Novas

Xornada 27/02/2022

Xornada de Entroido con poucos partidos. Poucos partidos nesta xornada, xa que únicamente estaban programados nas ligas galegas e en categorías superiores. Ademáis xogouse algún máis adiado no seu momento pola Covid19.Destacamo-la victoria do noso PB B, a segunda que consegue nesta liga. E tamén salienta-la actuación do Biberón B que conseguiu gañar unha parte no seu partido de liga. Os máis peques xa demostran a súa valía. Villestro SD 2 - Biberón B 1 Partido moi igualado e onde pouco a pouco vaise vendo a mellora dos nosos pequenos futbolistas. Tivemos ocasións para marcharnos con algún punto pero a sorte non estivo con nós. Comezamos gañando o partido, con gol de Brais, pero o Villestro finalmente foi quen de darlle a volta ó encontro. PB A 5 - Amio SD 1 Xornada con so dous partidos de fútbol oito no municipal, onde os nosos prebenxamíns sairían a disfrutar, poderíamos ver novos conceptos adquiridos polos rapaces, pero deben seguir mellorando, teñen todo por aprender. PB B 7 - SD Compostela B 0 Victoria merecida dos nosos pb´s, ademáis no partido comezamos a ver moitas das cousas que se traballan nos adestramentos. Temos que seguir a traballar para mellorar cada semana. Destacámo-los goles de dous biberós que nos viñeros a botar unha mán na convocatoria. Victoria CF 2 - Infantil A 0 Sabíamos de antemán, que o campo no que xogabamos, cunhas medidas de fútbol profesional íbanos a condicionar, tamén sabíamos do bo facer deste Victoria, xa que foi o mellor equipo que pasou polo municipal. Ímonos ca sensación de tirar unha parte, xa que logo de ir perdendo sairíamos ó segundo tempo con outra faciana, e por ocasións non foi, pero desta vez non quixo entrar e así o Victoria marcaría o segundo no tempo de desconto. Descansamos estos tres días, que ben merecido o teñen os rapaces, polo bo traballo que están a facer e voltaremos coas pilas cargadas. SD Xuventú Aguiño 2 - Infantil B 5 Partido onde os nosos sufriron máis do que di o marcador. O Aguiño empezou moi ben, dominando e acorralándonos no noso campo, pero nunha contra xunto co fallo defensivo do contrario, levou a poñernos por diante, sendo logo todo un pouco máis sinxelo. Logo o bo traballo defensivo xunto ca efectividade dos nosos ante a portería contraria levou a ese resultado. Goles de Martín 2, Pablo, Carlos e Lucas. Galicia Caranza 0 - Cadete A 0 Partido con pouco ritmo no que as ocasións tivéronas os nosos, onde erramos un penalti para máis inri. As ocasións pasaban sen aprobeitalas, así como os minutos, ata chegar ó final do encontro co 0-0. Mágoa, pois o partido estaba para gañar. A seguir traballando. Cadete D 2 - SD O Pino 0 A mañá deste domingo visitaba o municipal a SD O Pino para medirse co noso cadete D. Partido que sabíamos que ía ser moi complicado e moi competido, como así foi. Un gran esforzo defensivo dos nosos rapaces que fixeron que o equipo visitante tivese moi poucas ocasións de gol durante o partido, xunto co acerto de cara a gol fixo que ganáramos o encontro 2-0, os dous goles na primeira metade. Lamentablemente, o gran partido disputado por ambos equipos, foi empañado por unha vergonzosa actitude dalgúns afeccionados visitantes, que non representan para nada á SD O Pino, gran actitude nuns momentos tensos tanto dos seus xogadores como do seu corpo técnico. At. Coruña Montañeros CF 3 - Xuvenil A 2 Unha mágoa, tras remontar un 2-0 en contra, nos intres finais o rival volvíase adiantar a saída dun saque dende o curruncho. Destaca-la actitude dos nosos que non lle perderon a faciana ao partido a pesar da vantaxe dos rivais. A seguir mellorando e os resultados chegarán. Gran gol do noso PB B.

