Novas

Xornada 05/02/2023

O equipo Sénior mete a directa cara o ascenso. Nesta xornada destacamo-las victorias dos nosos equipos Sénior e Xuvenil B; o primeiro parece que acadou unha racha boa de victorias e xogo que lle permiten comanda-la clasificación; e o segundo acadou unha importante victoria na casa diante dun rival directo na loita pola permanencia en primeira autonómica.Por outra banda os partidos de futsal desta fin de semana foron adiados debido a condensación que se produciu no pavillón municipal. Cidade de Ribeira 2 - PB A 3 Partido do noso Prebenxamin A diante dun gran rival como así o reflectiu o resultado. Comezamos poñéndonos por diante cun gran gol pero pouco a pouco eles foron facéndose co balón a cas ocasións e polo tanto foron quen de remonta-lo gol inicial. Na segunda metade fomos capaces de axusta-la defensa e recibir moi poucas ocasións e ademáis melloramos en ataque, anotando dous goles para así darlle a volta o resultado nun gran partido dos dous equipo. A vindeira semana temos outro oso duro de roer como é o Boiro, colíder da clasificación. CCD Taragoña 5 - PB B 5 Partidazo do noso segundo prebenxamín que acadou o primeiro puntiño nesta fase da competición cun empate moi merecido diante dun equipo campeón na anterior fase. O partido comenzou moi igualado ata que os locais se puxeron 3-1, pero axiña acadamo-lo empate e fomos quen de poñernos 4-5 a cinco minutos do final, mágoa que non fomos capaces de mante-lo resultado. Un empate que fixo o vestiario máis ledo dos arredores. Benxamín A 4 - SD Villestro 1 Encontro competido onde fomos quen de traballar e solventar positivamente sendo superiores ao rival en todo momento. Dous goles en cada parte serviron para amosa-lo dominio e ser xustos vencedores. Benxamín B 11 - ED O Dolmen Tordoia B 1 Encontro marcado polas baixas, onde so dispoñeríamos de 8 xogadores, no cal non estaba incluído o noso porteiro Tiago. A piques de comezar, Yoel sentiríase mal do estómago e esto nos faria saír con 7 xogadores, pese as dificultades e baixas, os nosos rapaces sairían dominando o encontro, con boas combinacións e disfrutando do xogo. Axiña chegarían os goles, algo que noutras xornadas nos faría perder esa frescura, pero nesta xornada, sería totalmente diferente, seguirían tentando progresar co balón, e mostra deso foi que todos dispuxeron de ocasións para facer gol. Bo partido, que nos serve para seguir coa aprendizaxe ante as baixas e dificultades para adaptarnos tamén o antigo modelo de fútbol 7. Benxamín C 1 - Cordeiro CF 7 Partido intenso por parte do noso equipo que non puido evita-los goles debido ó gran nivel físico e técnico do equipo contrario. Seguimos traballando na formación dos rapaces. Benxamín D 11 - Cordeiro CF C 0 Partido onde os nosos benxamíns disfrutaron dende o minuto un, e ademáis puidéronse probar cousas novas para seguintes partidos. A seguir medrando. Alevín A 3 - SD Villestro 1 Outra semana na que seguimos progresando. Fomos capaces de acumular moitos minutos de xogo nun nivel bo. Ao igual ca sempre cometemos erros, pero esto sabemos que vai ser así, do que se trata é de acumular acertos e minimizar erros. Toca seguir pelexando para poder avanzar. Praíña SC 0 - Alevín B 9 Victoria cómoda dos nosos rapaces na cal temos que salienta-la actuación tanto de Brais como de Aarón. O noso porteiro Brais ía acada-lo seu primeiro gol na Liga grazas ao detalle do seu compañeiro Aarón, quen sendo xogador de campo, se ía a poñer debaixo dos paus pra deixarlle xogar de campo ao seu compañeiro. Puebla SD 2 - Alevín C 6 Partido do noso Alevin C diante do Puebla, onde saímos moi enchufados dende o inicio, non coma no partido anterior. Estivemos moi metidos no partido en toda-las zonas do campo sendo donos do balón recibindo dous goles en eroos de concentración. Agora a pechar este finde a primeira volta sendo líderes. Carreira FC B 2 - Alevín D 4 Partido moi errático polo vento que facía na mañá do Domingo no fondo da costa. Os nosos conseguiron adiantarse 0-3 no marcador e tras 2 despistes, regalamos 2 goles. Preto do final, puñamos o 2-4 no marcador final. Infantil A 4 - SD O Val 1 Partido mediocre do noso primeiro equipo da categoría, pero suficiente para lograr outros tres puntos e seguir mandando na táboa clasificatoria. Empezou o encontro con erros en ambo-los dous equipos, vendo que en calquera intre podía producirse un gol, pero máis ben por erro dun defensa que polo acerto dos dianteiros. Sería o Berta o primeiro en golpear, Manu levaría un balonazo na cara e o árbitro para o partido, na reanudación, o árbitro bota o balón o suelo, preto da frontal da área visitante, Lucas recolle éste, avanza con él e é capaz de filtrar un pase entre a defensa para Álex, éste recolleo, avanza cara a portería rival e golpea preto dela para face-lo primeiro gol no minuto 12. O partido seguiría igual, o noso meta, Marco, tería que saír fóra da área para cubrirlle as costas aos nosos defensas en sendos balóns profundos que os centrais defenden mal. Pero sería Lucas, quen no minuto 35 ampliaría a distanza no marcador. Éste recolle un balón na frontal da área do Val, golpea ca súa zurda alto, e éste cólase na meta rival preto do longueiro. Có 2-0 fómonos ao descanso. A segunda parte comezaría igual, o noso equipo volta o terreo de xogo con pouca intensidade, cós mesmos erros defensivos, e así nun balón profundo do equipo rival no minuto 48 recólleo o seu dianteiro nas costas dos defensas e bate a Xoel, que entrara no inicio da segunda metade. Os nosos espoléanse, poñen máis gañas, aparecen as ocasións, así Álex pouco despois do gol visitante recibe un balón na banda dereita, tira a diagonal ata preto da área, sorteando rivais e golpea duro, o porteiro rojiblanco responde cunha boa parada. A continuación, nun saque dende o curruncho a favor, Lucas fai un remate cá testa que vai o poste dereito da meta do Val. Con tantos avisos, tiña que chega-lo gol, e así Santi no minuto 55, nun saque dende o curruncho pola esquerda lanzado por Pérez ao segundo pau, fai o terceiro nun remate coa testa. Cando parecía que o partido podía estar resolto, Álex nunha das súas incursións cara a meta rival, torce o nocello dereito, ten que abandona-lo terreo de xogo, o Berta xa non ten trocos e faltando moitos minutos para remata-lo encontro. Parecía que os nosos poderían sufrir, pero nada máis lonxe da realidade, os rapaces responden ante a adversidade, e vemos que no minuto 75, Lucas faría o cuarto. Éste sería noutro saque dende o curruncho executado novamente por Pérez, o balón ía directo a gol no primeiro pau, o porteiro logra desvialo, pero deixao morto na área pequena, onde o recolle o noso mediapunta e marca a pracer. Non habería tempo para máis. Os nosos teñen que mellorar ante os próximos compromisos moi importantes que se lles aveciñan. Infantil B 2 - SD Xuventú Aguiño 3 Chegou a primeira derrota do equipo na tempada, algún día tiña que pasar. Pero nada que dicir duns rapaces que o puxeron todo no campo e se atoparon cun porteiro rival