consegue rematar dentro da área pequena, con esta vantaxe marchamos ós vestiarios. Na segunda metade seguimos dominando o balón grazas a grande labor realizada no medio por Varela, Fran, Álvaro e Rodri. O segundo gol chega despois dunha gran xogada combinativa que remata Álvaro cun gran disparo dentro da área. Parabenizar a todo o equipo porque a pesares das baixas foi quen de saca-los tres puntos. SR Calo 0 - Xuvenil B 3 Partido moi ben xogado polo noso Xuvenil, que foi quen de desbaratar as acometidas do rival con intensidade, gañando as dispùtas e os segundos balóns para que así o rival non puidera achegarse a nosa portería en ningún momento. Na primeira metade a penas houbo ocasións de gol por parte de ambos conxuntos xa que o Calo soubo desbaratar as nosas e abundou o xogo directo sumado a que o Bertamiráns abusou das conduccións no medio do campo e non buscou triangulacións, estas facían moito máis dano ó rival.  Na segunda metade cos trocos o Bertamiráns foi quen de achegarse máis a área rival xa que fructificaron as triangulacións e conseguía xira-lo xogo á banda contraria buscando os espazos que deixaba o rival. Así Vizcaya, Kike de penalty e Labandeira conseguiron os tres goles do equipo. SD Valiño 1 - Sénior 4 Esta fin de semana chegou, por fin, a primeira victoria do Sénior a domicilio. Foi un partido moi duro, xogamos contra o Valiño, un dos mellores equipos da categoría. Nós non aforramos ningunha carreira nin ningunha disputa, estivemos serios, metidos no partido, sen demasiadas dúbidas na defensa organizada e bastante finos na transición defensa-ataque. O rival manexou a fase de ataque organizado con maior eficacia ca nós pero non foi quen de chega-la profundidade. Pódese dicir que durante varios minutos, na primeira parte, despois do 0-2, o rival foi quen de someternos e darnos un par de toques de atención. Quitando ese momento, a nosa estructura defensiva non se viu ameazada. En relación a nosa fase de ataque posicional dicir que o rival púxonolo moi difícil, obrigounos a escoller camiños distintos aos que máis nos gustan. Sexa como fose, 3 puntos máis e moi merecidos; fomos quen de xerar moitas ocasións de gol, tamén de acertar máis de cara a portería do que acertou o Valiño. Para a semana máis!! Equipo do Infantil C que gañou na Baña.

Xornada 06/11/2022

O Municipal de Bertamiráns segue a ser un fortín para o Sénior. O Sénior segue a contar por victorias os seus partidos xogados no Municipal de Bertamiráns, nesta xornada goleou ó SD Esclavitud. Biberón A 0 - ED Xuv. Oroso 2 Partido onde os nosos, sendo superiores na maior parte do partido non foron quen de ganarlle ao Oroso, que tras un par de xogadas individuais conseguiron tres goles, que foron suficientes para levarse o partido. Nos vivimos todo o partido preto da portería rival pero custounos demasiado anotar, únicamente anotamos un gol. Biberon B 0 - ADN 4 Neste caso os nosos non puideron facer nada, gañaron tóda-las partes dunha maneira moi doada xa que tiñan xogadores moito máis preparasdos ca os nosos. Resultado merecido para o ADN, agora toca seguir traballando. SD Cacheiras 1 - PB A 2 Partido do noso Prebenxamin A diante dun rival que nos puxo as cousas moi complicadas dende o inicio ata o remate do partido como así o reflicte o resultado. Fomos mellores na primeira parte tendo varias ocasións moi claras acadando un so gol, a segunda metade foi moi igualada con ocasións en ambas porterias, pero o partido caeu do noso lado cun gran gol de Iago Arias; agora a pensar no vindeiro rival. (FUTSAL) SD Dubra 1 - PB B 2 Primeira victoria a futsal do noso PB polo que se lle fixo xustiza ó grupo polo traballo ben feito ata agora. Non foi o partido mellor xogado polos nenos, aínda con ausencias, pero sí un bo e xusto resultado para coller folgos para seguir traballando coa mesma ilusión que ata agora. Parabéns ós peques e ánimo para os que faltaron esperando unha pronta recuperación. SR Calo B 2- PB B 7 Partido onde o noso equipo presentouse con moitas baixas e que aínda así foi quen de levarse. Un partido controlado dende o principio e que gañou de maneira clara. Demostración de solidez e a esperar que os enfermos se recuperen o antes posible. A seguir disfrutando e traballando tanto nos partidos coma nos adestramentos. Benxamín A 4 - SD Cacheiras 0 Partido serio e completo diante dun rival complicado que non tivo opción para gañar no municipal de Bertamiráns. Destacamo-la primeira parte dos nosos pequenos, que senon chega a ser polo seu porteiro a diferenza sería moito maior. A po-los seguintes 3 puntos!!! Benxamín B 1 - EF Xuv. Oroso B 2 Partido moi igualado o disputado en Bertamiráns, onde se adiantou o equipo local e remontaron os visitantes pouco despois, os nosos puideron empatar ao final pero non puido ser, partido para seguir aprendendo. Benxamín C 2 - ED O Dolmen Tordoia 2 Partido moi intenso e entretido entre dous equipos que o deron todo no campo e onde puido haber moitos máis goles. Os nosos nenos tiveron que traballar todo o partido para conseguir este empate xa que o rival andivo sempre por diante no marcador. Bo partido do equipo que consegue un punto que sabe a victoria. SR Calo B 9 - Benxamín D 0 Partido onde nos encontramos a un rival superior e non