Xornada 20/02/2022

Xornada de luto no fútbol galego debido á desgraza ocorrida en Terra Nova. Esta xornada estivo marcada polo minuto de silencio gardado en tódo-los encontros do fútbol galego en homenaxe os falecidos no naufraxio acontecido en Terra Nova.Ademáis dende aquí mandamos unha aperta moi forte ó noso adestrador José Vila polo falecemento da súa nai.No estrictamente deportivo destacamo-las victorias do Sénior e máis do Xuvenil A, ambas moi necesarias para mudar dinámicas e consegui-los obxetivos marcados. Victoria FC 0 - PB A 8 Encontro marcado polas dimensións do terreo de xogo, onde a pouca distancia que existía entre os rapaces e a portería, propiciou moitos paróns no xogo, moitos golpeos e poucas accións colectivas, case todo individual. Debemos recupera-las boas sensacións a nivel colectivo, estos rapaces son capaces de demostrar moito máis do que están a amosar. SD Milladoiro 8 - PB B 1 Partido moi complicado diante dun equipo de segundo ano que impuxo a diferencia física. Loitamos ata o final nun encontro no que tivemos moitas baixas e tivemos que botar mán de cinco biberóns para completa-la convocatoria. Temos que seguir traballando e as familias deben de amosar máis compromiso de cara os partidos. Exclavitude 4 - PB C 2 Partido emocionante entre os dous primeiros da clasificación que non defraudou aínda aque caeu a victoria no lado do rival. Un resultado máis xusto visto o que aconteceu no campo sería un empante. Seguimos medrando, e co traballo semanal mudaremos esta dinámica. Benxamín A 0 - Xuv.Oroso 2 Dous tempraneiros goles ían facer que o Benxamín súmase a segunda derrota da tempada diante dun rival que gozou de poucas ocasións pero que soubo defender ben a súa vantaxe ante as ocasións erradas polos nosos. EFM Boiro 0 - Benxamín B 0 Duro partido onde non soupemos materializa-las nosas ocasións. O rival amosou unha gran defensa e resistiu en defensa sen moitas complicacións. Benxamín C 4 - EF Estrada C 2 Partido moi competido diante dun dos rivais máis duros da categoría. O acerto ofensico e o traballo do equipo en defensa, fixo posible que marchasemos ós vestiarios cun parcial a favor de 3-0. Na segunda metade soupemos xogar co marcador e o rival non foi quen de remonta-lo partido. Victoria CF D 0 - Benxamín D 5 Victoria moi clara, primeira parte igualada na que conseguimos adiantarnos. Na segunda fomos moi superiores e marcariamos catro goles máis. Segunda victoria para o equipo na liga. (FUTSAL) Benxamín 9 - Noia FS 0 (FUTSAL) Benxamín 10 - SD Cacheiras 1 Dúas victorias na mañán de Domingo ante dous rivais que non foron quen de por en apuros ós nosos xogadores. Dolmen de Tordoia 3 - Alevín B 4 Partido mediocre por non dicir malo do noso equipo. As cousas non nos saíron do xeito que nos gustaría pero o noso esforzo foi enorme e iso foi decisivo para poder gañar. Xa foi difícil xogar contra o Tordoia no partido de ida e desta as cousas non foron mellor. Toca seguir esforzándose para mellorar SD A Baña 1 - Alevín C 5 Mal partido que soupemos resolver na segunda metade con bastante sufrimento. Queda moito traballo por diante. Victoria CF C 0 - Alevín D 9 Partido moi desnivelado, onde o Alevín impuxose con moita claridade, tardou en cae-lo primeiro gol, pero unha vez que se marcou o primeiro acabause o partido. Victoria adicada para o seu adestrador. SD Touro 2 - Alevin E 3 Victoria merecida do noso Alevín E que está a mellorar a pasos axigantados. Un rival que nos goleou na ida, e na volta soupemos amosa-las nosas fortalezas. Bonita segunda volta nos espera! (FUTSAL) Alevín B 1 - Alevín A 6 Fixemos un gran esforzo pero sacar un resultado positivo, no relacionado aos puntos... era case tarefa imposible. Os rapaces do Alevín A están nun nivel moi alto e nós, imos en camiño, pero non estamos no mesmo punto. Igualmente, o partido debe servir para aprender. Infantil A 2 - Xuv. Oroso 2 Debemos reflexionar, pensar en que podemos facer ben e que estamos a facer mal, neste encontro foron demasiadas cousas. Quedámonos conque