que fixo 4 ou 5 paradas de moitísimo mérito, xunto cun otras tantas ocasions clarisimas pola nosa parte que non fomos quen de materializar. O partido transcurriu da maneira que pensabamos, cun Aguiño buscando o xogo directo ao seu dianteiro que por forza e físico creaba problemas a nosa defensa. De novo un erro pola nosa parte propicia o 0-1 no minuto 16, o equipo segue a controla-lo xogo con moitas chegadas a portería rival e nunha desas penalti por mans claras que Noya executa de maneira implacable para poñe-lo empate no marcador ao descanso. A segunda metade discurre coma a primeira, control e chegadas constantes pola nosa parte que non finalizamos, despois de ocasions incribles e de novo nun mal despexe chega o 1-2 no minuto 57 despois dun gran disparo dende a frontal. O equipo volcase no ataque e segue a marrar ocasións, de novo nun balón longo na disputa o dianteiro rival e quen de safarse dos nosos centrais e poñe-lo 1-3 no marcador no minuto 79. Pero este equipo non se rende e segue a atacar, xa no desconto Noya dun gran disparo pon o definitivo 2-3. SD Negreira 1 - Infantil C 2 Mal partido o xogado polo noso Infantil onde comezamos moi fríos, como o tempo que facía na mañá do sábado na Baña. O rival non xeraba perigo pero nos non eramos quen de manter unha continuidade no xogo con moitas imprecisións no pase e un ritmo moi lento. As dimensións do campo e o ritmo ao que xogabamos provocaba moitas perdas de balóns en situacións relativamente sinxelas. A pesares diso o peso do partido era noso, e nunha xogada a balón parado, fixemo-lo primeiro gol co que nos fomos ao descanso. A segunda parte comezamos cun ritmo un pouco mais rápido (tampouco era moi difícil) e empezamos a asedia-la área rival e no minuto 10 da segunda parte puñamo-lo segundo no marcador. Voltamos a relaxarnos e nun erro na circulación de balón propicia un man a man do rival co noso porteiro que acaba en penalti, e recurtando distanzas no marcador, o que era a primeira aproximación do noso rival. De ahí ao final do partido non pasamos apuros pero tampouco fomos quen de aumenta-la distanza.Bo toque de atención para entender este deporte. Ou se compite en todo momento ou calquera rival pódeche gañar. At. Fátima B 0 - Infantil D 2 O esforzo da os seus froitos. Saímos moi contentos da sempre díficil visita ao Manuel Paz. Os rapaces fixeron caso e comprometéronse co traballo da semana sendo conscientes de que a única vía para conseguir algo positivo era ir á guerra xogando moi directo. Noraboa polo traballo! CD Calasanz 2 - Cadete A 0 Erros puntuais e a falta de puntería dos nosos levan a derrota do primeiro equipo da categoría. Comezou o encontro igualado, con moita intensidade. Así o primeiro gol non tardaría en chegar. Viría dun pase en profundidade entre os centrais, onde o noso porteiro estaba baixo paus, duda en saír e cando o fai chega tarde, ten contacto co dianteiro rival dentro da área e o colexiado pita pena máxima. Sería lanzado no minuto 6 por Demián, raso e pola dereita, onde Pedro case logra detelo. Despois disto o Berta queda un pouco tocado, intenta ir ao ataque, pero nalgún balón en longo a nosa defensa sufre. Pouco despois do gol, noutro pase en profundidade, o dianteiro local prántase só na área polo lado esquerdo, dispara e Pedro tería unha boa intervención, desviando a pelota. Pouco a pouco o noso cadete iría achegándose á meta rival, con disparos de longa distanza e en xogadas a balón parado pero sen nengunha ocasión realmente clara no resto do primeiro tempo. A segunda parte sería claramente para o Berta, innumerables ocasións, das cales non materializaría ningunha. A primeira sería aos 8 minutos, nun centro lateral dende a dereita, onde Diego remata coa testa e o balón vai o poste dereito da portería local. Pero nesta mesma acción, o colexiado puido pitar penalti, xa que o meta local, saíu a despexar por riba a pelota e arrolla ao noso dianteiro sen toca-lo balón. Logo sería o Calasanz quen na única ocasión que tivo na segunda parte, nun lanzamento dende o curruncho dereito, onde poñen o balón no segundo pau e dentro da área pequena, Pedro mide mal a saída por riba e Enzo remata só coa testa para face-lo segundo. Seguiría o Berta tentandoo, e pouco despois Diego volta a recoller un pase en profundidade no borde da área grande, polo lado dereito, adéntrase nela, dispara cruzado e o balón remata na cepa do poste dereito da meta rival. A continuación, sería Jesús quen nun remate de tixeira enviaría o balón o longueiro. No minuto 66, o Berta lanza un saque dende o curruncho, o equipo local sae á contra e Xavi corta ésta cunha falta clara. Tarxeta vermella directa, os nosos quedan cun home menos. Ante esta nova situación aplaudi-la resposta do equipo, o noso técnico fai tres trocos xuntos, troca o sistema e séguese tentando, así Rodri noutro pase que recolle en profundidade, métese polo medio da área cara a meta rival, e cando dispara e derrubado, o colexiado pita penalti. Éste lanzao Jesús, e cando golpea o balón, esbara e volve a tocar este de segunda, o esférico chega o fondo da rede pero o gol e anulado por tocar dúas veces seguidas o mesmo xogador a pelota. Cúmulo de mala sorte para os nosos. Non se movería o marcador, derrota pero cá testa en alto. EFM Concello Boiro B 0 - Cadete B 2 Partidazo o vivido na matinal deste domingo en Valiño, o noso cadete B saíu ao campo moi concentrado e aínda que é certo que os primeiros minutos estivemos un pouco imprecisos en controis e nalgún pase e iso deu lugar a algún que outro achegamento perigroso a nosa área. Aos 10 / 15 minutos de partido tiñamos posesións longas que facía que o rival tivese un importante desgaste físico. Ao descanso iríamos 0-0 no marcador. Saímos do vestiario coa mesma concentración e sendo dominadores claros do partido, pero non sería ata o minuto 70 de partido que faríamos o primeiro gol, ao pouco de marca-lo primeiro gol, noutra xogada moi boa por parte dos nosos faríamo-lo 2º gol, finalizando o encontro 0-2. 