fomos quen de contrarresta-lo bo xogo que despregaron. Na segunda parte melloramos un pouco pero nunca fomos quen de iguala-lo nivel do noso rival. Felicitar ao Calo e a seguir traballando para ir mellorando para atoparnos cómodos cando temo-lo balón. Alevín A 3 - Atl. Fártima 1 Partido moi duro esta fin de semana, comezamos ben. Xerando perigo e do xeito que está previsto que suceda. Aos 10-15 minutos o partido comezou a poñerse moi feo, comezamos a xogar máis en campo propio, cometemos máis imprecisións e comezamos a ter máis dúbidas das que serían aceptables. Hai que recoñece-lo mérito de quen xoga contra os nosos, o seu esforzo e as súas gañas tamén fan que a nós non nos saian as cousas mellor. Ao final conseguimo-los tres puntos e outra experiencia máis vivida. Debemos seguir aprendendo e esforzándonos sen esquecernos de que estes dous aspectos van facer que poidamos desfrutar ao máximo do deporte. ACD Esc. Dep. Arzúa 0 - Alevín B 4 Saímos bastante enchufados nos primeiros minutos onde chegamos a marca-lo primeiro gol. A partires de ahí, todo moi errático e lento. Ben é certo que non sufríamos porque o equipo rival non chegaba a porta pero, non éramos quen de xerar boas ocasións no derradeiro terzo do campo dado a que a nosa velocidade de balón non era o suficientemente boa. Pese a isto, a superioridade ante o rival fíxose notar nun par de boas accións individuais onde fomos quen de amplia-la vantaxe. Alevin C 14 - ADN 1 Partido do noso Alevin C sen moita historia xa que fomos moi superiores dende o inicio do partido no que acadamos matemáticamente a clasificación pra segunda fase pra loitar polo título; agora toca prepara-lo vindeiro partido. Alevín D 2 - SD A Baña 0 Enfrontabámonos a un rival bastante duro, con moitos nenos de segundo ano e que estaba empatado con nos a puntos no alto da táboa. Unha primeira parte moi igualada levabanos co 0-0 ao descanso, pero outra vez tra-lo descanso o equipo mostrou unha boa reacción. Unha gran acción de Yago ía conseguir o máis difícil, o 1-0. Un pouco máis relaxados xa, tras un bo saque dende o curruncho ía chegar o 2-0 final. Logramos con esta victoria deixar case lista a clasificación para a seguinte fase, o cal nin de lonxe era o obxectivo a principios de tempada. Gran traballo dos pequenos! EF Xuv. Oroso C 10 - Alevín E 0 Esta xornada tocábanos enfrentarnos aos primeiros da liga. Tiñamos a idea clara de xogo e plantexamos o partido como tal. Comezamos moi despistados e frouxos en defensa e iso ía facer que foramos perdendo dende moi cedo. A segunda parte foi algo mellor e intentamos xogar algo máis pero non seríamos quen de facer ocasión claras de gol. Seguimos traballando e medrando para mellor, xa ca vista no seguinte partido. SD Residencia 1 - Infantil A 2 O infantil A volta a senda da victoria tras dúas semanas con empates. Partido bastante igualado o disputado no campo da Cheda. O noso equipo comezou atacando a portería rival, e así no minuto 6 Lucas remata cruzado un centro lateral dende a dereita que acaba dentro das mallas. Logo no 13, Matteo marca o segundo de testa, anticipándose no segundo pau ao seu par e rematando de maneira impecable un saque dende o curruncho. A partires de ahí o noso rival empeza a dominarnos e achegarse con perigo a nosa meta, e no minuto 21 nun remate de testa de saque dende o curruncho fan o 1-2. Segueu dominando o resto da primeira parte o Residencia, aínda que preto do remate desta, o Berta, por parte de Diego erra unha ocasión moi clara, que puido dar moita tranquilidade os nosos, con todo a favor para marcar envía o balón por riba do longueiro. A segunda parte volve estar igualada. O Residencia ataca e crea ocasións e o Berta as contras ten algunha moi clara. Asi Lucas puido aumentar distanzas se o árbitro non interpretase como man un control co peito que logo rematou en gol. Preto do final o árbitro non considerou como penalti unha entrada de Santi o dianteiro do Residencia, que puido pitalo e ser ocasión clara para o 2-2. Despois disto o Berta sufriu pero deu aguantado o 1-2. Infantil B 6 - Atl. Fátima 1 Mañan fría con 4° de temperatura no Municipal, rápidamente subiría a temperatura co bo xogo dos rapaces diante dun rival que non lle perdeu a faciana ao encontro. A primeira metade remataba cun 3-0 grazas aos goles de Rodri, Fabio e Marco de falta directa. A Segunda metade comenzaba cun Fátima que quería reduci-la vantaxe e gozou de dous ou tres claras ocasións que non foi quen de materializar, a partires de ahí o equipo voltou toma-lo mando do encontro e chegaba o 4-0 por parte de Brais cun gran disparo dende 25 metros que o porteiro rival non foi quen de atrapar. Posteriormente Darío poría o quinto e o sexto no marcador ó finalizar dúas boas xogadas do equipo que segue a liderar a clasificación con autoridade. Infantil C 2 - Carreira CF 1 Victoria importante que nos mantén nos postos de arriba pero que non veu acompañada dun bo xogo.Costounos atopa-lo ritmo de xogo diante dun equipo que esperaba atrás e tentaba saír con velocidade á contra. A pesares de que non foi o noso mellor partido levabamos en todo momento o peso do mesmo e o rival non xeraba perigo. Tras chegar con empate a cero no marcador comezamo-la segunda parte un pouco mellor entendendo