queda tempo pra facelo ben, ir a mellor e reaccionar. Estos rapaces teñen a capacidade suficiente para volver a amosarnos a súa mellor versión, xa que por momentos son capaces, agora esos momentos debemos levalos ao completo. Infantil B 10 - CD Rois 0 Partido cómodo dos nosos no que golearon e puideron acadar máis goles. Se siguen nesta liña competitiva teñen moitas opcións de quedar primeiros na táboa clasificatoria. CF Vista Alegre 1 - Infantil C 20 Partido complicado para ambos conxuntos, xa que os primeiros non foron quen de xuntar once xogadores e os segundos non puideron competir. O equipo estivo ben e xogou baixo as premisas que lle indicaron os adestradores, ademáis de probar a distintos xogadores en diferentes roles. No debe queda que houbo momentos de relaxación e por iso encaixamos un gol. Infantil D 1 - SD Cacheiras B 12 Bo partido dos nosos rapaces diante dun rival superior que sentenciou o partido na primeira metade. O equipo soubo amosar unha faciana mellor que no partido de ida, aínda que o resultado foi moi abultado pola falta de confianza e o peso dos goles encaixados. Porto do Son CF 2 - Cadete B 2 Partido moi igualado entre dous dos aspirantes a entrar no playoff. Os primeiros minutos foron de tanteo, cun xogo embarullado sen un dominador claro. Adiantouse o equipo local despois dunha gran xogada do seu capitán que se zafou da marca e encarou ao porteiro sen que ninguen chegase a collelo. Antes do descanso o noso Cadete empataba aproveitando unha mala cesión da defensa local ao porteiro.Na segunda parte o dominio do partido foi noso. Aos 3 minutos xa marcamos o segundo gol cunha gran xogada combinada e seguíamos xerando perigo. Pero o empate chegaba cun maxistral gol do capitán local, que marcaba nun libre directo dende 30 metros, que case repite minutos despois de non ser pola gran parada de Raúl. O noso Cadete B xerou ocasions e neutralizou toda esperanza de contra do equipo local, que tan so buscaba conectar co seu capitán e defender como podían. Finalmente, repartimos puntos cun sabor de boca de poder levarnos algo máis. La Salle 0 - Cadete C 6 Partido completamente dominado polos nosos que neutralizaron a un rival inferior que non foi quen de tirar a porta en todo o partido. Os nosos pecaron arriba de individualismo xa que moitas veces non foron quen de combinar entre eles nos últimos metros. Xuvenil A 1 - EFM Boiro 0 Boa victoria dos nosos, que sairon repregados, sabedores da calidade do rival, e tratando de collelos nalgunha contra. Asi foi como chegou o 1-0. A partir de ahí, tivemos a posibilidade de sumar algún que outro gol, pero finalmente o resultado non mudou. Xuvenil B 4 - AT. Oleiros 0 Partido xogado no municipal de Bertamiráns onde o noso xuvenil xogaba contra o Oleiros pero dende o inicio demostraba que quería gaña-lo partido e asi quedou reflectido no marcador acabando a primeira parte con 3-0. A segunda parte o obxetivo era mante-la diferenza e non pasar apuros. Ao final 4-0. Sénior 3 - CD Rois 1 A diferenza dos últimos encontros, o Bertamirans costoulle entrar no partido, non saía nada, espesos co balón e moi brandos sen él, tampouco o Rois conseguía chegar con perigo mais alá dalgún balón parado. Os últimos minutos antes do descanso o Bertamiráns comeza a xogar con máis confianza e o rival pechase no seu campo, chegan as primeiras ocasións e o 1-0 xusto antes do descanso. O Berta sae enchufado na segunda metade e nos primeiros 10 minutos, converte cada ataque en oportunidade de gol, así chega o segundo e o terceiro pouco despois, de penalti claro. Cando a bola entra, todo é máis sinxelo. Cos deberes feitos, o Bertamiráns intenta durmi-lo partido con posesións máis longas e sen arriscar demasiado nos ataques. O Rois non baixa os brazos, presiona e consegue poñe-lo 3-1 pero demasiado preto do final. O Sénior volve gañar na casa e segue con opcións. Toca pensar xa no Bastavales que tamén chega con posibilidades de playoff de ascenso e na casa non o van poñer sinxelo. Gol de Diego Suárez para o Cadete B.