4º partido consecutivo coa portería a 0 e 6ª victoria consecutiva. Para a semana visitanos no municipal o Conxo Santiago "C", traballaremos ao máximo esta semana para ir a pola 7ª consecutiva!!!! SD Milladoiro B 1 - Cadete C 1 Partido moi intenso coma sempre que visitamos ese campo. Non fomos quen de finaliza-las ocasións que tivemos para poder traer un mellor resultado. Seguimos formando. Victoria CF 3 - Xuvenil A 0 Dura derrota a que encaixou o noso Xuvenil no campo da Grela. O equipo competiu moi ben diante do líder da categoría pero quizáis pecou de plantarse algo replegado e cunha actitude moi defensiva, aínda que tamén puidera ser mérito do rival. O equipo encaixou o 1-0 na primeira xogada clara do partido, na que o extremos foi derrubado polo noso porteiro Ángel dentro da área, o árbitro non dubida e sinala pena máxima. O colexiado pita ben a pena máxima, mágoa da súa funesta colocación durante todo o partido que non lle deixa ve-lo control previo do extremo que o fai coa mán, unha vez máis o colectivo arbitral sendo protagonista. Penal executado maxistralmente polo rival e ímonos 1-0 abaixo paraos vestiarios. Aínda así tivemos un man a man de Málvarez que puido significa-lo empate pero o porteiro estivo moi atinado, xa que aguantou ata o final se soubo detelo. Na segunda metade o equipo competiu pero nunha xogada comprometida para o árbitro, deixanos cun home menos pola expulsión de Manu por facer dúas faltas seguidas na mesma xogada, quizáis o árbitro estivo algo "casero", porque sacoulle tres cartóns en menos de dez segundos. Cun home menos o equipo sufriu máis pero non lle perdeu a cara o encontro e competiu ata o final. Xuvenil B 4 - Bastavales UD 2 Encontro pertencente á xornada 21 no que se puxo de cara moi cedo con goles nos minutos 7 e 12 da primeira metade. Resultado que se mantivo ata o descanso. Á volta de vestiarios, unha vez máis, e despois de encadear varios erros o rival atopase cun penal a favor no minuto 47 que o mete de cheo na pelexa polos puntos facendo que as sensacións durante a segunda parte do encontro sexan de intranquilidade pola falta de confianza dos propios xogadores polo sucedido nos derradeiros encontros, a pesares de estar sempre por diante no marcador cun gol no 56 (3-1). Voltando a recortar distanzas o Bastavales no 67 (3-2). Pero grazas o hat-trick de Vizcaya no 79 (4-2) a tranquilidade e os 3 puntos quedaron na casa. Sénior 1 - AD Nicrariense 0 Bastante bo partido do noso Sénior nesta fin de semana. Quizis o marcador non reflectiu a realidade do encontro, cando menos aos nosos ollos. Consideramos que o resultado foi demasiado axustado se temos en conta a cantidade de ocasións tan claras. Tivémolas de toda-las cores pero non fomos quen de convertelas en gol. Non hai que desmerecer, en ningún caso, o traballo dos nosos contrincantes, pois fixeron un partido moi serio e así como é certo que nós fixemos ocasións para máis goles... eles tb mereceron facer 1 ou 2 goles. Partido bonito, polo tanto, moitas ocasións, poucos goles e 3 puntiños. Para a semana máis! Gol de Maikel na victoria do PB A. Pena máxima executada maxistralmente por Brais para o Alevín B. Gol de Santi de testa nun saque dende o curruncho.

Xornada 29/01/2023

A base estivo imparable no fútbol 11 Dez victorias e un empate acadou a nosa base en fútbol 11 esta fin de semana, foi unha xornada case redonda. Destacamos por riba de todas elas a victoria unha vez máis do equipo Sénior que foi quen de gañar nun campo cunha superficie compliacada para os tempos que corren, a tan temida terra.... xa non quedan futbolistas coma os de antes. SD Dubra 0 - Biberón A 3 Moi bo partido dos nosos rapaces, que souberon leva-lo control do partido dende o inicio. Tamén foron quen de anotar bastantes goles como resultado de xogadas combinativas. PB A 11 - CCD Taragoña 2 Partido xogado polo noso Prebenxamín A diante do Tarragoña sen moitas dificultades; dende o inicio fomos donos do partido puidendo probar xogadores en distintas posicións. Agora prepara-la visita ao Ribeira A. PB B 2 - SD Esclavitud 3 Partido moi igualado esta mañán dominical onde os nosos xogadores non foron quen de consegui-la a súa primeira victoria nesta fase, e que se explica pola faia de eficacia cara a porta, mentres os rivais marcaron en cada chegada. Mala sorte e agora a seguir traballando para seguir con ilusión por ser mellores. Ánimo rapaces!! (FUTSAL) PB B 4 - Jogafán Ordes FS B 0 Partido máis claro no resultado final que no desenrolo global do marcador, xa que os nosos xogaron moi ben e con moitas oportunidades, chocaron diante da grande actuación da porteira rival. Agora a seguir aprendendo con gañas e ilusión para o futuro. Benxamín A 2 - Victoria FC 2 Os nosos cativos tiveron un partido duro e competido que non foron quen de sacar adiante. O rival puxo as cousas moi difíciles dende o pitido inicial. Tentaron un fútbol directo que non fomos quen de contrarrestar. Seguiremos traballando para mellorar. ED O Dolmen de Tordoia 1 - Benxamín B 5 Comezaba o encontro, cos nosos rapaces moi participativos, combinando moi ben entre eles, pese a non chega-los goles. Sorprendentemente, ca chegada do primeiro tanto noso, o xogo empeoraría, non sendo tan combinativo, destacar que o rival tamén xoga, tentando leva-lo partido o seu lado. Trataremos de crea-la base nesos 10-15 primeiros minutos. CD Conxo Santiago B 3 - Benxamín C 1 Partido moi intenso cun resultado moi abultado para o que se veu no terreo de xogo. Varios erros defensivos e unha falta imparable fixo que o noso equipo benxamín non puidese equilibra-lo resultado. Seguimos formando. Cordeiro CF B 2 - Benxamín D 4 Bo partido o feito polo noso benxamín diante do Cordeiro. Ben dende o punto de vista defensivo e mellor aínda ofensivamente. Imos correxindo erros e mellorando con balón. A seguir traballando. Alevín A 5 - Victoria CF 1 Bo partido dos nosos alevíns, neste caso tocou victoria. Foi un partido no que, por moito que o resultado diga que fixemos 5 goles, a realidade é que, o mellor do noso partido foi a fase defensiva. Isto permitiunos roubar moitos balóns en zonas sensibles para o rival e dispoñer así de varias ocasións. Esperamos seguir mellorando e sabemos que con esforzo e ilusión conseguirémolo. Para a semana máis. Alevín B 9 - SD Cruces 0 Partido outra vez dominado dende principio a fin polos nosos a través do xogo combinativo. Alevín C 2 - SD Esclavitud 1 Partido xogado polo noso Alevín C diante do Esclavitud no que non saímos enchufados, xa que encaixamos na primeira parte un gol nun erro noso; así chegamos o remate da primeira parte. Na segunda parte saímos máis metidos e fomos claros dominadores acadando unha merecida remontada so queda sacar conclusións e saír máis metidos dende o inicio. Alevín D 1 - Puebla CF 8 Partido máis competido do que reflicte o marcador, xa que a 10 minutos do final o equipo ía perdendo 1-3, e encaixou o goleada porque foise arriba tratando de consegi-la igualada. Tamén influiu a diferenza física entre ambos conxuntos, xa que un ano de diferenza nestas categorías nótase moito. Gran traballo do equipo que debe de pensar en seguir traballando e mellorar na presión e traballo defensivo. AD Nicrariense 13 - Alevín E 0 Nesta quinta xornada de liga tocábanos visitar ao líder. Partido que nos serve para fixarnos nos erros que temos e para tratar de melloralos nos adestramentos e vindeiros encontros. EF Concello Boiro 1 - Infantil A 2 Mal partido do noso primeiro equipo da categoría infantil, pero outros tres puntos importantes para seguir líeres do grupo. Empezaron mal o encontro os dous equipos, onde era difícil ver varios pases seguidos e o balón no chan. As ocasións viñan a balón parado. A primeira ocasión clara, foi nun lanzamento de falta frontal lonxano, onde Pérez golpea forte dirección portería e Santi remata mal coa testa, cando xa podía colarse directamente o balón na meta. Así no minuto 30, Pérez recolle un balón mal despexado polo meta local dun lanzamento a balón parado, e doadamente envía co pe dereito ao fondo das maias. Con ese