onde estaban os espazos e empezando a xerar perigo e así chegaron os goles.O Carreira aproveitou unha falta para poñer o 2-1 definitivo. Infantil D 1 - SD Compostela B 5 Partido duro diante dun bo rival que fixo imposible representa-las situacións traballadas e os nosos sentíronse incómodos durante todo o partido. Seguiremos co traballo nos adestramentos para mellorar o antes posible. Cadete A 1 - SD Compostela 1 O cadete A fixo méritos para levarse os tres puntos, pero só logrou un empate. Saiu o noso equipo decidido a lograr os tres puntos, cun par de ocasións para facer gol, pero foi o Compos quen se adiantaría, cun bo disparo de fora da área que remataría no fondo da rede. A partir de ahí o Berta aínda se volca máis sobre a portería visitante, tendo dous mans a mans co porteiro pero non logra marcar. Así remata a primeira parte. A volta dos vestiarios o equipo local todavia logra acentuar máis o dominio, conseguindo ter varias ocasións claras por parte de Lemos, Mateo con sendos disparos e Suárez nun saque dende o curruncho. Pero nunha destas veces chega o 1-1 por parte de Diego. O Berta seguíu intentando facer algún gol máis, pero non o dou conseguido. Resultado final 1-1. Cidade de Ribeira CF 2 - Cadete B 0 Partido no que os dous equipos saíamos con moitas gañas ao terreo de xogo. Quizáis as gañas de competir por parte dos nosos acabounos afectando, sabíamos que xogabamos contra un rival tremendamente perigoso nas accións a balón parado. Falouse no vestiario da importancia de non realizar faltas innecesarias en campo propio, algo que non fomos quen de facer. Tivemos moita sorte en chegar ao descanso 0-0, xa que o rival tivo moitas oportunidades para poñerse por diante no marcador na primeira metade, todas estas ocasións viñeron de accións a balón parado, a nivel xogo custaballes moito xerarnos perigo. Na segunda parte é certo que reducimos a realización de faltas innecesarias e ao final o primeiro gol foi un grave error noso, nun balón atrás e o noso porteiro e central que non se poñen de acordo permite que o dianteiro rival chegase regateando ao porteiro e marcase a portería vacía. O segundo gol ven dunha falta que a única persoa que ve falta nesa xogada é o arbitro, isto permitiu que o lanzador do Ribeira puidese fusilar a nosa portería poñendo o 2-0 no marcador. Resultado totalmente merecido e que fai que deamos uns pasiños atrás na clasificación pero pronto estaremos de volta nos postos altos da táboa, iso está máis que asegurado. Cadete C 2 - EF Xuv. Oroso 2 A pesare de adiantarnos no marcador cun 2-0 non fomos quen de xestionar na primeira parte o resultado xa que o rival conseguiu empatar. Na segunda metade a pesares de controla-lo partido e de atosigar ó rival no seu campo non acadamos máis goles. Bo punto que sabe a pouco xa que fomos claramente mellores durante todo o partido. Seguimos traballando e avanzando na formación. SD Residencia 2 - Xuvenil A 2 Xogamos o peor partido da tempada no que hai que dicir que tiñamos moitas baixas, e no que nos vimos obrigados a levar 3 cadetes que traballaron moi ben e non se notou que foran xogadores doutra categoría. Ademáis non fomos quen de adaptarnos ó campo da Cheda que ten unhas dimensións máis grandes do que normalmente nos atopamos na categoría, aínda así fomos quen de marchar a vestiarios cun 0-2 a favor con dous goles de Dopazo. Digamos que fomos mellores ca o rival nas áreas nesta primeira metade. Na segunda foi un desastre absoluto sobre todo os primeiros 15 minutos onde concedimos moitas ocasións e o rival acadou o empate. O equipo non soubo xogar cos ritmos do partido nin soube ler que podería controlar mellor ó rival facendo outro tipo de xogo. Aínda así puidemo gañalo partido no último minuto se Dopazo houbese estado atinado na área nunha contra que levou xunto con Miguel. Debemos de pornos as pilas nos vindeiros partidos e adestramentos se queremos estar no play-off. Xuvenil B 0 - SD Cacheiras 3 Encontro no que unha vez máis encaixamos na primeira xogada do mesmo e onde o equipo estivo desactivado os primeiros 10 minutos o que custou recibir tres goles. A partires dese momento o choque igualouse debido a unha mellora pola nosa parte e a un pasiño atrás do rival que xa tiña o encontro moi de cara. O marcador non se modificaría en todo o resto do encontro. Sen actitude e concentración é imposible competir nesta categoría. Sénior 4 - SD Esclavitud 0 Partido apañadiño do noso Sénior que foi quen de obter unha boa victoria diante dun bo rival. O encontro púxose de cara cun gol nada máis comeza-lo encontro, iso deunos certa tranquilidade para afronta-lo resto dos 90 minutos. O ritmo non foi moi alto, a circulación de balón e a precisión non foron as desexables pero as gañas dos nosos eran evidentes. Con todo, fomos xerando ocasións, unhas moi claras e outras non tanto, igualmente, a nivel ofensivo estivemos mellor ca o noso rival posto que o Escravitud non foi capaz de xerar perigo na nosa portería. Ao final fomos quen de acertar de cara a gol e colleitamos un resultado tranquilizador e esperanzador. Para a semana máis!! Equipo Cadete C que esta xornada empatou na casa diante do EF Xuv. Oroso C. Gol de Iago Arias na victoria do PB A. Gol de Diego na victoria do Alevín B.