Xornada 13/02/2022

Gran victoria do noso Infantil C na Estrada Nesta xornada destacámo-las victorias a domicilio do Infantil A e máis do Infantil C, nas que amosaron que poden acadar unha praza nos vindeiros playoff de ascenso. Pola contra o Cadete A deixou pasar unha grandísima oportunidade na súa visita ó San Tirso xa que perdeu nos derradeiros intres do encontro.Por outra banda o fútbol non foi xusto co noso Sénior que mereceu máis ca un punto no seu partido fronte ó ADN. Praiña SC 0- Biberón A 4 Partido claramente dominado polos nosos pequenos xogadores onde demostraron as melloras dos derradeiros partidos xunto cunha grande efetividade cara a porta, ademáis conseguiron neutralizar as xogadas do rival. Biberon B 0 - SR Calo 4 Partido dominado polo contrario, pero onde pouco a pouco imos vendo a melloría dos nosos. Neste encontro xa tivemos máis ocasións e foi máis disputado, incluso marcamo-lo ansiado gol que tanto se nos resisteu. A seguir disfrutando e mellorando nos adestramentos. PB A 4 - At. Fátima 0 Bonita mañá de fútbol base no municipal, con partidos de F8 a todas horas.Os nosos nenos puxeron todo o seu esforzo no campo e demostraron esas gañas que teñen por este deporte. Noraboa pola actitude e esforzo. PB C 7 - Cordeiro CF B 0 Partido disputado con moita auga no municipal de Bertamiráns que non impideu que os nosos pequenos disfrutaran co balón. Continuamos aprendendo paseniño e disfrutando cos mais pequenos deste espectacular deporte. Cidade de Ribeira 3 - Benxamín A 1 Un fortísimo Ribeira que impuxo un ritmo moi alto que os nosos pequenos non foron quen de igualar, sufrimos a primeira derrota da tempada. Non queda outra que traballar máis forte para repornos desta anomalía. Benxamín B 4 - ADN 1 Partido sufrido onde o rival consegue pornos contra as cordas, xa que chegamos ó descanso co resultado de 0-1. A segunda parte so tivo unha cor, xa que o dominio por parte dos nosos foi absoluto, ademáis o rival non foi quen de xerar ocasións. Destaca-lo traballo de Lucas na primeira metade que foi quen de facer varias paradas chave que non permitiron ó rival distanciarse no marcador. Benxamín D 3- A.D Manuel Peleteiro B 3 Partido moi disputado entre dous equipos da mesma zona da clasificación. Adiantaríase no marcador o equipo visitante cun gol en propia meta, empataríamos de seguido e na última xogada da primeira parte voltaría marca-lo equipo vistante de novo dun saque a balón parado- A segunda parte comezaría con dous goles do Bertamiráns para darlle a volta ó marcador e nos minutos finales marcaría o Peleteiro o 3-3 definitivo, resultado xusto nun gran partido de ambolos dous conxuntos. Alevín A 15 - Victoria FC 1 Partido plácido para os nosos alevíns, que acadaron unha amplia vantaxe sobre o rival dende os primeiros minutos. Comeza a segunda volta, onde esperemos acadar resultados semellantes aos que conseguimos na primeira. Alevín B 7 - CD Rois 0 Mal partido do noso Alevín B. O equipo gañou e iso, habitualmente, acostuma a facer que non miremos máis alá do resultado. Os nosos rapaces, no seu conxunto, teñen un nivel maior aos compañeiros de Rois e por iso acadaron os tres puntos. Así mesmo, se realmente queremos progresar debemos ser moitísimo máis precisos, decidir rápido e executar á mesma velocidade. Obviamente aínda estamos pouco máis que no comezo da nosa formación e queda moito por diante pero debemos ser máis valentes e non ter medo a cometer erros. Os erros son intrínsecos a calquera persoa, adestrador, xogador, xogadora... e son tamén grandes amigos se realmente queremos progresar, deles podemos aprender moito. Lembrar, por último, que só podemos aprender dos nosos feitos cando realmente prestamos atención ao qué facemos. Queda pois, manter unha actitude positiva e continuar traballando e tratando de disfrutar do proceso. Alevín C 6 - At. Fátima C 1 Partido dos nosos Alevins moi serio, dende o inicio do partido cunha gran intensidade dos nenos tanto en defensa, concedendo moi poucas ocasións de gol, e moi acertados cara a porta. En resumo, un moi bo partido en tódo-los sentidos. Agora a