marcador fómonos ao descanso. A segunda parte inicia igual, erros por ambo-los dous lados, poucas ocasións claras, pero víase que o gol podía chegar pola inseguridade de amba-las dúas defensas. Así no minuto 49, o Boiro envía un balón en profundidade por alto entre os dous centrais, que recolle o dorsal 15 Jacobo, e aproveita o bote para pica-lo balón na media saída de Marco. O balón colase na meta preto do longueiro. Non se veu o Berta abaixo, así nunha xogada pola banda dereita, acaba en centro mal despexado polo meta local, que cae nos pes de Lucas e aproveita para face-lo 1-2 definitivo. Despois disto, o partido segue trabado, pensando que podría vir un gol máis ben por un erro defensivo que polo acerto dos atacantes. Sufreuse ata o final pero o marcador non se movería. Victoria FC B 1 - Infantil B 3 Tivo que madruga-lo equipo nuha mañán fría co terreo de xogo conxelado no Sergas as 9:30h. E o partido comezou igual cos dous equipos entrando en calor aos poucos, ata que Noya no minuto 9 de falta directa poñía o 0-1 no marcador. Empezaba a facerse o equipo co control do balón e as chegadas a portería rival eran cada vez máis claras, e nunha desas chegadas penalti claro sobre Rodri que o colexiado non dubidou en sinalar para que Noya puxera o 0-2 no minuto 25 de encontro. Finalizaba a primeira metade con ese 0-2 e no segundo tempo o rival poñía o 1-2 despois dun barullo na área que non fomos quen de despexar con solvencia. A partires de ahí o rival intenta apreta-la nosa saída de balón en busca do empate pero fomos quen de saír desa presión e xeramos ocasións claras que non se materializan ata que outro claro penalti sobre Elihan transformado por Pla puxo o definitivo 1-3 no marcador. Infantil C 2 - SD Dubra 2 Partido diante dun rival directo e onde nos custou entrar no partido. A falta de intensidade e os erros nos primeiros minutos provocou que no minuto 10 da primeira parte o Dubra xa fose gañando 0-2. A partires de ahi mudamos varias cousas e notaronse no xogo e nas ocasións. Comezamos a facernos donos do partido e logramos acurtar distanzas antes do descanso. O paso polo vestiario fixo que a segunda parte foramos a polo partido o que provocou varias ocasións de gol e someter ao noso rival, aínda que no gol do empate tivemos a fortuna que nos puido faltar noutros partidos. Resultado xusto visto o feito por ambo-los dous equipos e que nos ten que facer pensar sobre a nosa actitude dende o inicio do partido. Enésima vez onde comenzamos por detras no marcador. Infantil D 2 - EDS Santa Marta 0 Inicio de partido moi abasallador dos nosos, que son quen de adiantarse no marcador moi cedo. Co trascurso dos minutos o equipo ten catro ocasións clarísimas que non foi quen de anotar e co paso dos minutos vaise durmimdo o partido. Nos minutos finais fomos quen de anotar o 2-0. Debemos de poñer todos da nosa parte para non levar sustos no que resta de competición. Cadete A 3 - ED Xuventú Oroso B 0 Bo partido e victoria importante do primeiro equipo cadete, que xunto co empate do Montañeros, fai que se aprete un pouco a clasificación. Saíu o Berta a polo partido, rápidas circulacións de balón, e cerco á meta rival. Así no minuto 4, Jesús recolle un balón na área, picao ao segundo pau, onde aparece Diego para envia-lo a pracer co pe ao fondo da rede. Seguiu o Berta insistindo, así Suárez faría un remate ao longueiro pouco despois. Sería tamén Suárez noutro disparo cruzado, quen batiría por segunda vez ao meta contrario no minuto 28. Non se conformou o Berta, quería sentencia-lo encontro, así Rodri no minuto 39, faría o terceiro e definitivo cá súa perna esquerda. A segunda parte, sería igual, dominio claro dos nosos, sen conceder ocasións e moita seriedade. Todo esto parece indicar que o noso primeiro equipo dos cadetes voltou á senda da entrega nos encontros, incluso por momentos con bo futbol. Esperemos que esto siga así e poidamos loitar polo ascenso. Cadete B 7 - CF Noia 0 Partido no que o noso cadete saíu na primeira metade un pouco frío e o rival levaría inicialmente a batuta do encontro, ademáis xogaban ao fútbol que lle viña mellor ao rival e que dende o banco de suplentes víamos que podíamos favorece-las súas fortalezas, xa que a nivel físico o rival era superior a nós. Aínda así, fomos ao descanso cun resultado de 2-0, nos vestiarios falouse destas cuestións e que precisabamos ter moita máis paciencia co trato do balón, o equipo saíu cara a segunda metade moito máis metido no partido, pensando que na primeira volta fomos ao descanso co mesmo resultado a favor e na segunda parte o rival empataría o encontro, pois na segunda metade sairíamos sen darlle oportunidade de meterse no encontro ao rival facendo un fútbol espectacular, quizáis o mellor que fixemos no que vai de tempada, e con isto conseguimos marcar 5 goles máis na segunda metade, finalizando o encontro 7-0. Un gran resultado e un partido máis coa portería a 0, o terceiro partido consecutivo sen recibir goles en contra e a quinta victoria consecutiva. Na vindeira semana visitamos ao boiro B, esperando consegui-la sexta consecutiva!!! Cadete C 2 - EF Lalín B 1 Partidazo do Cadete C na tarde do sábado no municipal. Non defraudaron os dous conxuntos co espectáculo que amosaron. Ambos querían gañar e veuse unha intensidade propia de partidos de ligas superiores. Gran traballo do equipo e moi satisfeitos coa dinámica que seguen. Lembrar que temos por bandeira: traballo, competir e crer en nós mesmos, con esto todo é posible. Xuvenil A 2 - EF Lalín 0 Partido controlado en todo momento diante dun gran rival que mudou moito o seu xogo e a súa intensidade dende o encontro da primeira volta. Os nosos rapaces xogaron un gran encontro onde apenas concederon unha ocasión ó rival na primeira metade, eso sí non foi gol por moi pouco xa que ese disparo cruzado saiu lambendo o pau esquerdo da portería de Ángel. Un gol en cada parte sentenciaron o encontro, quizáis puidemos acadar algún tanto máis pero a falla de puntería e os erros na toma de decisión dalgunha contra fixo que o resultado non se movera. CD Rois 2 - Xuvenil B 3 Esta xornada o equipo foi quen de acadar unha importante e sufrida victoria. A pesares de adiantarse no marcador na primeira xogada de ataque e conseguir aumenta-la distanza nunha primeira parte tranquila e sen moitos sobresaltos. Á volta de vestiarios foi todo o contrario, posto que en 4 minutos o Rois foi quen de lograr dous tantos que igualaban o encontro. A partires dese intre calquera dos dous equipos puido logra-lo tanto que dese o 3 puntos. Neste caso e despois de errar dúas ocasións claras, o balón rematou bicando as mallas da meta rival para por o 2-3 definitivo. UD Queiruga 2 - Sénior 3 Pensabamos que ía ser un dos partidos máis duros da liga e así foi. Destacaría o esforzo dos rapaces, principalmente na segunda parte. Máis concretamente destacaría o esforzo mental de aceptar e executa-lo plan establecido. Foi un partido a cara de can pero que, desta vez tocou cara, 3 puntiños máis, que son ben necesarios.