Xornada 30/10/2022

Nova derrota do Sénior fóra da casa. O equipo Sénior non é quen de gañar un partido fóra do Municipal complicándose así as súas opcións de consolidarse nos postos altos da táboa clasificatoria.Por outra banda destaca-la importantísima victoria do Cadete A en Viviero. Victoria FC Los Rayos 0 - Biberón A 4 Partido no que fomos claros dominadores durante tódo-los minutos, pechando ao equipo rival no seu propio campo durante a maior parte do partido. Finalmente fomos quen de gaña-las catro partes, anotando algún bonito gol producto dalgunha xogada combinativa. Biberón B 1 - SD Dubra 1 Partido no que fomos claros dominadores pero custounos anotar gol, empatamo-la primeira parte pero tivemos moitas ocasións de gol, a segunda parte custounos máis e encaixamos un gol nunha contra doutro equipo xa que os nosos xogadores estaban mal colocados. A terceira parte ganámola tendo moitas ocasións, pero só puidemos anotar un gol, a derradeira parte estivo moi igualada xa que atacaban os dous equipos pero non logramos meter ningún gol, partido cun resultado que non fixo xustiza para o esforzo dos cativos. PB A 0 - SR Calo A 3 Partido do nosos Prebenxamin A no que as baixas pesaron moito, e onde recibimos un gol moi tempraneiro que marcou o encontro, dende ahí non soupemos facernos co partido e en dous despistes máis custáronnos dous goles máis tendo algún tiro o pao e paradas do porteiro do Calo, o rival foi xusto vencedor do partido; non queda outra que pensar no vindeiro partido. (FUTSAL) CD Sar Extramundi 4 - PB B 0 Primeiro partido dos pequechos na modalidade de futsal e derrota moi abultada para o gran partido que fixeron, que se resume polas ocasións maarradas polos nosos e a eficacia dos contrarios. Derrota inxusta pero a mellorar nos vindeiros partidos. (FUTSAL) PB B 1- Noia Portus Apostolis FS 2 Primeiro partido como local e non fomos quen de acada-la primeira victoria do ano do noso PB. O partido tivo tres partes moi diferentes, onde primeiros 15 minutos foron totalmente da noso lado, logo veu un período moi igualado e o remate foi claramente controlado polo Noia que foi quen de levarse un partido moi bonito e igualado no que debe quedar unha grande aprendizaxe. PB B 5- SD Esclavitud 0 Partido dominado de principio a fin polo noso equipo onde non permitiu saír do seu campo ó contrario grazas á boa presión e colocación defensiva dos nosos nenos pero que pola pouca claridade cara a porta non era quen de decidi-lo partido na primeira metade. Si fomos quen de facernos valer na segunda parte, levando unha clara victoria que nos coloca líderes do noso grupo. SD Xuv. Aguiño 0 - Benxamín A 5 Bo partido en Aguiño no que a pesares das condicións do campo os nosos rapaces foron quen de saca-lo partido adiante levándose os tres puntos para Bertamiráns. Praíña SPC B 2 - Benxamín B 8 Comeza o encontro, cos nosos rapaces volcados en marca-lo primeiro tanto, pero sería o Praíña o que se adiantaría no marcador, poñéndonos por debaixo e recibindo o primeiro gol en contra do que vai de tempada. Ese gol non mudou os nosos plans, o cal a través do balón conseguiriamos empatar e ampliar distanzas. A partires de ahí, sería un monólogo total dos nosos rapaces. SD Cacheiras 2 - Benxamín C 2 La SD Cacheiras no partido de hoxe amosou uns valores que tamén compartimos e impartimos nós tamén no clube. Presentámonos con 7 xogadores e eles puidendo xogar con 8, decidiron facelo con 7 tamén.Partido moi bonito onde na primeira parte marchamos 0-2 e incluso parou un penalty o noso porteiro.Na segunda parte pasáronnos por riba xa que as forzas iban xustas, pero fomos quen de resistir e incluso facerlles dano con algunhas contras pero que non chegamos a materializar debido o gran porteirodo rival. Seguimos a traballar na formación do grupo. Silleda CF 0 - Alevín A 3 Partido moi condicionado polas adversas condicións metereolóxicas. O vento sopraba moi forte e a choiva, moi intensa, tampouco axudaba. O Berta competiu o mellor que puido e soubose adaptar ao momento, o fútbol non foi o máis vistoso pero do que se trata é de seguir acumulando experiencias e aprender. Alevín B 10 - Praíña SPC 0 Cómoda victoria dos nosos unha vez máis. Desta vez e ante as boas combinacións que lograbamos facer, o rival pronto optou por replegarse atrás con case todo o equipo, o que dificultaba que combinásemos preto da área pero pola contra facía que non houbese chegadas do equipo rival. Seguimos a lidera-la táboa! SR Calo B 3 - Alevin C 12 Partido do noso Alevin C sen moito que contar diante dun rival que so foi quen de achegarse por erros nosos, de ahí os goles encaixados, polo demáis fomos donos do partido como así o reflicte