seguir traballando para tratar de gaña-lo próximo partido. Alevín D 0 - Conxo Santiago 0 Diante do mellor rival da liga atopamos o noso mellor xogo. Dominamos na primeira metade sen concederlle ningunha ocasion ó Conxo, a presión executada non permitiu saír ó rival do seu campo. A segunda metedade foi máis parella con ocasións para ambolos dous onde comezou a asoma-lo cansanzo e polo tanto as imprecisións. Unha mágoa non conseguir perfora-la rede, un resultado excaso para as ocasións das que dispuxemos. So queda seguir aprendendo e mellorando. Noraboa os nenos polo traballo amosado no encontro. Alevín E 2 - E. Estrada FB C 0 Partido moi serio dos nosos pequenos que lle pasaron por riba a un equipo que non amosou oposición algunha. Os paos e a mala fortuna evitaron unha goleada local. (FUTSAL) SD Villestro 5 - Alevin A 6 Gran partido o disputado por ambolos dous conxuntos, con alternancias no marcador ata que os nosos conseguiron un 3-6, pero o rival reaccionou nos minutos finais do partido e apretou ata acada-lo definitivo 5-6. (FUTSAL) SD Villestro 4 - Alevín B 4 Partido igualado, onde os alevíns de primeiro ano xogaron un gran partido diante dun rival moi duro. O partido puido caer de calquera lado pero o final o empate foi xusto para os méritos amosados por uns e outros. CD Calasanz 1 - Infantil A 5 Primeira saída A Coruña da tempada, o encontro decidiríase na segunda metade, onde o saír do descanso, o Calasanz tería unha ocasión inmellorable para empatar, pero o balón non acabaría na nosa rede. Despois dese susto, os nosos rapaces amosarianse máis serios e incrementarían o ritmo durante 10 minutos para sentenciar e pecha-lo encontro. Destaca-lo tempo, xa que os fortes chubascos e o vento, que se presentarían por ocasións, dificultarían a práctica deportiva. E. Estrada FB C 1 - Infantil C 4 Gran partido o disputado polos nosos xogadores na Estrada diante dun rival directo para as nosas aspiracións clasificatorias. Os rapaces disputaron un gran encontro, onde ademáis de xogo, amosaron unha gran intensidade nas disputas, cualidade que se lles demandaba durante toda a tempada. Ademáis non concederon agasallos na súa área como viña sendo habitual, o cal demostra que avanzamos na concentración. No que respecta ó partido, o Bertamiráns xogou unha primeira parte fantástica e froito do control de xogo amosado, foise os vestiarios cun parcial de 0-2 a favor. Na segunda metade o rival apretou nos primeiros intres, e o equipo sufreu pero soubo repoñerse para voltar a impoñerse futbolísticamente e acadar unha gran victoria por 1-4. Debemos de parabenizar ós rapaces polo gran encontro que fixeron. Toca seguir traballando e non abandonar esta liña amosada na Estrada. SD Tordoia 3 - Infantil D 0 Mal partido o xogado polos nosos no campo do Tordoia. Dende o primeiro minuto fomos sempre inferiores tanto en xogo como en ocasións. Non fomos quen de amosa-lo bo fútbol desplegado nos anteriores partidos. Non xeramos ocasións para poder nin sequera achegarnos no marcador. San Tirso 4 - Cadete A 3 Unha mágoa o vivido onte na Coruña, onde os nosos chegaron a poñerse 0-3 e acariciar 3 puntos de ouro. Tra-lo 1-3 antes do descanso, o equipo sería quen de mante-la vantaxe ata os últimos 10 minutos, onde viron como o rival remontaba o partido. Toca seguir e non desanimarse. Cadete B 2 - EFM Boiro B 4 Moitas baixas e moitas lagoas tamén no partido desta fin de semana. Despois das boas sensacións da pasada semana, levamos unha cura de humildade. As circunstancias levaron a facer bastantes trocos no once inicial pero non podemos poñer nada como excusa. Non estivemos ao noso nivel en ningún momento e ten que servir como toque de atención para non despistarnos máis e asegura-la segunda posición. SD Cruces 3 - Cadete D 0 Moi mal partido do noso cadete D, tanto en actitude como en xogo. Atrevémonos a dicir que foi o peor partido da tempada con diferenza. Atopámonos contra un SD Cruces con moitas gañas de competir e de gaña-lo partido. Isto xuntándose coas poucas gañas amosadas polos nosos no terreo de xogo fixo que perdéramo-lo encontro por 3-0. Esperemos