Xornada 22/01/2023

Agónica victoria do Sénior no municipal. Fin de semana de nubes e claros, con victorias do Sénior, Infantil A e Infantil B que lles permiten continuar nos postos de privilexio da táboa clasificatoria, ademáis duras derrotas do Cadete A e Xuvenil A fóra da casa. O equipo Sénior acadou unha agónica victoria nos intres finais que lle permiten mante-lo liderado da liga.No fútbol 8 destacamo-las victorias do Benxamín A e do PB A e dura derrota do Alevín A que non é quen de engancharse nos postos altos da clasificación. Biberón A 1 - SD Milladoiro 3 Partido onde a pesar de sermos sometidos polo rival, comezamos gañando a primeira parte. O Milladoiro non se rendiría, e seguiría apretando ata darlle a volta ao marcador e levarse o partido. Biberón B 0 - SD Cacheiras B 4 Encontro moi complicado xa que xogabamos diante dun equipo de arriba, con nenos de segundo ano moito mellores ca os nosos, tivemos varias ocasións e conseguimos meter un gol na segunda parte do partido que non serviu de moito xa que na seguinte xogada metéronnos eles, pouco a pouco vanse notando diferenzas en canto as primeiras xornadas. SD Esclavitud - PB A 7 Partido do noso Prebenxamín A moi completo, xerando moitas ocasións e concedendo moi poucas, estando sempre co o control do partido; agora a pensar no vindeira xornada. Crocha Balompé CF 2 - PB B 0 Partido xogado de poder a poder entre dous equipos moi igualados e que non se decidiu ata os derradeiros minutos no que os locais acadaron o segundo gol co que pecharon o partido. Os nosos loitaron ata o fin e incluso marraron un penalti para adiantarse no marcador con empate a 0. Derrota das que hai que estar orgullosos e das que se aprende cara o futuro. (FUTSAL) CD Cía. de María 1 - PB B 3 Victoria clara a acadada polo noso equipo nun partido onde houbo moita diferenZa entre ámbolos dous contendentes polo que puideron aproveitar para facer probas de cara o futuro. Norabóa e a seguir adiante. SD Compostela 2 - Benxamín A 6 Victoria diante dun rival que pelexou o partido ata os derradeiros minutos, pero non foi quen de supera-la concentración e a seriedade dos nosos nenos, seguimos nunha boa dinámica con bo traballo e seriedade. Benxamín B 8 - SD Dubra 0 Partido no que os nosos empezaron moi espesos, pero pouco a pouco foron demostrando a súa superioridade e foron chegando os goles. Benxamín C 3 - SD Amio 1 Partido moi intenso onde o resultado puido ser máis abultado de non ser pola gran actuación do porteiro rival. Gran traballo de todo o equipo. Seguimos traballando e formando. Benxamín D 1 - SD Esclavitud 6 Partido complicado diante dun rival moi superior e onde os nosos foron quen de manterse vivos no partido ata os minutos finais onde a superioridade física e técnica do rival quedou de manifesto. Bo traballo de tódo-los nenos. Agora toca seguir traballando nos adestramentos a espera do seguinte partido. SD Compostela 1 - Alevín A 0 Partido mediocre pola nosa parte. Non fomos quen de impoñe-lo ritmo de xogo que debíamos, cometemos moitos erros de precisión e máis de interpretación... Quizáis o rival obtén demasiado premio levando os 3 puntos pero igualmente nós non estamos ben. Toca seguir e face-las cousas mellor. E. Estrada FB 0 - Alevín B 7 Partido dominado de principio a fin polos nosos nenos que non deixaron nin que o rival se achegase á nosa portería. Gran traballo dos nosos. Puebla FC B 0 - Alevín C 12 Partido do noso Alevin C diante do Puebla B como reflicte o marcador, tivemo-lo control do partido dende o inicio ao remate sen grandes problemas; agora a pensar no vindeira xornada. SD Esclavitud 2 - Alevín D 1 Partido moi disputado entre os dous equipos, onde nos adiantaríamos nunha acción a balon parado; a partires de ahí o equipo local dispuxo de grandes ocasións e conseguiu igualar xusto antes do descanso... a segunda parte comezou cun novo gol do equipo local para darlle a volta ao resultado, intentouse consegui-la igualada pero non sería posible. Alevín E 0 - AD Nicrariense B 6 Comezábamo-lo encontro cun bo plantexamento que faría que amosaramos un bo xogo, saíndo dende atrás co balón e tendo varias ocasións. Sen embargo cometeríamos dous erros individuais que significarían o 0-2 antes de ir ao descanso, quitando iso, unha moi boa parte dos nosos. Na seguinte parte baixaríamos un par de marchas e saíriamos sen intensidade, por culpa diso encaxaríamos varios goles de seguido. Nos derradeiros minutos intentaríamos subi-lo marcador ao noso favor pero non seríamos quen de facelo. Infantil A 2 - ED Xuventú Oroso 0 Partido no que os nosos volven a senda de victoria. Comezou o equipo dominando o partido na primeira parte pero sen crear ningunha ocasión clara de gol salvo unha incursión na área e un disparo de fóra da mesma por parte de álex. O Oroso tamen tivo unha contra na que o balón o detivo Xoel. Na segunda parte o equipo segue dubitativo e sen crear ocasións claras de gol debido as imprecisións e falta de chispa nos metros finais. A entrada de Lucas, Kape, Pérez e Xurxo dalle máis aire ao ataque e así unha combinación de Pérez e Álex acaba cun disparo escorado que por fin logra bater ao porteiro e adiantarse no marcador no minuto 72. Pouco despois chegaría o segundo e sentenza cun remate de Lucas nun saque dende o curruncho. Así os nosos seguen nos postos privilexiados da clasificación. Infantil B 4 - CD Conxo Santiago B Partidazo con maiúsculas dos nosos que non deron opción ao rival en ningún momento do partido. Primeira parte moi ben xogada con dominio absoluto que rematou cun 3-0 ao descanso. Na segunda metade