o resultado; agora a pensar no vindeiro rival. Alevín D 1 - EF Xuv. Oroso C 1 Enfrontabámonos ao líder por diferenza de goles e sabíamos de antemán que non ía ser doado. Na primeira só fomos quen de chegar un par de veces a portería rival posto que o rival, superior a nós, non nos deixaba pasar con fluidez do medio campo. No descanso collemos forza e axustamos un par de cousiñas e os rapaces foron quen de reverti-la situación e pese a xogar contra un rival superior, foron quen de merece-lo gol da victoria en numerosas accións. Considero que o empate foi o xusto para ambos equipos. SD Esclavitud 4 - Alevín E 0 Comezo moi disputado de ambos conxuntos con varios tiros nas duas áreas pero ía a se-lo rival quen se adelantara nun dudoso fora de xogo. Mentres tanto nos seguiríamos tendo ocasións pero non seríamos quen de convertelas e un par de pequenos erros nosos cústannos os outros goles. A pesar do resultado os nosos traballaron moi ben e mereceron moito máis. Infantil A 1 - S.D Viveiro 1 O infantil perde unha boa oportunidade para distanciarse dos seus inmediatos perseguidores. Partido igualado o disputado no municipal de Bertamiráns, empezou o noso equipo moi despistado, con moi pouca precisión e con erros constantes por parte de todo o grupo. Chegando o gol do Viveiro no minuto 25 da primeira parte de penalti, por causa dun mal entendemento entre a defensa e o gardamallas, onde éste derriba o dianteiro. Na segunda parte, con máis corazón que testa, o noso equipo vai pechando o rival na sua área, creando algunhas ocasións claras e chegando o gol do empate no minuto 57 por medio de David. O noso equipo despois disto seguiu empurrando, facendo lucirse nalgunha vez o gardamallas, pero non chegarían a face-lo gol da victoria. Final e reparto de puntos. EFM Boiro B 0 - Infantil B 7 Chegaba o equipo con moitas baixas por lesións ó partido, pero os rapaces non defraudaron e fixeron un partido moi completo. A primeira metade acabou cun 0-3 e xa no segundo tempo o equipo marcaba 4 goles máis para acada-lo definitivo 0-7 e de novo deixa-la portería a 0. Victoria importante xa que sitúa o equipo líder destacado con 2 ptos. de vantaxe con respecto o segundo clasificado. CD Rois 2 - Infantil C 2 Partido intenso e emocionante ata o pitido final onde logramos traer un punto que visto os méritos feitos consideramos que sabe a pouco. Custounos adaptarnos as dimensións do campo e non eramos quen de xunta-las liñas e pecha-los espazos dando en ocasións moita distanza aos rivais. Pasaban os minutos e íamonos asentando no partido cando tras unha falta no medio do campo que parecía non ter perigo adiantábase o Rois no marcador. Soubemos reaccionar a tempo e logramo-lo gol do empate tras unha falta directa ao borde da área. Fómonos ao descanso con empate. Na segunda parte saímos mellor pero o Rois logra adiantarse de novo no marcador. Gol que soubemos contrarrestar cedo dando lugar ao empate definitivo, a pesares dos derradeiros minutos onde puidemos levarno-la victoria. CF Vista Alegre 0 - Infantil D 4 Partido importante para o equipo que consegue dominar e sentenciar na primeira metade. Gran victoria por parte dos nosos rapaces, temos que seguir nesta liña!!! S.D Viveiro 1 - Cadete A 2 Mal partido o disputado polo cadete A, pero tres puntos de ouro que consolidan o noso equipo na primeira posición. Empezou o partido con erros constantes por parte dos dous equipos, pero principalmente pola parte dos nosos, con falta de concentración e pouca entrega. Así nun erro da nosa defensa nun saque de falta en longo, o balón acaba sobrepasando por arriba os centrais, recolleo o dianteiro local e remata en gol, valendo para que o Berta marche en desvantaxe ao descanso.Na segunda parte o noso equipo sae con outra actitude, saímos moito máis centrados e con maior intensidade, onde conseguimos crear ocasións de gol en contras rápidas, mentras o equipo rival, so logra crear perigo a balón parado. Os trocos tamén logran dar unha marcha máis, así Rodri o pouco de entrar na segunda parte, logra face-lo 1-1 o prantarse so diante do gardamallas, batindoo polo pau corto.O Berta segue a atacar, quizais con máis corazón ca testa, e xa no desconto Jesús logra entrar na área con vantaxe, centro cara atrás entre porteiro e defensas e uns destes no intento de despexa-lo coiro meteo en propia porta, sendo o gol que nos da tres puntos, 1-2 definitivo. Cadete B 0 - CF Cire Melide 1 Chegou a primeira derrota do equipo na tempada na xornada 8. Visitabanos o Melide, partido no que o equipo visitante viña súper motivado e notouse nos inicios do partido. Equipo moi superior físicamente aos nosos e que facía que todo-las disputas do