non volver a repetir un partido coma este no que queda de tempada. CF Noia B 1 - Xuvenil B 2 Partido moi serio o que dispotou o noso Xuvenil en Noia. Nunha primeira parte onde non houbo moitas ocasións fomos quen de adiantarnos cun gol de penalti. A segunda parte cambia a tónica do partido xa que eles arriscaron máis e aparecían os espazos e as ocasións para o noso Xuvenil, pero non eramos quen de marca-lo gol da tranquilidade. Este chegou nos minutos finais, aínda que no desconto despois dun erro nun saque dende o currunch o Noia acorta distanzas, pero non houbo tempo para máis. ADN 1 - Sénior 1 Partido onde o Bertamiráns domina a posesión, co rival pechado en campo propio tratando de saír á contra. No primeiro tempo, o Bertamiráns crea numerosas ocasións e o suficientemente claras para adiantarse pero o porteiro do ADN fai un bo traballo para mante-la portería a 0. Antes do descanso chega a primeira oportunidade para o ADN á contra, desbaratada polo noso porteiro. O partido vaise empatado ós vestiarios. Na segunda metade o ADN sae máis pechado se cabe, e o Bertamiráns continúa o asedio, coma na primeira metade, o porteiro do ADN acerta a desviar cada tiro que vai entre os tres paus. Unha vez máis, no fútbol, quen perdoa paga e no 84 ó contragolpe o ADN consegue sacar un córner e converteo en gol. 1-0 Quedaba pouco e o rival xa non podía pecharse máis atrás, Bertamiráns sigueuno intentando e chegou o gol támen de saque dende o curruncho no desconto. Un Punto que non serve para achegarse ó obxectivo. Xa non dependemos de nós pero seguiremos pelexando. Quedan 3 xornadas e pode pasar de todo en cada unha, non podemos baixa-los brazos agora todo o contrario hai que apretar máis ca nunca. Gran gol de Efren para o noso Biberón A.

Xornada 06/02/2022

Grandes resultados nesta xornada para os equipos da nosa base Nesta xornada destacamo-la primeira victoria do noso PB B, que xa lle tocaba polo bo traballo amosado nos anteriores encontros. Ademáis o noso Cadete A goleou ó Racing de Ferrol no municipal de Bertamiráns. Pola contra o noso Sénior sufriu a segunda derrota na casa. Biberón A 4 - SD Cacheiras B 0 Partido moi ben xogado polos nosos biberóns no que demostraron os avances na maneira de xogar, esto trouxo consigo unha victoria clara que lles serve para continuar co seu proceso de aprendizaxe e a ilusión por xogar a este deporte. Biberon B 0 - SD Villestro 4 Partido dominado de cabo a rabo polo noso rival, o cal foi moi superior, poucas ocasións as que tivemos e non fomos quen de aproveitar algunha. Toca seguir traballando para mellorar no noso xogo. PB A 3 - SD Villestro 2 Bonita tarde de fútbol base, onde veríamos o mellor partido da tempada. Pese o frío, os nosos nenos daríanno todo no campo e demostrarían esas gañas que teñen xogar a este deporte. Noraboa pola actitude e o esforzo amosados. SD Villestro 2 - PB B 5 Bo partido dos nosos pequenos que conseguiron por fin esa ansiada victoria que tanto se lles resistía. O partido tivo moitas ocasións para os nosos, que puideron acadar máis goles. Merecida victoria que pon de manifesto o gran traballo que fan durante a semana. Benxamín A 5 - Victoria FC 3 Resultado moi xusto para o esforzo que fixeron os nosos nenos, onde foron claramente superiores ao rival, que lles complicou o partido en tres contragolpes ben executados. Pechámo-la primeira volta invictos e no alto da táboa clasificatoria. Benxamín B 6 - Ullapontecesures 1 Partido cómodo a pesares das seis baixas onde destacamo-lo bo traballo defensivo de Brais, Dani e Fabián e a gran pegada do prebenxamín Enzo. Benxamín C 3 - SD Tordoia 3 O rival practicou un xogo moi defensivo e foi quen de conseguir un empate no municipal de Bertamiráns. Os erros defensivos penalizáronnos o que implicou que so acadasemos un punto. Benxamín D 0 - Praíña SC 7 Primeira parte bastante competida diante dun rival superior, que sería eficaz e poñeríase 0-2. A segunda parte comezaría con dous novos goles do equipo visitante e a partires de ahi xa non houbo que facerlle. Notouse a diferenza dun equipo que está a pelexar na zona noble