o rival intenta apreta-la nosa saída de balón pero o equipo segue a domina-lo xogo e chega o 4-0 que finiquitaba o encontro. Un fallo do noso central na saída de balón propicia o gol do rival para remata-lo encontro con ese 4-1 que devolvía o liderado aos nosos. EFM Concello Boiro C 0 - Infantil C 11 Partido con pouca historia o xogado polo noso infantil en Boiro onde conseguimos unha victoria cómoda para comenza-la segunda volta da liga. La Salle 4 - Infantil D 3 Derrota diante dun rival físicamente superior que cun xogo duro foi quen de superar aos nosos rapaces. Parabenizar ao equipo xa que non baixaron os brazos e sempre estiveron enganchados ao partido. San Tirso SD B 3 - Cadete A 0 Duro castigo para o equipo despois do visto no campo do Monte, onde o noso equipo tivo moitas máis ocasións de gol pero todo o que tirou a meta o equipo local acabou no fondo da rede. Máxima efectividade. Empezou o noso equipo moito máis metido no encontro, chegando a área rival e facendo disparos a porta, pero o meta contrario víase seguro e noutras ocasións sería o pau, coma o remate de Jesús. Pero sería no minuto 24, na primeira vez que o San Tirso achégase á meta visitante con perigo, quen abriría o marcador por medio do número 8, Mateo. Antes do descanso, o Berta enviaría outro remate a madeira, por parte de Pablote. Na segunda parte, os nosos saen máis decididos a atacar, tentabanpechar máis ao rival na súa área, pero serían os locais en dous balóns profundos, que recollería o dorsal 15 Diego, quen faría o 2-0 no setenta e o 3-0 no minuto setenta e catro. O Berta seguiría tentando face-lo gol da honra, así Suárez non acertaría a rematar preto da liña de gol un centro lateral. En definitiva, mala sorte para os nosos, que por ocasións de gol mereceron moito máis. AD Nicrariense 0 - Cadete B 5 O noso cadete visitou este Domingo o campo de Cepelo para medirse fronte ao AD Nicrariense. Campo sempre difícil para desenvolve-lo fútbol traballado polos nosos rapaces, ademáis o equipo sabía que tiña que iniciar con moita concentración porque aínda que o rival fose colista podía meternos en calquer apreto no seu campo. Finalmente, o equipo empezou sen darlle ningún tipo de opción de meterse no partido ao rival. Fomos ao descanso cun contundente 0-3 no marcador, saímos para a segunda parte e logramos marcar 2 goles máis que facían que finalizasemos o encontro con 0-5 e os 3 puntos veñan para Bertamiráns. Na vindeira semana visitaranos o Noia, traballaremos toda a semana para que os 3 puntos queden no municipal e logremos a quinta victoria consecutiva. Praíña SP 2 - Cadete C 5 Outro partido moi disputado a pesares do resultado. Gran traballo grupal do equipo. Certo é que nos derradeiros minutos e con resultado xa finiuitado, os noso relaxáronse e encaixaron dous goles do rival, esto deixa como ensinanza que ata o pitido final hai que mante-la intensidade e equilibrio no campo. Seguimos traballando na formación. CD Boiro 2 - Xuvenil A 1 Gran partido o disputado polos nosos rapaces diante duns dos mellore equipos da categoría como así o reflicte a clasificación. A primeira metade foi espectacular onde o Xuvenil A foi quen de domina-lo xogo e crear as únicas ocasións claras de gol que se produciron, así no minuto 43 nunha boa xogada colectiva, Bonome queda só diante do porteiro e coloca o 0-1 co que nos fomos aos vestiarios. Na segunda metade o rival saíu cunha intensidade superior e con balóns longos tratou de chegar a nosa área e tratar de xerar perigo pero non era capaz de facelo. Así no minuto 55 Bonome puido face-lo 0-2 nunha xogada calcada a do primeiro gol pero o balón non quixo entrar. No debe deste equipo temos as fallas de concentración que seguen a producir erros que nos están a custar moitos puntos; e desta vez apareceron no minuto 63 e no 65, o Boiro non os desaproveitou e deulle a volta ó marcador. Aínda así cos trocos o equipo seguiu tratando de aperatar e cun xogo máis directo dispuxo de 3 ocasións claras para empatar que se marcharon lambendo o pau. CF Cire de Melide 2 - Xuvenil B 2 O encontro deste finde comezou con dúas ocasións a balón parado para o Melide, detidas polo noso gardameta. O cal nos fixo reaccionar e igualar a intensidade e posteriormente conseguir impoñerse no medio campo, gañando as disputas e os segundos balóns.Froito disto coseguimos adiantarnos no marcador... conseguindo un 0-2. Que finalmemte nos igualan en dúas xogadas illadas, un balón parado e un golpeo a escadra do mellor xogador rival. Sénior 3 - Sporting Lampón 2 Partido que se nos cumplicou moito dado que a nosa concentración e o noso esforzo non foi o axeitado. Comezou o rival adiantándose na primeira ocasión que tivo, aos 10 minutos de xogo xa íamos perdendo. Nós non éramos quen de xerar ocasións claras ata que Varela, despois dun saque de banda consegue rematar e face-lo 1-1. Xa na segunda parte o equipo saíu máis concentrado, poñendo máis esforzo e interese; seguíamos sen xerar demasiadas ocasións. Nun dos centro de Cea dende a banda esquerda o balón envelenouse e acabou dentro da portería do equipo rival. Despois do 2-1 o Lampón dispuxo de varias ocasións claras para empatar e nós dispuxemos de varias ocasións para amplia-la vantaxe. O que acabou chegando foi o empate, conseguírono por medio dun libre indirecto que entra pola escadra. Corría o minuto 90 e temos un saque dende o curruncho a favor, xusto nese intre apareceu un dos veteranos do equipo para face-lo 3-2 e sumar 3 novos puntos. Quizais moito premio para o visto no campo. Para a semana máis.   Gol de Leo na victoria do PB A.