partido fosen pérdidas. Finalmente un gol de falta na primeira metade fixo que os 3 puntos fosen para Melide. A parte positiva foi que aínda facendo un mal partido por parte dos nosos rapaces o equipo visitante apenas creou máis accións de perigo. Para a semana visitaremos ao líder, o Ribeira, ao cal trataremos de vencer para seguir nos postos altos da táboa. SD Cruces 0 - Cadete C 2 Partido desastrioso na primeira metade. O Cruces ben plantado fíxonos moito dano xa que foi quen de neutraliza-lo noso xogo e polo tanto non conseguíamos achegarnos a súa portería. Despois dos trocos na segunda metade e da charla no vestiario conseguimos muda-la dinámica de xogo e a aptitude dos xogadores polo que conseguimo-lo dominio do partido e ocasións de gol que fomos quen de converter. Seguimos a avanzar na aprendizaxe e formación. Xuvenil A 2 - Imperator OAR 2 Unha vez máis o equipo regala os primeiros quince minutos de xogo propiciando que o rival acade dous goles que puxeron moi custa arriba o partido. Ademáis do mal xogo nese inicio os goles foron dous erros importantes de concentración, algo propio de categorías máis tempranas non dun equipo Xuvenil que quere competir por cousas importantes. Aínda así o equipo soubo reaccionar e conseguiu impoñe-lo seu fútbol pechando ó rival no seu campo, e tendo numerosas ocasións para remonta-lo partido, incluido un penalty marrado nos derradeiros minutos de partido. Tamén menciona-las numerosas baixas que tiña o equipo que foron suplidas con grandes actuación por xogadores Cadetes e do Xuvenil B. Praíña SPC 1 - Sénior 0 Nesta fin de semana o noso Sénior non foi capaz de colleitar un bo resultado na súa visita ao Juan Amado.O equipo comezou impreciso, cometeu varios erros en fase de iniciación e iso, sumado a que o Praíña axustaba ben a súa presión, fixo que o partido se xogase maiormente no noso campo. Os dous equipos tivemos algún achegamento perigoso pero a maioría das accións remataban en nada. Eles dispuxeron de máis situacións prometedoras ca nós pero moi poucas ocasións limpas. A segunda parte foi máis do mesmo, poico fútbol e poucas ocasións. A mágoa foi non ser capaces de estar tranquilos despois do gol encaixado. Puxemons corazón pero non testa.

Xornada 23/10/2022

Puntos importantes para o Bertamiráns FC Esta xornada deixa importantes victorias no fútbol 11, o equipo Sénior, que se achega ós postos altos da clasificación, do Xuvenil B que lle permite colocarse na zona tranquila da táboa e dos Cadetes A e B que os sitúa nos postos de privilexio da clasificación.Ademáis destacamos os empates a domicilio, diante de rivais complicados, do Infantil A e do Xuvenil A que lles permite seguir coas súas aspiracións.E por último destacamo-la victoria dos máis peques do clube, o Biberón A que acadou unha victoria no debut dos nosos adestradores noveis, xogadores da nosa base, Andrés e Dylan ós que lles desexamos a mellor das sortes nesta bonita etapa. ED Xuv. Orosos B 1 - PB A 11 Partido do noso Prebenxamin A sen moitos problemas xa que dominamos de principio a fin como reflicte o resultado final. Agora a pensar no vindeiro partido. Milladoiro SD 1 - PB B 3 Gran partido dos nosos pequechos que xogaron baixo unha intensa choiva pero a pesares diso o pasaron xenial e divertíronse competindo diante dun gran rival. Adiantámonos cun gol de falta na primeira metade, para despois na segunda marcar dous goles máis e o rival descontou nos intres finais. Agora a seguir adestrando para mellorar. Benxamín A 1 - ED Xuv. Oroso A 9 Sufrimos unha avalancha do mellor equipo da liga, que non deixou opción ós nosos cativos. Debemos traballar para saír ós partidos máis enchufados sen cometer erros que se convertan en agasallos para o rival nos primeiros minutos. Benxamin B 6- Milladoiro SD B 0 Nova victoria do benxamin, partido marcado pola intensa choiva pero onde o benxamin impuxo claramente o seu fútbol e dispuxo de moitas ocasións. Benxamín C 3 - ED Xuv. Oroso C 3 Partido moi bonito o disputado esta fin de semana polo noso equipo. A pesares de comezar gañando 1-0 o equipo rematou abaixo no electrónico cun 1-3. Aínda así, na segunda metade ademáis de empata-lo partido o equipo dispuxo de moitas oportunidades para levarse os 3 puntos. Seguimos progresando na formación do equipo. Alevín A 0 - ED Xuv. Oroso A 3 Partido moi duro e moi difícil ao que non lle perdemos a cara en ningún momento. O primeiro e máis importante é parabenizar a todo-los rapaces que participaron. Aos rapaces do Xuventude Oroso parabenizalos polo esforzo, polo xogo e pola vitoria. A os nenos do Bertamiráns parabenizalos polo esforzo e o xogo. Na primeira parte o Oroso chegou á nosa área con certa facilidade