da tráboa e outro que loita por non ser pechacancelas. Alevín B 10 - Praíña SC 2 Partido moi moi serio do noso Alevín B. Os rapaces saíron moi concentrados e motivados; ao pouco tempo foron quen de poñe-lo primeiro gol no marcador e, polo tanto, reflecti-la superioridade mostrada no terreo de xogo ata o momento. Na seguinte xogada encaixamo-lo primeiro gol pero iso non foi impedimento de ningún tipo para seguir absolutamente enchufados e metidos no partido. O partido ao descanso xa estaba sentenciado e, incluso a partires dese intre, non deixamos de ser e estar intensos. Alevín C 12 - AD Nicrariense 1 Victoria traballada sen dar opcións a un débil rival que non foi quen de mostrar oposición. Alevín D 5 - SD Compostela B 3 Partido moi disputado cunha primeira parte na que fomos quen de saíres cunha vantaxe de 3-0. Na segunda parte saímos un pouco relaxados co cal, o rival foi quen de acortar distanzas con dous goles, pero soupemos repoñernos e o final facernos cunha victoria. Agora a pensar no seguinte rival. Alevin E 13 - EFB Lalin C 0 Victoria cómoda dos nosos alevíns, que pechan a primeira volta no quinto posto. (FUTSAL) SD Villestro 5 - Alevin A 6 Partido moi entretido o disputado por ambos equipos, con alternancias no marcador ata que os nosos acadaron unha vantaxe de 3-6, pero o rival reaccionou nos derradeiros minutos e conseguiu apreta-lo marcador ata un definitivo 5-6. (FUTSAL) Stellae FS B 4 - Alevín B 3 Mal partido, nesta ocasión do noso equipo. Os rapaces intentárono, de feito, chegamos a ir 0-2 no marcador, pero non era o noso día. Os nosos colegas do Stellae estiveron moito máis intensos e serios todo o partido, como consecuencia disto, a derrota. Destacar e felicitar, de xeito particular, a Mateo RG, o capitán do equipo rival e membro do noso Alevín b de fútbol 8; fixo un excelente partido. Infantil A 3 - Dumbría CF 1 Nova xornada onde nos visitaba un equipo que desplega un moi bo xogo. Dúas partes diferenciadas onde o Dumbría foi mellor na primeira e os nosos na segunda. Novamente vamos xustos de efectivos, sumadas as lesións aparecen os casos COVID, pero os nosos rapaces saben sobrepoñerse a todo. Infantil B 2 - Milladoiro SD 2 Partido igualado e bastante tenso, onde os nosos estiveron un pouco espesos. Durante a primeira parte ambos equipos tiveron oportunidades para marcar, pero quen as aproveitou foi o Bertamiráns, no minuto 23 Lucas e no 40 Álex. A segunda parte estivo bastante controlada polos nosos, ata que no tramo final o equipo do Milladoiro aproveitou duas das ocasións que tivo e conseguiu un merecido empate. Infantil C 0 - At. Fátima 3 Gran partido o desputado por ambos conxuntos no municipal de Bertamiráns. O Infantil C soubo plantarlle a faciana diante dun líder que se pasea pola liga metendo goleadas espectaculares ós seus rivais pero que neste caso non foi quen de acadala grazas o gran traballo defensivo dos nosos. Ó final dous erros na nosa área marcaron o partido e facilitáronlle as cousas ó rival. O equipo se quere meterse na seguinte fase debe de amosar esta intensidade en tódo-los partidos que quedan da liga. Infantil D 2 - Xallas FC B 3 Desaproveitamo-la primeira parte por falta de intensidade, o rival estivo mellor prantado no campo e grazas a isto acadou vantaxe no marcador. Na metade do segundo tempo o Bertamiráns recurtou distanzas co primeiro gol e subindo o ritmo de xogo pero xa foi tarde para acada-la remontada. Cadete A 6 - Racing de Ferrol 0 Bo partido dos nosos, que impuxeron un ritmo alto ao partido, facendo que os rivais non estivesen cómodos en ningún intre do partido. Na primeira parte, aproveitamos dous roubos en campo rival para face-lo 1-0 e o 2-0. Na segunda parte dispuxemos de moitas ocasións, ata acada-lo 6-0 final. CF Noia 2 - Cadete B 1 Afrontabamos con moitas gañas este partido contra o líder da categoría contra o que caéramos na primeira volta de maneira estrepitosa. Comezamos moi valentes tendo varias ocasións pero foi o rival quen aproveitou un erro na marca para adiantarse e chegar con victoria pola mínima ao descanso. Tra-lo descanso o Noia volveu