Xornada 15/01/2023

Sorte dispar para os nosos equipos esta xornada. Malos resultados para Cadete A, Infantil A e Xuvenil B, que se complican as cousas na clasificaión para poder acada-los obxetivos marcados a principio de tempada. Destaca sobre todas a derrota do Xuvenil B na casa fronte un rival directo que viña de perder os últimos tres encontros por goleada.Pola contra o equipo Sénior e mai-lo Xuvenil A sacaron adiante os seus partidos na casa, e o primeiro segue líder da competición e o segundo segue coas aspiracións intactas de meterse na fase de ascenso. SD Compostela B 4 - Biberón B 0 Partido onde fomos superados polo noso rival, que contaba con xogadores de moita calidade que marcaron a diferenza no partido. Aínda así tamén se viu unha melloría dos nosos no xogo que practicaron. PB A 3 - Crocha Balompé CF 0 Partido do noso Prebenxamín diante dun equipo moi ben traballado, custounos moito facerlle ocasións coma defenfe-los seus ataques. Partido moi igualado que se decantou do noso lado grazas a tres contragolpes moi ben executados; agora a pensar no vindeiro partido. PB B 4 - CD Sar Extramundi 9 Resultado enganoso o acadado polos nosos nenos, no mellor partido xogado polo grupo ata o de agora e que chegou a estar igualado ata os derradeiros minutos, onde se perdeu un pouco o físico provocado polo esforzo e as baixas. Moi orgullosos dos nenos polo gran traballo e esforzo realizado. (FUTSAL) At. Fátima 0 - PB B 4 Partido sen moita historia do noso PB no que quedou demostrada a grande diferenza entre os dous equipos. O mellor de todo e que acadaron te-lo gusto do gol tódolos xogadores de campo, polo que ledicia para todos. A seguir traballando. E. Estrada FB 1 - Benxamín A 3 Sufrimos bastante máis do que parece polo resultado. Comezamo-lo partido dominando e froito do alto nivel amosado adiantámonos 0-1 despois de que Brais aproveitase un rexeite dun balón morto na frontal. Chegamos con vantaxe ó descanso. Na segunda parte o rival dominou e o noso porteiro, Lucas, sacou varias ocasión claras. Faltando dez minutos empátannos, tivemos sorte e na seguinte xogada poñémonos 1-2 cunha boa xogada de todo o equipo que materializa Breixo. Xa o final acadamos o 1-3 obra de Martín Silva. Temos que seguir aproveitando as boas sensacións e seguir medrando coma equipo, traballaremos duro! SD Milladoiro B 0 - Benxamín B 8 Encontro en Domingo, no cal xogabamos de visitantes. Primeira parte igualada, onde o xogo estaría do noso lado pero non chegarían os goles. A segunda metade sería máis igualada en canto a xogo, pero en canto a goles seríamos máis eficaces. Bo partido dos nosos. CD Rois 3 - Benxamín C 3 Partido de moita intensidas a amosada por ambo-los dous conxuntos. Ó chega-lo camiño dos vestiarios marchamos cun 0-1 a favor dos nosos. Na segunda metade sempre fomos por diante no marcador, pero faltando poucos minutos encaixamo-lo empate definitivo. Bo traballo do equipo e moi boas sensacións xa que se nota que o equipo vai progresando na súa formación. Alevín B 3 - ED Xuv. Oroso B 4 Primeira derrota da tempada nun encontro que puido caer para calquera lado. Gran traballo dos nosos que non tivo a recompensa que agardabamos. Toca mellorar e seguir traballando durante os adestramentos. Alevín C 4 - Carreira CF 2 Partido do noso Alevin C, un dos peores no que vai de ano con multitude de erros tanto en defensa coma en ataque; imprecisos nos pases, controles e golpeos. O mellor foi o resultado; espero sirva para darse conta de que non se gaña con saltar ao campo. Agora a pensar no vindeiro rival. Alevín D 5 - Puebla CF B 2 Bo partido dos nosos que conseguen a primeira victoria da segunda fase. SD Dubra B 1 - Alevín E 0 Esta xornada tocábanos desprazarnos ao Val do Dubra, un encontro no que comezabamos bastante serios e con ocasións de gol. O gol deles veu dun erro noso de non estar atentos ao rechace dunha falta e iso faría que foramos perdendo ao descanso. A Segunda parte ía ser mellor en canto a xogo noso e ocasións xeradas pero o balón non acabaría de entrar, unha mágoa xa que o xusto sería un empate e os nenos estiveron peleóns e cunha actitude positiva. Agora a seguir traballando para mellorar e ir medrando todos pouco a pouco. CD Calasanz 3 - Infantil A 3 Sete minutos nefastos dos nos, tira pola borda o traballo de todo o partido e a perda de dous puntos importantes para mante-la distanza co segundo clasificado. Empezou o partido moi equilibrado, intenso, que levaba a perdas constantes do balón no medio campo. O 0-1 chegaría cedo, nun disparo dende a frontal da área grande por parte de Manu, pega nun defensa e desvía a traxectoria do esférico que remata entrando na meta contraria.Pouco despois o Calasanz daría a resposta, nun tiro raso dende o borde da área grande, que vai a cepa do pau dereito da meta de Antía, o cal é moi ben repelido por ela. No minuto 26 Álex adéntrase na área rival dende a banda esquerda cara o medio. Éste é derrubado pola defensa contrario e o colexiado pita pena máxima, a cal é lanzada por él mesmo no minuto 27 e fai o 0-2, có cal vaise ao descanso. A segunda parte o Berta sae moi ben, controlando o partido e achegándose á meta rival, así no minuto 51, Diego fai unha conducción dende a banda dereita cara dentro, métese na área e dispara coa esquerda raso e pegado o pau esquerdo do meta local, o cal non pode evita-lo terceiro. Pouco despois disto o Calasanz á desesperada muda o sistema e vaise ó ataque, os nosos baixan a concentración e teñen varios erros graves en defensa. Así no minuto 66 nun pase dende o medio campo en profundidade, recolleo un dos dianteiros rivais e pola zona central do campo prántase diante de Antía e batea por raso. O Berta ponse nervoso, errático e así no minuto 69, nun mal despexe da defensa o dorsal 8, e mellor xogador rival, quédase co esférico, vaise cara a meta e bate novamente a Antía. Os nosos non espertan, así pouco despois, nun saque dende o curruncho o balón acaba caendo no borde da área grande, tiro dun contrario e pega na man dun defensa visitante e o colexiado pita pena máxima. Así no minuto 73 lanza o penalti o dorsal número 2 (álex), o cal acadaría para o 3-3 definitivo. Despois disto os dous equipos rondarían as metas rivais, pero ningún dos dous tería unha ocasión clara para facer un gol. Infantil B 3 - CD Unión 0 Os rapaces sairon moi mentalizados e apretaron dende o pitido inicial, e tardou pouco o equipo en marca-lo primeiro por medio de Eli no minuto oito de encontro. A partires de ahí encadeamos varias xogadas con boas chegadas á portería e no minuto 27 de novo Eli poñía o 2-0 para chegar ao descanso. Na segunda metade seguiu a mesma tónica da primeira e Simón poñía o 3-0 definitivo no minuto 53, a partires de ahí o xogo voltou un pouco duro por parte do rival con entradas a destempo que o colexiado cortou de raíz sacando 3 amarelas en 5 minutos ao rival. Bo partido dos nosos a espera de recibi-lo Conxo para