pero os nosos rapaces estiveron moi ben na defensa da área. Nós tivemos algunha ocasión, menos ca eles. Na segunda parte mudamos a nosa formación e tamén a nosa presión e axudounos o troco, roubamos máis veces e roubos de maior calidade que nos deron certas ocasións de gol. Tamén conseguimos facer que o rival dispuxera de non moitas ocasións de gol, a mágoa foi que foron efectivos.Para a semana máis. SD Cruces 2 - Alevín B 10 Un campo tan grande coma o de Cruces íanos permitir desplegar un gran xogo combinativo á hora de iniciar e atacar moi ben os espazos xerados ás costas do equipo rival, que non era quen de frear os constantes ataques dos nosos pequenos. Somos o único equipo en sumar 3 victorias, o cal di moito do bo arranque dos nosos pequenos esta tempada. Alevin C 14 - Milladoiro SD C 0 Partido do noso Alevin C diante do Milladoiro C, o pecha cancelas, sen moita historia dende o inicio fomos donos do partido como así o reflicte o resultado final; agora a pensar no vindeiro rival. SD Cacheiras C 0 - Alevín D 9 Partido sinxelo pero moi trabado. O pouco xogo combinativo que fomos quen de crear, pese ao vento e á choiva, foi freado polas constantes faltas do equipo rival. Bo partido dos nosos que nos serve para seguir nos postos altos da táboa. Alevín E 2 - Dubra SD B 4 Comezaba o partido con moita igualdade pero o bo traballo dos nosos fixo que case toda-las ocasións foran nosas, a falta de acerto pola nosa parte supuxo que marchásemos ós vestiarios con tan só un 2-0 no marcador. Sen embargo na segunda parte baixamos a intensidade e un temprano gol do rival fixo que o equipo viñérase abaixo e da aí a encaixar outros dous goles moi seguidos. Co 2-3 no marcador volveríamos a ter moitas ocasións pero non fomos quen de convertelas e ao ter ao equipo moi arriba fixo que nunha contra caera o 2-4. Toca seguir traballando e pouco a pouco vaise vendo a mellora no campo. Victoria CF 1 - Infantil A 1 Dominio do Victoria e dano as contras por parte dos nosos. Empezou o encontro co dominio do Victoria, movendo a bola constantemente de lado a lado, buscando as superioridades e os espazos libres de xogo, pero nunha perda de balón no medio campo, contra rápida por parte dos nosos que finalizada en gol por parte de Álex. Despois desto veñen uns minutos no que o partido é mais igualado en posesión de balón, pero nun córner lanzado polo Victoria acaba entrando directamente polo segundo pau. Logo disto o equipo contrario volta a facerse co dominio claramente do xogo, dominándonos e tendo varias ocasións claras, puidendo sentencia-lo encontro. Con estas sensacións fómonos o descanso. A segunda parte o noso equipo colócase mellor no terreo de xogo, deixa o dominio da pelota ao contrario pero sen deixar que teñan ocasións tan claras como na primeira parte. Así pódese decir que neste periodo o Berta tivo as mellores ocasións, quedando varias veces os nosos dianteiros diante do porteiro, pero sen materializar ningunha. En definitiva partido que deixa claro que estes dous equipos serán claros candidatos ao ascenso. Infantil B 5 - ED Xuv. Oroso B 2 O equipo afrontaba o encontro con 5 baixas por lesións e gripa, polo que tivo que convocar ao alevín Marcos Miguez e ao central do Infantil C Iker. Ambos xogadores cumpriron con creces nun bo partido diante dun rival que sempre compite, de feito o equipo encaixa o 0-1 e ten que remonta-lo marcador adverso. O empate chegaría tras un centro perfecto de Pla e un exprctacular remate de cabeza de Elihan Torres. A partires de ahí o equipo fíxose dono do encontro, cun Rodri que manexaba o centro do campo sen oposición. Froito dese dominio foron caendo os goles na portería rival. O equipo segue liderando a táboa con 7 victorias en 7 partidos. Infantil C 3 - CF Noia B 1 Comenzaba ben o noso infantil diante do Noia, adiantándose no marcador e poñendo distanza no mesmo nos primeiros minutos. Tiñamo-lo control do partido con múltiples chegadas e sin pasar apenas apuros atrás. Pero nun erro ao ser incapaces de despexar un balón directo o noia marca e acorta distanzas. Reaccionamos ben e volvemos a marcar. Na segunda parte o obxetivo principal era non encaixar. Non foi un bo partido dos nosos pois cometemos demasiados erros con balón pero seguiremos traballando para ir mellorando. Conxo Santiago C 6 - Infantil D 4 Choiva de goles no campo da Merced. Primeira parte boa na que o único erro que cometemos aproveitao rival para meter un golazo dende fóra da área, a pesares diso remontámo-lo partido e ímonos ao descanso 1-2. Un exceso de confianza e falta de concentración propicia 4 goles seguidos do rival en 10 minutos, deixando o sexto e último gol local para o minuto 58. Quedaron 