marcar nunha contra cando mais ocasións estabamos a ter, pero o equipo non baixou os brazos en ningún intre e seguiu robando moi arriba e creando moitas mais ocasións ca o conxunto local. Despois de reduci-las distanzas, intentamos empata-lo partido por tódo-los medios pero non o conseguimos. Partido no que non levamos puntos pero gañamos moita confianza para afrontar un hipotético playoff de ascenso. Cadete C 2 - Peleteiro 1 Partido moi serio do noso Cadete C onde acadou unha importante victoria a pesares das baixas. A victoria coceuse nunha gran primeira metade onde o equipo estivo moi serio e non deixou que o rival se achegase a súa portería, ademáis marchou ós vestiarios cun 2-0 a favor. Na segunda metade o equipo caeu no xogo directo do rival e non foi quen de levar perigo á portería contraria, tamén tivo un baixón físico importante onde os trocos non estiveron á altura das circunstancias, ó final no derradeiro minuto de encontro, o rival acadou o seu gol. Cadete D 3 - CSD Arzúa 0 A tarde do venres visitaba ao noso Cadete D, o Arzúa, equipo que levou en todo momento a posesión do balón buscando facer dano ao noso equipo, pero grazas a unha boa colocación defensiva dos nosos rapaces e un gran esforzo físico en intensidade chegaron moi pouco a nosa portería. Na primeira metade un disparo lonxano que o noso porteiro, Mario, salvou puido der o primeiro gol da tarde. Co balón nos pés non podemos dici-lo mesmo, xa que se precipitaban constantemente e buscaban continuamente sacalo de diante con golpeos en longo. Finalmente, finalizamos o encontro con outra victoria e conseguimos manternos no terceiro posto da táboa empatados a puntos co segundo clasificado. Seguimos traballando!!! Xuvenil A 1 - Victoria CF 4 Mal comezo de partido, no que o Victoria se adianta nas primeiras xogadas. Os nosos tiveron varios achegamentos á área, pero non foron quen de concretar nada, mentres que o rival si o fixo e acadou maior vantaxe. Toca seguir adestrando e mellora-la imaxe das últimas xornadas. Xuvenil B 3 - UD Bastavales B 2 Empezaba a segunda volta de liga e tocaba volver a enfrentarse aos nosos veciños de Bastavales. Arrancabamos ben o partido aínda que as ocasións non chegaban pero tampouco pasabamos apuros. Ibamos mellorando co paso dos minutos e agora si que chegabamos a portería rival e nunha desas adiantabámonos no marcador. Poucos minutos despois volvíamos marcar, poñendo o 2-0 no marcador.A segunda parte comenzabamos medio despistados froito disto o rival sen tirar á porteria recortaba distanzas. Demos de novo un paso adiante e voltamos a marcar outro gol aínda que puideron ser varios. A pesares das múltiples ocasións, o rival volve a marcar poñendo o 3-2 final. Bo partido dos nosos para afianzarse nos postos altos da táboa. Sénior 1 - SD Luaña 2 O Bertamiráns comeza o partido enchufado, fai gol no primeiro ataque, pintaba ben a cousa, pero o Luaña non se amedrentou e colga á área cada saque de banda en campo rival, sacando en longo, consegue achegarse cun centro a área onde fai o empate con bastante fortuna ós vinte minutos. A partires de ahí, o Bertamiráns xoga máis cómodo e desfruta de ocasións para adiantarse, pero non o logra, o partido vaise empatado ó túnel de vestiarios. No segundo tempo ambos equipos tratan de impoñerse con xogo directo, o Luaña no minuto 60, de saque de banda colgado á área, a defensa do Bertamiráns non acerta no despexe, e consegue o 1-2. Dos últimos 30 minutos xogaronse moi poucos pois a Luaña paraba con faltas cada ataque do Bertamiráns que desfrutou das últimas oportunidades pero a bola non entrou.Segunda derrota na casa, máis dolorosa que a primeira pois esta vez temos a impresión de que perdimos nós, non nos gañaron, a parte boa e que seguemos na pelexa, e a verdade é que temos que ser máis contundentes nas áreas se pretendemos competir por quedar entre os catro primeiros. Ocasión clara de Fabri que puido supeñe-lo empate do Sénior. Gol de Álex para o Infantil B.

881087583

627145820 Fútbol 11

676014018 Fútbol 8

bertamiransfc@gmail.com

As Nosas Redes Sociais

Concello
Deputación
Futgal