disputa-lo liderado do grupo. CD Sar Estramundi 2 - Infantil C 1 Partido moi disputado entre os dous primeiros clasificados que non defraudaron. O partido comezou cun forte ritmo do noso rival pero sen ocasións de gol. A medida que ían pasando os minutos o partido foise igualando pero as ocasións so chegaban a balón parado. Ao saque dun córner o Sar puido adiantarse ao rematar de testa ao longueiro. Estivemos frouxos nesa faceta a nivel defensivo pero a nivel ofensivo tamén éramos quen de xerar perigo a balón parado. Ao fío do descanso chegou a mellor ocasión nosa onde por dúas ocasións non fomos quen de empurrar unha pelota que estaba en liña de gol. A segunda parte empezou como rematou a primeira cando tras un erro nunha saída de balón dende atrás provocou que o Sar se adiantara no marcador. Fomos quen de empatar moi cedo tras un saque dende o curruncho. A partires de ahí fomo mellores que o noso rival xerando perigo por ambas bandas. Unha transición rápida onde participan os dous extremos puido poñernos por diante no marcador pero incomprensiblemente a pelota non entrou. Cando xa estaba a piques de remata-lo partido e tras dous fallos consecutivos un bo golpeo dende a frontal adiantaba de novo ao Sar no marcador. A pesares de que so quedaba o desconto aínda tivemos tempo de poder empatar cunha xogada similar ao primeiro gol pero o remate dende dentro da área pequena saiu lambendo o longueiro. Bo partido dos infantís que rematan a primeira volta compartindo o liderato co Sar Extramundi. AD Burgo das Nacións 5 - Infantil D 4 Partido que comeza con varios erros de precipitación na saída de balón que nos fai ir a remolque o resto do encontro con númerosos fallos de precisión. A pesares da dificultade que puxo o rival para dominar, fomos quen de responder e igualarlle os golpes. Resultado de 2-2 ao descanso. No tempo de lecer o equipo axusta un par de comportamentos e prepara a segunda metade con positivismo. O equipo rival adiantaríase de novo nun erro grave, pero non nos afecta e fomos quen de facer 2 goles rápido e poñernos 1 arriba, o colexiado comete un grave erro expulsando a 2 xogadores, 1 de cada equipo, xusto cando o partido estaba sendo dominado e estaba máis preto o 3-5 que o 4-4. Lamentablemente ante un rival con máis forza física vémonos gravemente perxudicados ao ser un 9 vs 9 eles atopan moitos máis espazos e fannos moitísimo perigo. Nos derradeiros 10 minutos froito do cansanzo acumulado recibimos 2 goles que nos fan perder 3 puntos que merecimos. Seguiremos traballando duro para superar a mala racha que levabamos de resultados negativos. SCD Milagrosa 1 - Cadete A 1 O primeiro equipo da categoría deixa dous puntos importantes para seguir na loita polo ascenso directo. Ao final quixo ir polo partido pero non logrou a remontada. Empezou o partido moi igualado, sen opcións claras de gol para ningún dos dous equipos. Os nosos so creaban situacións de perigo a balón parado, facendo remates de testa en saques dende o curruncho, nunha ocasión Samu, noutra Berdu. Pero sería o equipo local quen se adiantaría no marcador, no minuto 38, David nun mal despexe, que cae na frontal da área, nos pés dun xogador rival que da pase a dentro desta, o recolle o dorsal 70, tira a meta, pega en Samu e acaba chegando o fondo da rede. Co resultado de 1-0 ímonos aos vestiarios. A segunda parte preséntase movidita, e así nos primeiros minutos o Milagrosa puido sentenciar, nun pase en profundidade, que recolle o dianteiro rival, prántase diante de Pablo e tira raso, pero o noso porteiro intercepta o disparo nunha boa acción. A partires de ahí o Berta espabila, troca o ritmo do encontro, realiza trocos de xogadores e de sistema. Así Rodri no minuto 56, que acababa de entrar ao terreo de xogo, recolle un balón enviado por Mateo dende a banda dereita, e dende dentro da área saca un zurdazo cruzado que entra a media altura polo poste esquerdo da meta rival. Despois disto o Berta cre na remontada, sube o ritmo e chega a área rival, creando accións de perigo pero ningunha acabaría en gol, quixo e intentouno pero non conseguiría a victoria. Pena de non ter esta actitude todo o partido. SD Xuv. Aguiño 0 - Cadete B 4 Partido na Tasca na que a primeira metade estaba chea de imprecisións por parte dos nosos e moi poucas oportunidades de gol creadas. Sen lograr lanzar unha soa vez a portería. No descanso a mensaxe é clara, debemos finalizar xogadas. O equipo saíu con gran intensidade e cunha idea moi clara, finaliza-las xogadas. Con isto nada máis comeza-lo segundo tempo logramo-lo primeiro gol no marcador. Finalizamo-lo partido con 0-4, a seguir equipo!!! ED Vedra 1 - Cadete C 4 Bo traballo do grupo. Posicionamento, intensidade e colaboración. Imos no camiño correcto, seguimos traballando na formación. Xuvenil A 3 - Cidade de Ribeira 1 Partido controlado totalmente polos nosos, que apenas concederon ocasións de gol ó rival e onde se estivesen algo máis atinados cara a porte houbesen anotado máis goles, temén engadir que o colexiado unha vez máis veu sen as gafas e polo tanto non sinalou dúas claras penas máximas na área do rival. O equipo adiantouse na primeira metade cun gol de Dopazo no minuto dez de encontro. Despois o Ribeira conseguiu o empate nunha falta mal defendida pola defensa, xa que un centro lateral envenenouse e entra directo na portería. Pero Quique no cuarenta fai xustiza e consegue o 2-1 nunha boa xogada colectiva. Na segunda metade, nada máis saír de vestiarios Rodri pon o 3-1 definitivo. Seguimos na pelexa polo ascenso. Xuvenil B 1 - AD Burgo das Nacións 3 Encontro igualado na primeira metade onde dispuxemos dalgunha ocasión a pesares de non facer ben as cousas. A volta de vestiarios unha cadea de erros fai que se adiante o rival; e o pouco quedamos con 10 por unha falta, e nesa falta fan o 0-2. A partires dese intre cun xogo directo e a pesares da inferioridade numérica, dispoñemos das mellores ocasións e conseguimos recurtar diferenzas... pero outra perda imnecesaria fai que o marcador reflicta o 1-3 final que nos deixa sen opcións de conseguir puntuar. Sénior 4 - SD Carcacía 1 Partido decente, aínda que por momentos non estivemos todo o metidos no partido que deberíamos, que se acabou solucionando nos derradeiros intres. O partido púxose cómodo nos primeiros minutos e todo parecía indicar que sería unha tarde tranquila. O problema foi o primeiro minuto da segunda parte, momento no que cometemos un erro grave e o pagamos cun gol en contra. Despois diso, o equipo non estivo tan ben como debería... máis tendo en conta que voltamos fallar unha pena máxima e iso xera incertidume. O bo é que, polo menos, cara o final puidemos acertar de cara a portería rival e sentenciar así o encontro. Golazo de Leo na victoria do PB A. Gol de Diego no empate do Infantil A.

881087583

627145820 Fútbol 11

676014018 Fútbol 8

bertamiransfc@gmail.com

As Nosas Redes Sociais

Concello
Deputación
Futgal