20 minutos de absoluto dominio visitante onde fomos quen de volver meter 2, pero a distanza era moi abultada e fixo imposible a remontada. Galicia Caranza CF 0 - Cadete A 2 Partido serio do noso equipo, onde presentou a candidatura para loitar polo ascenso. Partido que empeza dunha maneira moi igualada en canto a posesión do balón, onde predomina o xogo do medio campo, e moi poucas ocasións de gol. Eso si, o noso equipo puido ter varias claras se acertásemos no último pase. Na segunda parte o equipo sae moito máis enchufado, da un paso ao fronte, e nos primeiros minutos consegue facer dous goles, dúas recuperacións de balón na zona media do campo, contra rápida e a pelota acaba no fondo da rede. Minuto 3 Diego e minuto 6 Rodri. Desde ese momento o Berta non pasa apuros, consegue domina-lo partido, crea ocasións pero non consegue materializar ningunha máis. Resultado final 0-2 e resalta-la importancia que aportaron os trocos. Todo o equipo aporta. SD Cacheiras 0 - Cadete B 3 Mañán pasada por auga no campo de A Cañoteira. O equipo saía ao campo sabendo que hoxe non era un día para poder practica-lo seu fútbol, xa que o campo estaba moi encharcado por toda a choiva e vento destes días. A primeira metade finalizaba con 0-0, vendonos moi incómodos sobre o terreo de xogo por non poder xogar ao futbol que vimos practicando. Nótase cara o final da primeira metade que o estado do campo mellorou e a choiva nos daba un respiro. No vestiario falamos que deberiamos comezar a xogar ao noso fútbol e polo tanto sabiamos que as ocasións comezarían a chegar, así foi, a segunda metade foi moi boa por parte dos nosos e marcamos 3 goles que fan que alcancemos o segundo posto na táboa a 2 puntos do liderato. Para a semana recibimos na nosa casa ao Melide, outro partido importantísimo ao que saíremos para tratar de acada-los 3 puntos de novo!!! Viveiro CF 3 - Xuvenil A 3 Viaxabamos á Mariña Lucense, encontro no que a viaxe longa e o ter que xantar no bus, faría que saísemos demasiado espesos. Froito do noso mal facer, o equipo local adiantaríase no marcador e, ampliaría distanzas, reflectindo un 3-0 no marcador. A partires de ahí, os nosos rapaces parecen reaccionar, antes do descanso, encontrámonos cun penalti e a expulsión do porteiro local, recurtaríamos distanzas e iríamonos para o vestiario. Tralo paso por vestiarios, o equipo mudaría radicalmente, metendo todo o ritmo que nos faltara na primeira metade, o que nos faría someter ao rival. Tra-la mala nova dun xogador noso, o cal se lesiona o pouco de comezar este segundo tempo, e por riba sen a posibilidade de facer trocos, remaríamos contra o resultado e o muro defensivo dos locais. O empate tardaría en chegar, ata o minuto 94, pero faría xustiza ao visto no campo, onde unha segunda metade moi boa faría que puidesemos traer un punto de Viveiro, de onde tamén traeriamos malas novas, para algún xogador noso, o cal resultaría gravemente perxudicado. Moral do partido: De todo se aprende. Xuvenil B 3 - Porto do Son CF 1 Gran partido o disputado na tarde do Sábado por parte dos nosos rapaces, onde amosaron unha actitude e intensidade a corde ó que demanda a categoría na que xogan; se manteñen esta maneira de afronta-los encontros conseguirán puntos suficientes para mante-la categoría. O partido comezou sen un dominador claro, xa que os nosos renuncian a iniciar en curto e apostan polo balón longo para gañar segundos balóns que propician xogadas en ataque bastante claras. Froito desto o equipo consegue colocarse cun 2-0, pero en defensa comete un erro que propicia un penalti que o rival non desaproveita, e ademáis xusto antes do pitido final prodúcese unha expulsión rigorosa para os nosos. Con 10 homes afrontamos unha segunda parte onde o equipo decide esperar e apostar polo xogo directo para tratar de gañar segundos balóns que lle dean ocasións, e o plantexamento funcionou porque o rival a penas tivo achegas á área e conseguimos un terceiro gol obra de Dylan, que todo hai que dicilo foi un golazo con toda a intención. Gran victoria e gran traballo de todo o equipo. Sénior 3 - CD Galicia Bealo 0 Bo partido do noso Sénior, supuxo tres puntos moi necesarios para non afastarnos moito dos mellores na táboa clasificatoria. Seguramente non xogamos como nos gustaría pero a presión do equipo rival era tan numerosa que decidimos que a mellor idea sería usar recursos distintos aos habituais. Cabe destaca-la ilusión e a capacidade para competir mostrada por parte dos nosos. Plantilla do Biberón A cos novos adestradores Dylan e Andrés.

881087583

627145820 Fútbol 11

676014018 Fútbol 8

bertamiransfc@gmail.com

As Nosas Redes Sociais

Concello
Deputación
Futgal